रोमियों 16:10 - Garhwali

¹⁰ अर अपिल्‍लेस भै तैं भि मेरु सलाम, जु कि एक भलु मनखि च अर यीशु मसीह वेतैं स्वीकार करदु। अर अरिस्तुबुलुस भै का घौर का सब बिस्वासी लोगु तैं भि मेरु सलाम।

गढवली नयो नियम

¹⁰ अपिल्लेस तैं, परखे जांण का बाद भि जैको विश्वास मसीह मा सचो निकली, प्रणाम। अरिस्तुबुलुस का परिवार तैं, प्रणाम।

रोमियों 16:10 ပူးပေါင်းရင်းမြစ်များ

रोमियों 14:18

अर जु मनखि ये तरीका से अपणा जीवन तैं चलौन्दु, अर वेका दगड़ा-दगड़ि यीशु मसीह की सेवा करदु, उ मनखि पिता परमेस्वर तैं खुश करदु, अर दुसरा लोग भि वेकी तारीफ करदिन।

रोमियों 16:3

प्रिस्का बैंण अर वींका पति अक्‍किला तैं मेरु सलाम, यू लोग यीशु मसीह की सेवा करण मा मेरा दगड़्या छिन।

रोमियों 16:7

मेरा दगड़ा जेलखाना मा रौण वळा मेरा रिश्तेदार अन्द्रुनीकुस अर यूनीयास भै तैं मेरु सलाम, यीशु का खास चेलों मा बटि यू भौत खास लोग छिन। अर मेरा बिस्वास करण से भि पैलि यू लोग यीशु मसीह पर बिस्वास करदा छा।

रोमियों 8:11

अर पिता परमेस्वर न यीशु मसीह तैं मुरदो मा बटि ज्यून्द कैरी, अर वेकी पवित्र आत्मा तुम लोगु मा वास करदी, त जन वेन यीशु मसीह तैं मुरदो मा बटि ज्यून्द कैरी, उई तुमरा नास होण वळा सरील तैं भि अपणा पवित्र आत्मा का द्‍वारा मुरदो मा बटि ज्यून्द करलु। अर इन वु इलै करलु, किलैकि वेकी पवित्र आत्मा तुम मा भि वास करदी।

1 कुरिन्थि 11:19

फिर तुमरा बीच मा दल को होण भि जरुरी च, ताकि इन पता चलि जौ कि कु-कु छिन जु कि खरै से चलणा छिन।

2 कुरिन्थि 12:2

अर मि यीशु मसीह पर बिस्वास करण वळु भक्‍त छौं, अर चौदह साल पैलि मितैं चाँद, तारों से भि मथि पिता परमेस्वर का पास स्वर्ग मा उठये गै। अर वे बगत मितैं सरील समेत उठये गै या बगैर सरील का यां का बारा मा मितैं अच्छे से पता नि च, मगर पिता परमेस्वर ईं बात का बारा मा भौत अच्छे से जणदु।

2 कुरिन्थि 2:9

अर जब मिन तुमकु पैलि चिठ्‍ठी लिखी छै त वामा मिन ईं बात का बारा मा इलै लिखी छौ, ताकि मितैं पता चलु कि तुम सब बातों मा आज्ञा को पालन करदा छाँ, कि ना।

2 कुरिन्थि 5:17

इलै अगर कुई मनखि यीशु मसीह का दगड़ा मा एक ह्‍वेके रौणु च, त यां को मतलब यू च कि वेका सभौ मा सब कुछ नयू च। अर अब वेको जीवन जीण को तरीका पुरणा सभौ का जन नि च, बल्किन मा अब त सब कुछ नयू ही नयू च।

2 कुरिन्थि 8:22

अर येका दगड़ा-दगड़ि हम एक और बिस्वासी भै तैं ऊंका दगड़ा मा भेजणा छां। अर मिन कई बार प्रभु खुणि ये मनखि का काम तैं देखि, अर मितैं वेका बारा मा पता च कि उ प्रभु कि सेवा मा मदद करणु खुणि हमेसा तयार रौन्दु। अर उ भि ईं बात तैं जणदु च कि तुम लोग ये दान तैं दुसरा बिस्वासी लोगु का समणि देण चाणा छाँ, अर यू आदिम यों दुई भैयों का दगड़ा मा औणु खुणि भौत खुश च।

गलातियों 1:22

अर यहूदिया मुलक मा समुदाय का जु लोग यीशु मसीह पर बिस्वास करण वळा छा, ऊंन मितैं पैलि कभि नि देखि छौ।

फिलिप्पी 2:22

मगर तीमुथियुस कथगा काबिल च ईं बात का बारा मा तुम भौत अच्छे जणद्‍यां, कि वेन परमेस्वर का शुभ समाचार तैं फैलाण मा ठिक उन्‍नि मदद कैरी जन एक नौनु अपणा पिता की मदद करदु।

1 तीमुथियुस 3:10

अर बिस्वासी समुदाय की सेवा मा मदद करण वळा बणण से पैलि ऊंतैं परखै जौ, अगर ऊंका खिलाप कुई दोष नि लगलु, त उ समुदाय की सेवा मा मदद करण वळा बणि सकदिन।

2 तीमुथियुस 4:19

अर बैंण प्रिस्का, अर भै अक्‍किला, अर उनेसिफुरुस का घौर मा रौण वळा सब लोगु तैं मेरु सलाम।

1 पतरस 1:7

अर जन सोना तैं परखणु खुणि आग की जरुरत होन्दी ताकि उ खरु बणौ, ठिक उन्‍नि तुमरा जीवनों मा अजमैस इलै औन्दी, ताकि तुम बिस्वास मा परखै जा अर खरा निकळि सैका। पर हे मेरा दगड़्यों, मि तुमतै बतै देन्दु, कि तुमरो बिस्वास त खतम ह्‍वे जाण वळा सोना से भि भौत जादा कीमती च। इलै जब तुम अजमैसों मा बटि निकळि के मजबूत होनद्‍यां, त यीशु मसीह का औण का बगत मा तुमतै पूरि तारीफ, बडै अर पूरु आदर जरुर मिललु।