रोमियों 13:7 - Garhwali

⁷ इलै जैको जथगा हक बणदु, वु वेतैं दिये जौ। अर जु कर की मांग करदु वेतैं कर दिये जौ, अर जु चुंगी लेण की मांग करदु वेतैं चुंगी दिये जौ। अर जै से डऽरण चयेणु, वेसे डौऽरा, अर जैतैं आदर देण चयेणु वेतैं पूरु आदर-सम्मान द्‍या।

गढवली नयो नियम

⁷ इलै जै तैं जु मिलण चयणु च तुम तैं उ चुकांण चयणु च; वे तैं चुंगी द्यावा जौं तैं चुंगी चयणी च, सभि अधिकारियों कु आदर कैरा।

रोमियों 13:7 ပူးပေါင်းရင်းမြစ်များ

मत्ती 17:25

तब वेन बोलि, “हाँ, गुरुजी देन्दा छिन।” अर जब पतरस घौर मा ऐ, त वेका बोन्‍न से पैलि ही यीशु न वेसे पूछी, “शमौन, तू क्या सोचदी? कि दुनियां का राजा कै बटि चुंगी अर कर लेन्दिन, अपणा नौना बटि या दुसरा लोगु बटि?”

मत्ती 22:21

अर ऊंन वेकू बोलि “रोमी महाराज को।” तब वेन बोलि, “जु रोमी महाराज को च उ महाराज तैं द्‍या, अर जु परमेस्वर को च उ परमेस्वर तैं द्‍या।”

मरकुस 12:17

तब वेन ऊंकू बोलि, “जु रोमी महाराज को च उ महाराज तैं द्‍या, अर जु परमेस्वर को च उ परमेस्वर तैं द्‍या।” अर या बात सुणी के वु भौत ताजुब मा पोड़ि गैनी।

लूका 20:22

क्या हमतै महाराजा तैं कर देण चयेणु, या नि देण चयेणु?”

लूका 20:25

तब यीशु न ऊंकू बोलि, “त जु महाराजा को च उ महाराजा तैं द्‍या, अर जु परमेस्वर को च उ परमेस्वर तैं द्‍या।”

लूका 23:2

अर उख पौंछी के वु लोग यीशु पर इळजाम लगै के बोन्‍न लगि गैनी कि, “यू आदिम हमरा लोगु तैं भरमौन्दु, अर इन भि बुल्दु कि महाराज तैं कर नि देण चयेणु। अर इन भि बुल्दु कि, ‘मि मसीह छौं अर मि एक राजा भि छौं।’”

रोमियों 12:10

अर अपणा आपस मा भै-बैंणो की तरौं सच्‍चा दिल से प्यार कैरा, अर हमेसा एक-दुसरो को आदर-सम्मान कैरा।

रोमियों 13:6

अर इलै ही हम लोग अपणा राज्य तैं कर देन्द्‍यां, किलैकि जब अधिकारी लोग अपणी जबाबदारी तैं पूरु कना रौनदिन, त वे बगत वु पिता परमेस्वर खुणि काम कना रौनदिन।

इफिसुस 5:33

पर फिर भि तुम मा बटि हरेक मनखि अपणी घरवळी से उन्‍नि प्यार कैरो, जन उ खुद से करदु। अर ठिक उन्‍नि घरवळी भि अपणा पति तैं पूरु आदर-सम्मान द्‍यो।

इफिसुस 6:5

हे मेरा भै-बैंणो, तुम जु नौकर छाँ, अर ईं दुनियां का मुताबिक जु तुमरा मालिक छिन, ऊंका अधीन मा रा, अर ऊंकी बातों को पालन कैरा। अर यू सब कुछ तुम इन सोची के कैरा जन तुम सच्‍चा दिल से यीशु मसीह की सेवा कना हो।

1 तीमुथियुस 5:13

अगर इन्दरि विधवाओं की मदद होलि, त वु अळकसि ह्‍वे जालि। इथगा ही ना पर उ बेमतलब मा घौर-घौर घूमी के एक-दुसरे की छुईं ही लगाली। अर जु-जु बात बोन्‍न ठिक नि होनदिन वु सब बात यू बोललि।

1 तीमुथियुस 5:17

अर बिस्वासी समुदाय का अध्यक्ष जु की समुदाय मा अच्छी सेवा करदिन, खास कैरिके वु लोग जु की वचन को परचार करण मा अर वेतैं सिखौण खुणि कठिन मेनत करदिन, हाँ ऊंतैं और भि जादा आदर-सम्मान मिलण चयेणु।

1 तीमुथियुस 6:1

अर जथगा भि लोग गुलामी का जुवा तौळ दबयां छिन, ऊ अपणा-अपणा मालिकों को हरेक बात मा आदर-सम्मान कैरा, ताकि परमेस्वर का नौ अर जु रैबार हम सिखौन्द्‍यां, वेतैं कुई भि भलु-बुरु नि बोल सैको।

1 पतरस 3:7

हे मेरा भैयों, ठिक इन्‍नि तुम लोग भि अपणी-अपणी घरवळी का दगड़ा मा बड़ी समझदारी से अपणु जीवन ज्या। अर भले ही वा ताकत मा तुम से थुड़ी कमजोर ह्‍वे सकदी, मगर तुम वींतैं पूरु आदर-सम्मान द्‍या, अर ईं बात तैं समझि ल्या, कि पिता परमेस्वर न अपणी किरपा का द्‍वारा तुम दुईयों तैं वारिस होणु खुणि बुलयूं च। अर इन कैरिके तुमरि प्रार्थनाओं मा कुई रुकावट नि आली।