रोमियों 14:10 - Garhwali

¹⁰ मगर तू अपणा भै पर इळजाम लगौण को काम किलै करदी? या तू अपणा भै तैं किलै बेकार समझणी छैई? अरे याद रख, कि हम सभ्यों न एक दिन पिता परमेस्वर का न्याय आसन का समणि खड़ु होण,

गढवली नयो नियम

¹⁰ त तुम किलै अपड़ा दगड़िया विश्वासी भैय पर भंगार लगांणु छै? या तु फिर अपड़ा दगड़िया विश्वासी भैय तैं तुच्छ किलै समझंणि छै? हम सभियूं कु न्याय आसण मा बैठयां पिता परमेश्वर बट्टी होलो।

रोमियों 14:10 ပူးပေါင်းရင်းမြစ်များ

मत्ती 7:1

अर यीशु न भीड़ का लोगु कू इन भि बोलि कि, “एक-दुसरा पर इळजाम लगौण बन्द कैरा, ताकि तुम पर भि इळजाम नि लगये जौ।

लूका 18:9

तब यीशु न ऊं लोगु खुणि जु खुद पर इन भरोसा रखदिन कि हम भौत धरमी छां, मगर दुसरा लोगु को तिरिस्कार करदिन। अर इन्द्रया लोगु खुणि ही यीशु न एक उदारण देके बोलि कि,

लूका 23:11

तब हेरोदेस अन्तिपास न भि अपणा सिपयों का दगड़ा मा यीशु को अपमान कैरिके वेको मजाक उड़ै, अर चटकिलु कपड़ा पैरै के वेतैं पिलातुस का पास वापिस भेजि दिनी।

यूहन्ना 5:22

अर पिता कै को न्याय नि करदु, पर वेन न्याय करण को पूरु अधिकार पुत्र तैं सौंप्याली।

खास चेलों 10:42

अर वेन ही हमतै इन आज्ञा दिनी कि लोगु का बीच मा जैके परचार कैरा अर इन गवै द्‍या, कि यू उई यीशु च जैतैं परमेस्वर न मुरयां अर ज्यून्दा लोगु को न्याय करण वळु ठैरैयालि।

खास चेलों 17:31

अर मि तुमतै बतै देन्दु, कि वेन एक दिन ठैर्युं च वे दिन उ पूरि दुनियां को न्याय धरमी रीति से करलु, अर न्याय करणु खुणि परमेस्वर न वे मनखि तैं चुण्यूं भि च, जु कि यीशु ही च। अर परमेस्वर न वेतैं मुरदो मा बटि ज्यून्दु कैरिके या बात साबित भि कैरियाली।”

खास चेलों 4:11

अर वे ही यीशु का बारा मा इन लिख्यूं च कि, “‘यू उई ढुंगो च जैतैं तुम मिस्‍त्रियों न फुंन ढुळ्यु समझि पर उई कुणों को खास ढुंगो बणि गै।’

रोमियों 2:16

अर यू सब कुछ आखिरी का दिन मा होलु, जब पिता परमेस्वर यीशु मसीह का द्‍वारा लोगु का गुप्‍त कामों को न्याय करलु। अर जै शुभ समाचार को परचार मि करदु उ यू ही च।

1 कुरिन्थि 4:5

इलै जबरि तक न्याय को बगत नि ऐ जान्दु, तबरि तक कै का दगड़ा मा कुई गळत काम नि कैरा। अर जब हमरु प्रभु यीशु आलु, त उई ईं बात को न्याय करलु, अर लोगु तैं ऊंका भला-बुरा कामों का बारा मा बतालु, जु ऊंन लुकि-छिपी के करिनी। अर उ इन भि बतालु, कि ऊंका मनों मा क्या च। तब पिता परमेस्वर ऊं लोगु की तारीफ करलु, जु वेका काम खुणि वफादार छिन।

2 कुरिन्थि 5:10

किलैकि हम मा बटि हरेक तैं मसीह का न्याय आसन का समणि हाजिरा होण पोड़लु, ताकि हर मनखि जैन ये सरील मा रै के जन-जन काम कैरी होला, ऊंतैं ऊंका कामों का मुताबिक बदला दिये जौ अब चै वु अच्छा हो या बुरा।