रोमियों 15:3 - Garhwali

³ किलैकि यीशु मसीह न जु कुछ भि कैरी, वु सब कुछ खुद तैं खुश करणु खुणि नि कैरी बल्किन मा परमेस्वर की मनसा तैं पूरु करणु खुणि सबर रखी के सब कुछ सै, जन कि भजन संहिता मा लिख्यूं च कि, “हे परमेस्वर, लोगु न तुमरो अपमान कैरी मगर ऊंन तुमरो ना, बल्किन मा मेरु अपमान कैरी।”

गढवली नयो नियम

³ किलैकि मसीह ल अपड़ा आप तैं खुश नि कैरी, पर जन परमेश्वर का वचन मा लिख्युं च, “तेरी निंदा कन वलो ल मेरी भि निंदा कैरी।”

रोमियों 15:3 ပူးပေါင်းရင်းမြစ်များ

मत्ती 10:25

अगर एक चेला अपणा गुरु का जन अर एक नौकर अपणा मालिक का जन ह्‍वे जौ, त वे खुणि इथगा भि काफी च। अर जब ऊं लोग न घौर का मालिक खुणि ही बालजबूल बोलियालि, त वेका घौर का लोगु खुणि क्या कुछ नि बुलला?”

मत्ती 26:39

तब यीशु कुछ दूर गै अर भ्वीं मा पोड़ि के प्रार्थना कैरिके बोलि, “मेरा पिता, अगर जु तुमरि मरजी हो, त दुख का ये बगत तैं मेरा समणि बटि हटै द्‍या, पर फिर भि मेरी इच्छा ना, बल्किन मा तुमरि मनसा पूरि हो।”

मत्ती 26:42

तब वेन दुसरि बार जैके इन प्रार्थना कैरी, “हे मेरा पिता, अगर तुमरि मनसा या च कि दुख का ये बगत तैं मिन सौण ही च, त तुमरि या मनसा पूरि हो।”

मत्ती 27:44

अर ठिक इन्‍नि जु डाकु वेका दगड़ा क्रूस पर चड़ये गै छा, ऊंन भि वेको मजाक उड़ै।

यूहन्ना 15:10

अर जन मि अपणा पिता की आज्ञाओं को पालन कैरिके वेका प्यार मा बणयूं रौन्दु, ठिक उन्‍नि तुम भि अगर मेरी आज्ञाओं को पालन करिल्या, त मेरा प्यार मा बणयां रैल्या।

यूहन्ना 15:24

“अगर जु मि ऊंका बीच मा ऊं कामों तैं नि करदु, जु मिसे पैलि कैन भि नि करिनी त वु दोषी नि ठैरदा, पर अब त ऊंन मितैं अर मेरा पिता तैं देखियाली अर हम दुईयों से नफरत कैरी।

यूहन्ना 4:34

तब यीशु न ऊं बटि बोलि, “मेरु खाणुक यू च कि अपणा भेजण वळे की मनसा का मुताबिक चलु, अर वेका काम तैं पूरु कैरुं।

यूहन्ना 5:30

मि अपणी तरफा बटि कुछ नि कैरी सकदु, पर जन पिता बटि सुणदु छौं, ठिक उन्‍नि न्याय करदु अर मेरु न्याय सच्‍चु च। किलैकि मि अपणी इच्छा तैं ना, बल्किन मा अपणा भेजण वळे की मनसा तैं पूरु करण चान्दु।”

यूहन्ना 6:38

किलैकि मि अपणी इच्छा तैं ना, बल्किन अपणा भेजण वळे की मनसा तैं पूरि करणु खुणि स्वर्ग बटि उतरयुं छौं।

यूहन्ना 8:29

अर मेरु भेजण वळु मेरा दगड़ा मा च। अर वेन मितैं इखुली नि छोड़ि, किलैकि मि हमेसा ऊं कामों तैं करदु छौं, जौं से पिता खुश होन्दु।”

2 कुरिन्थि 8:9

अर तुम हमरा प्रभु यीशु मसीह की महान किरपा का बारा मा जणदा ही छाँ, कि स्वर्ग मा वेका पास सब कुछ छौ मगर हम मनखियों तैं फैदा पौछाण का खातिर उ गरीब बणि गै, ताकि हम वेका द्‍वारा हर बात मा सेठ बणि जा।

फिलिप्पी 2:5

हे मेरा दगड़्यों, जन मसीह यीशु को सभौ छौ, ठिक उन्‍नि तुमरो भि हो।

फिलिप्पी 2:8

अर वु मनखि का रुप मा हमरा बीच मा रै अर वेन खुद तैं नमर बणै दिनी, अर वु इथगा आज्ञा को पालन करण वळु छौ, कि वेन क्रूस की मौत तैं भि स्वीकार कैर दिनी।