रोमियों 13:11 - Garhwali

¹¹ अर इन इलै कैरा किलैकि हम एक इन्द्रया बगत मा जीणा छां जु कि भौत अनमोल च। हे मेरा दगड़्यों, अब सिण को बगत नि रै गै, उठा, किलैकि बगत नजदीक ऐ गै। अर जब हमुन बिस्वास कैरी छौ, तब से लेके अभि तक हमरु बचयै जाण को बगत भि और नजदीक ऐ गै।

गढवली नयो नियम

¹¹ तुम मा बट्टी हरेक तैं एक दुसरा बट्टी प्रेम करदी रौंण चयणु च, किलैकि उ बगत नजीक च जब पिता परमेश्वर तुम तैं ईं बुरी दुनिया बट्टी बचालो, जब हम पैली बार मसीह मा विश्वास करदा छा, वे बगत बट्टी त यु हमारो उद्धार अब नजीक च। यां तैं समझी कै, तुम तैं अपड़ी निंद बट्टी बिजण चयणु च अर सावधान रांण चयणु च।

रोमियों 13:11 ပူးပေါင်းရင်းမြစ်များ

मत्ती 16:3

अर सुबेर का बगत बुल्द्‍यां, ‘आज जरुर तूफान आलु, किलैकि आसमान लाल अर धुंधळु होयुं च।’ अरे जब तुम आसमान का लक्षण देखि के वेको हाल बतै सकद्‍यां, त क्या तुमतै इथगा पता नि चलणु च कि आज ब्याळि क्या-क्या काम होणा छिन।

लूका 21:28

अर जब इन होण लगि जालु, त तुम गर्व से खड़ा ह्‍वे जयां, किलैकि तुमरो छुटकारु को बगत नजदीक ऐ गै।”

1 कुरिन्थि 10:11

अर यू सब बात ऊंका दगड़ा ह्‍वेनि, ताकि वु सभ्यों खुणि एक उदारण बणि जा। अर येका बारा मा पवित्रशास्‍त्र मा भि लिख्यूं च, ताकि हम इन नि कैरा जन ऊंन कैरी, किलैकि हम दुनियां का वे बगत मा जीण छां, जु कि आखिरी को बगत च।

1 कुरिन्थि 15:34

हे मेरा भै-बैंणो, जरा होस मा आ अर जु कुछ गळत च वेतैं करण छोड़ि द्‍या, किलैकि तुम मा बटि कुछ लोग इन छिन जु कि ईं बात तैं स्वीकार नि करदिन कि परमेस्वर मुरदो मा बटि ज्यून्द करलु। अर या बड़ा सरम की बात च, कि तुम मा बटि कुछ लोगु न अभि तक परमेस्वर तैं नि पछ्याणी।

इफिसुस 5:14

इलै ही पवित्रशास्‍त्र मा साफ-साफ लिख्यूं च कि, “हे सियां मनखि उठ, मुरदो मा बटि खड़ु हो, तब मसीह को उज्याळु त्वे पर चमकळु।”

याकूब 5:8

ठिक उन्‍नि तुम भि सबर रखा। अर अपणा मनों तैं मजबूत कैरा, किलैकि प्रभु को औण वळु दिन नजदीक ही च।

1 पतरस 4:7

अर सब बातों को अन्त नजदीक ऐ गै, इलै खुद पर काबू रखा अर साफ सोच रखा, ताकि तुम सही तरीके से पिता परमेस्वर से प्रार्थना कैरी सैका।

2 पतरस 3:11

अर जब यू सब कुछ इन कैरिके नास होण वळु च, त तुम सोचा तुमरो चाल चलण कन होण चयेणु? अरे तुमतै त पवित्र चाल-चलन रखण चयेणु, अर परमेस्वर की भक्‍ति का काम करण वळु मनखि बणण चयेणु।

2 पतरस 3:9

अर प्रभु अपणा करार तैं पूरु करण मा कभि देर नि करदु, जन कि कुछ लोग समझदिन बल्किन मा वु त हमरा खातिर सबर रखदु, किलैकि परमेस्वर कै भि मनखि तैं नास होन्द देखि नि सकदु। पिता परमेस्वर त इन चान्दु, कि हरेक मनखि तैं पापों बटि पस्ताप करण को मौका मिलण चयेणु।

1 यूहन्ना 2:18

हे मेरा बच्‍चों, यू त आखिरी को बगत च अर जन कि तुमुन सुण्यालि कि यीशु मसीह को विरोध करण वळु औण वळु च, अर अगर ईं बात का मुताबिक दिखै जौ त भौत सा लोग इन ऐ गैनी, जु कि यीशु मसीह को विरोध करदिन। अर यां से हमतै इन पता चलदु कि यू आखिरी को बगत च।

दिब्य दरस 1:3

धन्य च उ जु ईं भविष्यबाणी का वचनों तैं पढदु, अर धन्य छिन वु लोग भि जु यों वचनों तैं सुणदिन, अर या मा लिखीं बातों को पालन करदिन, किलैकि यू सब बात पूरि होण वळी छिन।

दिब्य दरस 22:10

तब वेन मिकू बोलि, “ईं किताब मा लिखीं भविष्यबाणी की बातों तैं नि छिपौ, किलैकि ऊंको पूरु होण को बगत नजदीक ऐ गै।

दिब्य दरस 22:12

तब यीशु न मिकू बोलि, “देख मि जल्द ही औण वळु छौं, अर हरेक मनखि तैं वेका कामों का मुताबिक बदला मा दिये जालु।

दिब्य दरस 22:20

अर यीशु जु कि यों सब बातों की गवै देन्दु उ इन बुल्दु, “हाँ, मि जल्द औण वळु छौं।” हे मेरा प्रभु यीशु, जल्द अऽ। आमीन।