रोमियों 14:3 - Garhwali

³ इलै सब कुछ खाण वळा मनखि तैं, सागपात खाण वळा मनखि को अपमान नि करण चयेणु, अर ठिक उन्‍नि सागपात खाण वळा मनखि तैं भि सब कुछ खाण वळा को न्याय नि करण चयेणु, किलैकि न्याय करण परमेस्वर को काम च, अर उ दुई किसम का लोगु तैं स्वीकार करदु।

गढवली नयो नियम

³ अर जु मांस खांद, ऊं मांस नि खांण वला तैं तुच्छ नि समझो अर मांस नि खांण वला पर भंगार नि लगौ; किलैकि परमेश्वर दुयूं तैं स्वीकार करदो।

रोमियों 14:3 ပူးပေါင်းရင်းမြစ်များ

मत्ती 18:10

यीशु न ऊंकू इन भि बोलि, “सुणा, तुम मेरा पिछनै चलण वळा यों छुटो तैं सुद्‍दी नि समझा, अर मि तुमतै चितै देन्दु किलैकि स्वर्ग मा रौण वळा स्वर्गदूत जु की ऊंकी देख-रेख करदिन, वु सदनि मेरा पिता का समणि हाजिर रौनदिन।

मत्ती 9:14

अर एक दिन यूहन्‍ना बपतिस्मा देण वळा का चेला यीशु का पास ऐनी अर पूछी, “गुरुजी, क्या बात च कि हम अर फरीसी दल का लोग इथगा उपवास रखद्‍यां, पर तुमरा चेला बिल्कुल भि उपवास नि रखदिन?”

लूका 18:9

तब यीशु न ऊं लोगु खुणि जु खुद पर इन भरोसा रखदिन कि हम भौत धरमी छां, मगर दुसरा लोगु को तिरिस्कार करदिन। अर इन्द्रया लोगु खुणि ही यीशु न एक उदारण देके बोलि कि,

खास चेलों 10:34

तब पतरस न बोलि, “अब मि सच्‍चि मा जाणि ग्यों, कि परमेस्वर कै का दगड़ा मा भि भेदभाव नि करदु,

खास चेलों 10:44

अर अभि पतरस यों सब बातों का बारा मा बोन्‍नु ही छौ, कि तबरि पवित्र आत्मा को दान ऊं सभ्यों तैं मिली गै जु वेकी बातों तैं सुनणा छा।

खास चेलों 28:2

अर उखा लोगु न हम पर बड़ी दया दिखै, किलैकि बरखा लगीं छै अर भौत जादा ठण्ड लगणि छै, इलै ऊंन हम खुणि आग जगै अर हमरु स्वागत भि कैरी।

रोमियों 11:15

अर जब पिता परमेस्वर इस्राएली लोगु से दूर ह्‍वे गै, त वेन दुनियां का और लोगु का दगड़ा मा मेल-जोल कैरी। अर जब पिता परमेस्वर इस्राएली लोगु तैं स्वीकार करलु, त उई ऊंतैं मुरदो मा बटि ज्यून्द करण का बाद जीवन दान भि द्‍यालु।

रोमियों 14:1

हे मेरा भै-बैंणो, अगर कुई मनखि बिस्वास मा कमजोर च त वेका दगड़ा मा बहसबाजी नि कैरा, बल्किन मा वेतैं अफ दगड़ा मा ले ल्या।

रोमियों 14:10

मगर तू अपणा भै पर इळजाम लगौण को काम किलै करदी? या तू अपणा भै तैं किलै बेकार समझणी छैई? अरे याद रख, कि हम सभ्यों न एक दिन पिता परमेस्वर का न्याय आसन का समणि खड़ु होण,

रोमियों 14:13

इलै अब से एक-दुसरा की गळती निकळण छोड़ि द्‍या, अर ना ही हमतै कुई इन्द्रयो फैसला लेण चयेणु, ज्यां से कि कै बिस्वासी भै या बैंण तैं अपणा जीवन मा उतेडु़ लगु या उ पाप मा पोड़ि जौ।

रोमियों 14:15

अगर तुम अपणा खाणुक खाण की वजै से कै बिस्वासी भै या बैंण खुणि उतेडु़ बणण छाँ, त ईं बात तैं जाणि ल्या कि तुम वे बाटा पर नि चलणा छाँ, जु कि दुसरो से प्यार करण को च। अरे जु खाणुक तुम खन्द्‍यां, कखि उ वे मनखि खुणि नास होण की वजा नि बणि जौ, जै मनखि की खातिर यीशु मसीह मरे गै।

रोमियों 14:21

तुम खुणि भली बात त या ही च, कि नऽ त तुम मांस खा, अर ना ही तुम दारु प्या, अर ना कुई इन्द्रयो काम कैरा ज्यां से की कुई दुसरो बिस्वासी भै या बैंण पाप करण लगि जौ।

रोमियों 15:7

अर जन यीशु मसीह न तुमतै स्वीकार कैरी, ठिक उन्‍नि तुम भि एक-दुसरा तैं स्वीकार कैरा, ताकि इन कैरिके पिता परमेस्वर की तारीफ हो।