रोमियों 16:9 - Garhwali

⁹ अर उरबानुस भै तैं भि मेरु सलाम, जु कि यीशु मसीह की सेवा मा मेरी मदद करण वळु च। अर मेरा प्यारा भै इस्तखुस तैं भि मेरु सलाम।

गढवली नयो नियम

⁹ उरबानुस तैं, जु मसीह मा हमारो सहकर्मी च, अर मेरू प्रिय इस्तखुस तैं, प्रणाम।

रोमियों 16:9 ပူးပေါင်းရင်းမြစ်များ

रोमियों 16:21

अर मेरा दगड़ा मा सेवा को काम करण वळु तीमुथियुस भै, अर वेका दगड़ा-दगड़ि मेरा यहूदी भैयों लूकियुस, यासोन, सोसिपत्रुस कू भि मेरु सलाम बुलयां।

रोमियों 16:7

मेरा दगड़ा जेलखाना मा रौण वळा मेरा रिश्तेदार अन्द्रुनीकुस अर यूनीयास भै तैं मेरु सलाम, यीशु का खास चेलों मा बटि यू भौत खास लोग छिन। अर मेरा बिस्वास करण से भि पैलि यू लोग यीशु मसीह पर बिस्वास करदा छा।

रोमियों 16:8

अर मेरा प्यारा भै अम्पलियातुस तैं भि मेरु सलाम, जु कि प्रभु यीशु मसीह पर बिस्वास करण की वजै से मेरु दगड़्या च।

रोमियों 8:11

अर पिता परमेस्वर न यीशु मसीह तैं मुरदो मा बटि ज्यून्द कैरी, अर वेकी पवित्र आत्मा तुम लोगु मा वास करदी, त जन वेन यीशु मसीह तैं मुरदो मा बटि ज्यून्द कैरी, उई तुमरा नास होण वळा सरील तैं भि अपणा पवित्र आत्मा का द्‍वारा मुरदो मा बटि ज्यून्द करलु। अर इन वु इलै करलु, किलैकि वेकी पवित्र आत्मा तुम मा भि वास करदी।

2 कुरिन्थि 12:2

अर मि यीशु मसीह पर बिस्वास करण वळु भक्‍त छौं, अर चौदह साल पैलि मितैं चाँद, तारों से भि मथि पिता परमेस्वर का पास स्वर्ग मा उठये गै। अर वे बगत मितैं सरील समेत उठये गै या बगैर सरील का यां का बारा मा मितैं अच्छे से पता नि च, मगर पिता परमेस्वर ईं बात का बारा मा भौत अच्छे से जणदु।

2 कुरिन्थि 5:17

इलै अगर कुई मनखि यीशु मसीह का दगड़ा मा एक ह्‍वेके रौणु च, त यां को मतलब यू च कि वेका सभौ मा सब कुछ नयू च। अर अब वेको जीवन जीण को तरीका पुरणा सभौ का जन नि च, बल्किन मा अब त सब कुछ नयू ही नयू च।

गलातियों 1:22

अर यहूदिया मुलक मा समुदाय का जु लोग यीशु मसीह पर बिस्वास करण वळा छा, ऊंन मितैं पैलि कभि नि देखि छौ।

फिलिप्पी 2:25

पर फिर भि मितैं यू जरुरी लगदु कि मि तुमरा पास इपफ्रुदीतुस भै तैं वापस भेजूँ, अर उ मसीह मा मेरु एक भै का जन अर सेवा का काम मा मेरा दगड़ा मा एक सिपै का जन काम करण वळु च। अर तुम लोगु न मेरी जरुरतों तैं पूरु करणु खुणि अपणा खास आदिम का रुप मा वेतैं मेरा पास भेजि छौ, ताकि उ मेरी मदद कैरी सैको।