रोमियों 15:8 - Garhwali

⁸ इलै मि तुमतै बतै देन्दु, कि तुमतै याद रखण चयेणु कि यीशु मसीह यहूदी लोगु को सेवक बणि, ताकि वेका द्‍वारा इन साबित ह्‍वे जौ कि जु करार पिता परमेस्वर न ऊंका पितरों का दगड़ा मा कैरी छौ उ सच्‍चु छौ।

गढवली नयो नियम

⁸ इलै बुल्णु छों, कि ज्वा करार पुरणो तैं दिये गै छै, ऊं वादों तैं सच कनु कु मसीह, यु दिखांणु कु कि परमेश्वर विश्वासयोग्य च अर उ खतना करयां यहूदी लुखुं कु सेवक बंणि।

रोमियों 15:8 ပူးပေါင်းရင်းမြစ်များ

मत्ती 15:24

तब यीशु न जबाब देई, “मितैं सिरफ इस्राएली लोगु की मदद करणु खुणि ही भिजे गै, जु कि हरचि भेड़ों का जन छिन।”

मत्ती 20:28

तुमतै मनखि का पुत्र जन होण चयेणु, किलैकि उ अपणी खातिरदारि करौणु खुणि नि ऐ, बल्किन मा इलै ऐ कि खुद दुसरा लोगु की सेवा कैरो, अर भौत सा लोगु तैं ऊंका पापों से आजादी दिलौणु खुणि अपणी जान दे द्‍यो।”

यूहन्ना 1:11

उ अपणा निज लोगु का बीच मा ऐ, पर वेका अपणा लोगु न वेतैं स्वीकार नि कैरी।

यूहन्ना 10:16

“मेरी और भि भेड़ छिन, जु कि ये गुठ्‍यार की नि छिन। अर यू जरुरी च, कि मि ऊंतैं भि अपणा गुठ्‍यार मा लेके औंऽऽ। तब ऊ भि मेरी आवाज तैं सुणला, अर तब एक ही झुण्ड अर एक ही चरवाह होलु।

खास चेलों 13:46

तब पौलुस अर बरनबास न बड़ी हिम्मत से ऊंतैं जबाब देई, “या बात भौत जरुरी छै कि परमेस्वर को वचन सबसे पैलि तुमतै ही सुणये जान्दु। मगर जब तुम ही वेतैं नकरणा छाँ अर अफ तैं सदनि का जीवन का लैख नि समझद्‍यां, त सुणा, अब से हम दुसरि जाति का बीच मा परचार करणु कू जाणा छां।

रोमियों 11:22

अर यां से इन पता चलदु कि परमेस्वर कथगा निठुर अर कथगा दया करण वळु च। अर जु लोग वेकी आज्ञा को पालन नि करदिन ऊंतैं वु निठुर सजा देन्दु, मगर जथगा भि लोग वेकी आज्ञा को पालन करदिन ऊंकी भलै करणु खुणि उ सदनि अगनै रौन्दु। इलै अगर जु तुम लोग वेकी आज्ञा को पालन नि करिल्या, त तुमरि हालत भि जैतून का ऊं फौंकों का जन ह्‍वे जाण जौं तैं तोड़ि के अलग किये गै।

रोमियों 11:30

अर तुम जु यहूदी जाति का नि छा, एक बगत छौ जब तुमुन पिता परमेस्वर को विरोध कैरी, मगर जब यहूदी लोगु न वेको विरोध कैरी, तब पिता परमेस्वर न तुम पर दया कैरी।

रोमियों 15:16

अर या किरपा मि पर इलै ह्‍वे, ताकि मि ऊं लोगु का बीच मा काम कैरी सैको जु कि यहूदी जाति का नि छिन। अर ये काम खुणि ही मि यीशु मसीह का सेवक का रुप मा चुणै ग्यों, अर मिन पिता परमेस्वर का शुभ समाचार की शिक्षा तैं लोगु का बीच मा पौछाण को काम कैरी। अर यू सब त इलै ह्‍वे, ताकि जु लोग यहूदी जाति का नि छिन ऊं लोगु तैं पिता परमेस्वर स्वीकार कैरो। अर सब पवित्र आत्मा का द्‍वारा एक भेंट का रुप मा वेतैं चड़ये जा।

रोमियों 3:26

मगर अब उ इन नि करदु, बल्किन मा आज का बगत मा उ लोगु का पापों अर ऊं पर लग्यां इळजामो की सजा देन्दु। अर इन उ इलै करदु, ताकि इन साबित ह्‍वे जौ कि उ अपणा हरेक मामला मा सच्‍चु अर सही न्याय करण वळु च। अर जु कुई भि वेका पुत्र यीशु मसीह पर बिस्वास करदु उ वे मनखि तैं स्वीकार करदु।

रोमियों 3:3

अर अगर यहूदी लोगु मा बटि कुई मनखि बिस्वास नि करलु, त क्या पिता परमेस्वर की सच्‍चै बेकार साबित ह्‍वे गै?

रोमियों 4:16

इलै ही परमेस्वर का द्‍वारा जु करार किये गै वु मनखि का बिस्वास पर टिक्यूं च, ताकि करार को दान पितर अब्राहम का वंश का सब लोगु तैं पिता परमेस्वर की महान किरपा से मुफत मा मिली सैको। अर केवल यहूदी लोगु खुणि ही ना जु की नियम-कानूनों को पालन करदिन, बल्किन मा हम सभ्यों खुणि भि जु की पितर अब्राहम की तरौं बिस्वास करदिन। इलै ही पितर अब्राहम बिस्वास मा सब लोगु को आत्मिक बुबा च।

1 कुरिन्थि 1:12

अर मिन इन सुणी कि तुम लोगु मा बटि कुछ इन बुल्दिन कि, “मि पौलुस को चेला छौं,” अर कुई इन बुल्दु कि, “मि त अपुल्‍लोस को चेला छौं,” अर कुई इन बुल्दु कि, “मि त पतरस को चेला छौ” अर कुछ लोग त इन बुल्दिन कि, “हम त मसीह का छां यीशु मसीह का।”

1 कुरिन्थि 10:19

हे मेरा दगड़्यों, मेरु बोन्‍न को मतलब यू नि च कि मूरत ज्यून्द छिन, अर जु बलिदान ऊंका अगनै चड़ये जान्दु उ पवित्र च अर वेसे भौत फर्क पोड़दु।

1 कुरिन्थि 15:50

हे मेरा भै-बैंणो, यू हड़गा, मांस अर ल्वे का ये सरील तैं लेके हम परमेस्वर का राज मा इन नि जै सकद्‍यां। अर इन मि इलै बोन्‍नु छौं, किलैकि हमरु यू सरील ईं दुनियां को च जैन नास ह्‍वे जाण, पर स्वर्गीय सरील को नास नि होण वेन हमेसा तक रौण।

2 कुरिन्थि 1:20

किलैकि पिता परमेस्वर का जथगा भि करार छिन ऊ सब यीशु का द्‍वारा “हाँ” मा ही पूरा होनदिन। इलै ही हम यीशु मसीह का नौ का द्‍वारा पिता परमेस्वर की तारीफ खुणि “आमीन” बुल्द्‍यां अर यां से परमेस्वर की बडै होन्दी।

इफिसुस 2:12

अर वे बगत तुम लोग मसीह तैं जणदा नि छा। अर तुम लोग इस्राएल का लोगु खुणि एक परदेसी का जन छा, अर परमेस्वर न ऊं लोगु बटि जु करार कर्युं छौ, वामा तुमरो कुई हिस्सा नि छौ। असल मा तुम त ईं दुनियां मा बिना उम्मीद अर बिन परमेस्वर का जीवन जीण छा।