रोमियों 15:7 - Garhwali

⁷ अर जन यीशु मसीह न तुमतै स्वीकार कैरी, ठिक उन्‍नि तुम भि एक-दुसरा तैं स्वीकार कैरा, ताकि इन कैरिके पिता परमेस्वर की तारीफ हो।

गढवली नयो नियम

⁷ इलै, एक दुसरा तैं यु ढंग से स्वीकार कैरा, जन मसीह ल हम तैं स्वीकार कैरी; इलै लोग पिता परमेश्वर की स्तुति कैरा।

रोमियों 15:7 ပူးပေါင်းရင်းမြစ်များ

मत्ती 10:40

अर यीशु न ऊंकू इन भि बोलि, “जु तुमतै स्वीकार करदु उ मितैं स्वीकार करदु। अर जु मितैं स्वीकार करदु उ वेतैं स्वीकार करदु जै पिता परमेस्वर न मितैं भेजि च।

मरकुस 9:37

“जु कुई मेरा नौ से इन्द्रया बच्‍चों मा बटि कै एक तैं स्वीकार करदु उ मितैं स्वीकार करदु, अर जु कुई मितैं स्वीकार करदु उ केवल मितैं ही ना, बल्किन मा वेतैं भि स्वीकार करदु जैन मितैं भेजि च।”

लूका 15:2

तब फरीसी दल का लोग अर शास्‍त्री लोग कुड़कुड़ै के बोन्‍न लगि गैनी, “यू त पापि मनखियों का दगड़ा मा मेल-जोल रखदु, अर ऊंका दगड़ा मा खान्दु-पीन्दु च।”

लूका 9:48

“जु कुई मेरा नौ से ये बच्‍चा तैं स्वीकार करदु उ मितैं स्वीकार करदु, अर जु कुई मितैं स्वीकार करदु उ वेतैं स्वीकार करदु जैन मितैं भेजि च। किलैकि तुम मा बटि जु कुई भि दीन बणि के चललु, उई सबसे खास होलु।”

यूहन्ना 13:34

इलै अब मि तुमतै एक नई आज्ञा देन्दु छौं, कि तुम एक-दुसरा बटि प्यार कैरा। अर जन मिन तुम बटि प्यार कैरी, उन्‍नि तुम भि एक-दुसरा बटि प्यार कैरा।

यूहन्ना 6:37

अर पिता न जु लोग मि मा सौंप्यां छिन, उ सभि मि मा आला। अर जु कुई भि मि मा आला, ऊंतैं मि कभि नि निकळळु।

रोमियों 15:9

अर वेन यू काम इलै भि कैरी, ताकि जु लोग यहूदी जाति का नि छिन, ऊ भि पिता परमेस्वर की बडै कैरी सैका, किलैकि वु सब लोगु पर अपणी दया करदु। अर पवित्रशास्‍त्र मा भि इन्‍नि लिख्यूं च कि, “मि जाति-जाति का लोगु का बीच मा तुमरो धन्यवाद करलु, अर तुमरा नौ का भजन गौलु।”

रोमियों 5:2

अर वेका द्‍वारा बिस्वास से हम परमेस्वर की बड़ी किरपा पौण खुणि पिता परमेस्वर कि छतरछाया मा रै सैका। अर ईं बड़ी किरपा मा हम अब बणयां रा, अर पिता परमेस्वर को आदर-सम्मान मा हिस्सा पौणु की आस पर गर्व कैरा।

इफिसुस 1:12

परमेस्वर न हमतै पैलि इलै चुणी, ताकि हम जु कि यीशु मसीह पर सबसे पैलि आस रखण वळा छां, हमरा द्‍वारा पिता परमेस्वर को पूरु आदर-सम्मान अर बडै हो।

इफिसुस 1:18

अर मि इन प्रार्थना करदु कि पिता परमेस्वर तुमरा मनों का आंख्यों तैं खोली द्‍यो, ताकि तुम जाणि सैका कि वा आस क्या च, ज्यां खुणि पिता परमेस्वर न तुमतै बुलै। अर वा बेशुमार दौलत क्या च, ज्वा वेन बिस्वासी लोगु तैं विरासत मा देण खुणि रखी च।

कुलुसी 3:13

हाँ, तुम एक-दुसरे की सै ल्या, अर अगर तुमरा मन मा कै दुसरा मनखि का खिलाप मा कुई सिकैत हो, त एक-दुसरा तैं माफ कैरा। अर जन प्रभु न तुमतै माफ कैरी, ठिक उन्‍नि तुम भि एक-दुसरा तैं माफ कैरा।