रोमियों 15:16 - Garhwali

¹⁶ अर या किरपा मि पर इलै ह्‍वे, ताकि मि ऊं लोगु का बीच मा काम कैरी सैको जु कि यहूदी जाति का नि छिन। अर ये काम खुणि ही मि यीशु मसीह का सेवक का रुप मा चुणै ग्यों, अर मिन पिता परमेस्वर का शुभ समाचार की शिक्षा तैं लोगु का बीच मा पौछाण को काम कैरी। अर यू सब त इलै ह्‍वे, ताकि जु लोग यहूदी जाति का नि छिन ऊं लोगु तैं पिता परमेस्वर स्वीकार कैरो। अर सब पवित्र आत्मा का द्‍वारा एक भेंट का रुप मा वेतैं चड़ये जा।

गढवली नयो नियम

¹⁶ कि मि अन्यजातियों कु मसीह यीशु कु सेवक हवे के एक याजक का जन पिता परमेश्वर बट्टी मिलीं शुभ सन्देश तैं सुनांणै की सेवा करदु छों; कि अन्यजाति पिता परमेश्वर तैं एक भेंट का रूप मा दिये जां ज्यां ल उ खुश हो अर जौं तैं पवित्र आत्मा, पवित्र बणौ।

रोमियों 15:16 ပူးပေါင်းရင်းမြစ်များ

खास चेलों 13:2

अर एक दिन इन ह्‍वे कि यू लोग उपवास रखी के परमेस्वर की भक्‍ति कना छा। तब पवित्र आत्मा न ऊंकू बोलि, “जै काम तैं करणु खुणि मिन बरनबास अर शाऊल तैं चुण्यूं च, वे काम तैं पूरु करणु खुणि तुम लोग ऊंतैं मि खुणि अलग कैरा।”

खास चेलों 20:24

मगर मितैं अपणी जान की भि कुई परवा नि च, ताकि जै काम की शुरुवात मिन कैरी अर जु काम प्रभु यीशु न मि मा सौंपी वेतैं मि पूरु कैरुं, याने कि मि परमेस्वर की किरपा को शुभ समाचार लोगु तैं बतै सैकु।

खास चेलों 20:32

अर अब मि तुमतै परमेस्वर का सुपुर्द कैरी देन्दु, अर वेकी बड़ी किरपा का वचन तैं लगातार याद करण कू बुल्दु, अर वु ही वचन तुमतै बिस्वास मा मजबूत बणै सकदु, अर जौं लोगु तैं परमेस्वर न पवित्र बणयूं च ऊं लोगु तैं यू वचन ही वारिस होण को अधिकार दे सकदु।

खास चेलों 22:21

अर प्रभु न मिकू बोलि, ‘पौलुस, तू जा, किलैकि मि त्वेतै भौत दूर तक, ऊं लोगु का बीच मा भेजलु जु लोग यहूदी जाति का नि छिन।’”

खास चेलों 9:15

मगर प्रभु न वेकू बोलि, “तू जा, किलैकि मिन वेतैं अपणी सेवा करणु खुणि चुण्यालि, ताकि जु लोग यहूदी जाति का नि छिन वु ऊंका बीच मा, राजा लोगु का बीच मा, अर इस्राएली लोगु का बीच मा मेरु नौ को परचार कैरो।

रोमियों 1:1

हे मेरा भै-बैंणो, मि प्रभु यीशु मसीह को सेवक पौलुस छौं अर मि या चिठ्‍ठी इलै लिखणु छौं, किलैकि पिता परमेस्वर न मितैं यीशु मसीह को खास चेला होणु खुणि अर वेका शुभ समाचार तैं लोगु तैं सुनौण खुणि अलग कर्युं च।

रोमियों 11:13

हे मेरा भै-बैंणो, तुम जु यहूदी जाति का नि छाँ, मि तुमतै बतै देन्दु कि मि ऊं लोगु खुणि ही यीशु मसीह को खास चेला का रुप मा चुणै ग्यों, जु यहूदी जाति का नि छिन। अर अब जब मेरा पास यू काम च, इलै मि बटि जथगा जादा ह्‍वे सकदु मि ईं बात को पूरु फैदा उठौण चान्दु।

रोमियों 15:18

पर यू सब कुछ मिन अपणी ताकत से नि कैरी, किलैकि यू सब कुछ करण वळु त पिता परमेस्वर च। मेरु त बस यू ही काम च कि मि जाति-जाति का लोगु का बीच मा जौं, अर ऊंतैं पिता परमेस्वर को वचन बतै के वेका पास लेके औंऽऽ।

रोमियों 15:19

अर यू सब चमत्कार अर अदभुत काम मिन पवित्र आत्मा की ताकत से करिनी। इलै मिन भि यरूशलेम नगर अर वेका आस-पास का मुलकों बटि ठिक इल्‍लुरिकुम का मुलक तक यीशु मसीह का शुभ समाचार को परचार अच्छी तरौं से कैरी।

रोमियों 15:20

पर मेरा मन कि इच्छा या च कि जख-जख यीशु मसीह का नौ को परचार अभि तक नि ह्‍वे, मि उख-उख जैके शुभ समाचार सुणौ, ताकि कखि इन ना हो कि लोग बोला कि यू त दुसरा लोगु का कर्यां काम मा अपणु हक दिखाणु च।

रोमियों 15:29

मि जणदु छौं कि जब मि तुमरा पास औलु, त यीशु मसीह की तरफा बटि हमतै भरपूर आसीस मिलली।

रोमियों 5:5

अर जब हम वे पर अपणी आस बणै के रखद्‍यां, तब हमतै कुई सरम नि औन्दी, किलैकि पिता परमेस्वर न अपणी पवित्र आत्मा का द्‍वारा अपणु प्यार हमरा मनों मा भरपूरी से दियाली।

1 कुरिन्थि 3:5

अर तुमरो यू पौलुस अर अपुल्‍लोस क्या च लगायूं? अरे, हम त सिरफ यीशु मसीह का सेवक छां। अर हमरि बातों तैं सुणी के तुमुन यीशु मसीह पर बिस्वास कैरी, अर हम दुईयों न त सिरफ उई काम कैरी जु कि परमेस्वर न हमतै देई।

1 कुरिन्थि 4:1

इलै तुम लोग हमतै प्रभु का सेवक समझा, जौं का पास पिता परमेस्वर न सच्‍चै सिखौण को काम सौप्युं च, जु कि पैलि परगट नि छौ।

1 कुरिन्थि 6:19

क्या तुम नि जणद्‍यां, कि तुमरो सरील पवित्र आत्मा को मन्दिर च? जु कि तुमतै पिता परमेस्वर की तरफा बटि मिल्यूं च, अर तुमरा भितर वास करदु,

2 कुरिन्थि 11:23

अर वु लोग बड़ु मोन करदिन कि वु यीशु मसीह की सेवा करणा छिन। पर अब मि भि एक मूरख की तरौं तुमतै चितै देन्दु, कि मि यीशु मसीह खुणि भौत मेनत कनु छौं अर कई बार जेलखाना डळै ग्यों, अर भौत बार लोगु न मितैं बुरी तरौं से मारी, इख तक की कई बार मुरण वळु भि छौ मगर बचि ग्यों। अर मेरा दगड़ा मा यू सब इलै ह्‍वे किलैकि मि यीशु मसीह को सेवक छौं।

2 कुरिन्थि 5:20

अर ईं बात की वजै से ही मि अर मेरा दगड़्या यीशु मसीह का राज्य को परचार करद्‍यां। अर जब हम लोगु तैं बतौन्द्‍यां, त यां को मतलब यू च कि पिता परमेस्वर खुद तुमतै अपणा पास बुलाणु च। इलै हे मेरा भै-बैंणो, यीशु मसीह का होण का नाता हम तुम से बिन्ती करद्‍यां, कि तुमरो रिश्ता पिता परमेस्वर का दगड़ा मा ठिक ह्‍वे जौ, इलै वेका पास औणु खुणि वेका पास वचन तैं स्वीकार कैरा।

2 कुरिन्थि 8:5

अर हमुन इन सोची छौ कि वु लोग अपणी हैसियत का मुताबिक ही द्‍याला, मगर ऊंन हमरि सोच से भि जादा दिनी, किलैकि ऊंन पिता परमेस्वर की मरजी तैं पूरु होणु खुणि खुद तैं वेका हाथों मा सौंपी दिनी, अर वेका बाद ऊंन मितैं ईं बात का बारा मा बतै कि वु क्या करण चाणा छिन।

गलातियों 3:5

अर मि तुम लोगु बटि इन भि पूछण चाणु छौं, कि जु पिता परमेस्वर तुमतै पवित्र आत्मा को दान देन्दु, अर तुमरा बीच मा सामर्थ का काम करदु, क्या उ यू सब इलै करदु, किलैकि तुम नियम-कानूनों को पालन करद्‍यां? ना इन नि च बल्किन मा वु त इलै करदु, किलैकि तुम लोगु न वेका शुभ समाचार पर बिस्वास कैरी।

इफिसुस 2:18

अर यीशु मसीह का द्‍वारा ही हम दुई दल का लोग, एक ही पवित्र आत्मा का द्‍वारा पिता का समणि जै सकद्‍यां।

इफिसुस 2:22

अर अब तुम लोग भि यीशु मसीह का द्‍वारा हम यहूदी लोगु का दगड़ा मा मिली के एक इन मन्दिर बणौणा छाँ, जैमा पिता परमेस्वर अपणी पवित्र आत्मा का द्‍वारा रौन्दु।

इफिसुस 5:2

अर प्यार का बाटा पर चलि के एक-दुसरे से प्यार कैरा, ठिक उन्‍नि जन यीशु मसीह न तुम बटि प्यार कैरी। अर वेन हम मनखियों का खातिर खुद तैं पिता परमेस्वर का समणि एक पसन्द औण वळी खुशबुदार भेंट का रुप मा चड़ै दिनी।

फिलिप्पी 2:17

अर प्रभु मा तुमरा बिस्वास अर तुमरा द्‍वारा किये जाण वळी सेवा, परमेस्वर खुणि अरपण मा चड़ईं भेंट का जन च, अर अगर जु मितैं अपणु बलिदान या अपणु खून एक खास तेल की तरौं चड़ौण पोड़लु, त तभि भि मि खुश छौं अर मि ईं खुशी को साझा तुमरा दगड़ा मा भि करदु।

फिलिप्पी 4:18

अर भै इपफ्रुदीतुस का हाथों जौं चीजों तैं तुमुन मि खुणि भेजि, ऊंतैं पैके मि भौत खुश छौं, यू उपहार परमेस्वर तैं पसन्द औण वळा बलिदान का जन छिन ज्यां से की उ भौत खुश होन्दु। हालांकि, मेरा पास सब कुछ च अर मि भरपूर छौं।

1 थिस्सलुनीकी 2:2

जन कि तुम जणदा छाँ कि फिलिप्पी नगर मा हमुन भौत पीड़ा सै, अर हमरि बेजती भि किये गै। मगर परमेस्वर न हमतै हिम्मत देई, अर विरोध होण का बाद भि हम तुमरा पास अयां, अर तुमरा नगर मा औण पर भि हमरा दगड़ा मा ठिक इन्‍नि ह्‍वे। पर फिर भि हमुन तुमतै परमेस्वर को शुभ समाचार सुणै।

1 थिस्सलुनीकी 2:9

हे मेरा भै-बैंणो, तुमतै हमरि कठिन मेनत अर हमरि ध्याड़ि करण जरुर याद होलि। जब हमुन तुमतै परमेस्वर को शुभ समाचार सुणै त अपणी जरुरतों तैं पूरु करणु खुणि हमुन दिन-रात काम-काज कैरी, ताकि हम तुम मा बटि कै का मथि भि भारु नि बणा।

1 थिस्सलुनीकी 5:23

हम तुम खुणि प्रार्थना करद्‍यां, कि तुमरि आत्मा, पराण, अर तुमरो सरील हमरा प्रभु यीशु मसीह का औण का दिन तक पूरु निरदोष अर हरेक बुरी बात से बचि के रौ। अर शान्ति देण वळु परमेस्वर तुमतै पूरि तरौं से पवित्र कैरो।

1 तीमुथियुस 1:11

अर या अच्छी शिक्षा वे शुभ समाचार बटि औन्दी, जु आसीस तैं देण वळा महान परमेस्वर को च। अर मितैं वेको परचार करण की जबाबदारी दिईं च।

1 तीमुथियुस 2:7

इलै ही परमेस्वर न मितैं खास चेला अर परचार करण वळा का रुप मा चुणी। ताकि बिस्वास अर सच्‍च क्या च, वेका बारा मा मि ऊं लोगु तैं सिखौ जु यहूदी जाति का नि छिन। अर मि सच्‍च बोन्‍नु छौं, या बात झूठ्‍ठी नि च।

2 तीमुथियुस 1:11

अर ये ही शुभ समाचार तैं फैलाणु खुणि अर लोगु तैं सिखौणु खुणि वे परमेस्वर न मितैं एक खास चेला का रुप मा चुण्यालि।

इब्रानी 13:16

अर भलै करण अर दुसरो की मदद करण नि बिसरा, किलैकि यू भि एक बलिदान का जन च, ज्यां से कि परमेस्वर खुश होन्दु।

1 पतरस 1:12

अर ऊं लोगु पर इन परगट किये गै, कि सेवा की जौं बातों का बारा मा बतये जाणु च वु ऊं खुणि ना, बल्किन मा औण वळी पीढ़ी का लोगु खुणि छिन, याने कि हम लोगु खुणि। अर जु कुछ भि ऊंन पवित्र आत्मा का द्‍वारा पै, उ शुभ समाचार ऊंन हमतै सुणै, अर यों ही बातों तैं स्वर्गदूत बड़ी इच्छा रखी के दिखण चाणा छिन।

1 पतरस 2:5

त तुम भि वे ज्यून्दा ढुंगा का जन आत्मिक घौर बणि जन्द्‍यां। अर यू काम इलै किये जान्दु, ताकि तुम पवित्र पुरोहितों को एक दल बणि जा, अर यीशु मसीह का द्‍वारा पिता परमेस्वर खुणि इन आत्मिक बलिदान चड़ा जु कि वेतैं स्वीकार हो।