रोमियों 14:1 - Garhwali

¹ हे मेरा भै-बैंणो, अगर कुई मनखि बिस्वास मा कमजोर च त वेका दगड़ा मा बहसबाजी नि कैरा, बल्किन मा वेतैं अफ दगड़ा मा ले ल्या।

गढवली नयो नियम

¹ जु विश्वासी भैय विश्वास मा कमजोर च, वेकी मान्यताओं का बारा मा कै भि शक अर बगैर जांच के वे तैं अपणैयला, वेका दगड़ी बहस नि कैरा की क्य कन चयणु च या क्य नि कन चयणु च।

रोमियों 14:1 ပူးပေါင်းရင်းမြစ်များ

मत्ती 12:20

अर जु लोग निगुंला का कुंगळा हिस्सा का जन छिन, ऊंतैं वु तोड़ि के नास नि करलु, अर जु लोग बुझण वळा द्‍यू का जन छिन ऊंतैं वु नि बुझालु। अर जबरि तक परमेस्वर का सच्‍चा न्याय तैं जीत नि मिली जौ, तबरि तक उ इन्‍नि कनु रालु।

मत्ती 14:31

अर यीशु न तुरन्त अपणु हाथ बढै के वेतैं थामि दिनी अर वेकू बोलि, “हे कम बिस्वास करण वळा, तिन सक किलै कैरी?”

मत्ती 18:10

यीशु न ऊंकू इन भि बोलि, “सुणा, तुम मेरा पिछनै चलण वळा यों छुटो तैं सुद्‍दी नि समझा, अर मि तुमतै चितै देन्दु किलैकि स्वर्ग मा रौण वळा स्वर्गदूत जु की ऊंकी देख-रेख करदिन, वु सदनि मेरा पिता का समणि हाजिर रौनदिन।

मरकुस 7:19

किलैकि वा चीज वेका मन मा ना, बल्किन मा पुटगुन्द जान्दी, अर मल का रुप मा भैर निकळि जान्दी। अर इन बोलि के यीशु न खाण की सब चीजों तैं शुद्ध ठैरै।

यूहन्ना 13:20

अर मि तुम बटि सच्‍चि ही बोन्‍नु छौं, कि जु कुई मेरा भेज्यां मनखियों तैं स्वीकार करदु, उ मितैं स्वीकार करदु। अर जु मितैं स्वीकार करदु, उ वेतैं स्वीकार करदु जैन मितैं भेजि च।”

खास चेलों 28:2

अर उखा लोगु न हम पर बड़ी दया दिखै, किलैकि बरखा लगीं छै अर भौत जादा ठण्ड लगणि छै, इलै ऊंन हम खुणि आग जगै अर हमरु स्वागत भि कैरी।

रोमियों 11:15

अर जब पिता परमेस्वर इस्राएली लोगु से दूर ह्‍वे गै, त वेन दुनियां का और लोगु का दगड़ा मा मेल-जोल कैरी। अर जब पिता परमेस्वर इस्राएली लोगु तैं स्वीकार करलु, त उई ऊंतैं मुरदो मा बटि ज्यून्द करण का बाद जीवन दान भि द्‍यालु।

रोमियों 14:2

किलैकि कुई मनखि इन बिस्वास करदु कि सब कुछ खाण चयेणु, अर यां मा कुई बुरी बात नि च, मगर जु मनखि बिस्वास मा कमजोर च, वेको मनण इन च कि हमतै केवल सागपात ही खाण चयेणु।

रोमियों 14:21

तुम खुणि भली बात त या ही च, कि नऽ त तुम मांस खा, अर ना ही तुम दारु प्या, अर ना कुई इन्द्रयो काम कैरा ज्यां से की कुई दुसरो बिस्वासी भै या बैंण पाप करण लगि जौ।

रोमियों 14:3

इलै सब कुछ खाण वळा मनखि तैं, सागपात खाण वळा मनखि को अपमान नि करण चयेणु, अर ठिक उन्‍नि सागपात खाण वळा मनखि तैं भि सब कुछ खाण वळा को न्याय नि करण चयेणु, किलैकि न्याय करण परमेस्वर को काम च, अर उ दुई किसम का लोगु तैं स्वीकार करदु।

रोमियों 15:1

हे मेरा दगड़्यों, हम जु अपणा बिस्वास मा मजबूत छां, हमतै ऊं लोगु की कमजोरियों तैं सै लेण चयेणु जु कि बिस्वास मा मजबूत नि छिन। अर हरेक जगा मा हमतै अपणी ही खुशी नि दिखण चयेणी।

रोमियों 15:7

अर जन यीशु मसीह न तुमतै स्वीकार कैरी, ठिक उन्‍नि तुम भि एक-दुसरा तैं स्वीकार कैरा, ताकि इन कैरिके पिता परमेस्वर की तारीफ हो।

रोमियों 4:19

जब कि वे बगत मा पितर अब्राहम लगभग सौ साल को बुढ्या ह्‍वे गै छौ, अर वेकी घरवळी सारा बाँझ छै। इलै ऊंका पास कुई उम्मीद नि छै कि ऊंकी कुई औलाद पैदा होलि। मगर यों सब बातों का होन्द भि पितर अब्राहम को बिस्वास कम नि ह्‍वे।

1 कुरिन्थि 9:22

अर जब ऊं लोगु का बीच मा छौ जु कि बिस्वास मा कमजोर छिन त मि ऊंका जन ही बणि ग्यों, ताकि वु बिस्वास मा और मजबूत ह्‍वे सैका। अर यों सब बातों को मतलब यू च कि मि सब किसम का लोगु खुणि सब कुछ बणि ग्यों, ताकि कनि ना कनि के मि लोगु तैं यीशु मसीह का पास लेके ऐ सैकु, अर वु वीं सजा से बचि जा जु की पाप करण की वजै से मिलदी।

फिलिप्पी 2:29

इलै प्रभु यीशु का प्यार का मुताबिक तुम वेको स्वागत बड़ी खुशी से कर्यां, अर इन्द्रया लोगु को स्वागत बड़ा सम्मान से करण चयेणु।

1 थिस्सलुनीकी 5:14

अर सभ्यों का दगड़ा मा सबर रखण वळा बणयां रा। हे मेरा भै-बैंणो, हम तुमतै उपदेस देके बुल्द्‍यां, कि जु लोग अळकसि छिन, ऊंतैं तुम चितै के समझा, अर जु डऽरपोक छिन ऊंतैं हिम्मत द्‍या, अर जु कमजोर छिन ऊंकी मदद कैरा।

इब्रानी 5:14

पर अन्‍न त बड़ा लोगु खुणि च, जु कि अपणा जीवन का तजुर्बो का द्‍वारा भलै अर बुरै का बीच मा फरक कैरी सकदिन।

2 यूहन्ना 1:10

अर अगर कुई मनखि तुमरा पास अऽ, अर इन्दरि शिक्षा तैं द्‍यो, त इन्द्रया मनखि तैं अपणा घौर मा नि औण द्‍या, इख तक की वेकू सलाम भि नि बोला।