रोमियों 12:13 - Garhwali

¹³ अर पिता परमेस्वर का लोगु का दगड़ा मा अपणी चीजों को साझा कैरा, अर अणजाण लोगु को भि अपणा घौर मा स्वागत कैरा।

गढवली नयो नियम

¹³ पवित्र लुखुं तैं जु कुछ जरूरी हो, वेमा ऊंकी मदद कैरा; मेहमानदरी कन मा लगयां रावा।

रोमियों 12:13 ပူးပေါင်းရင်းမြစ်များ

मत्ती 25:35

किलैकि जब मि भूकि छौ त तुमुन मितैं खाणु खिलै, अर जब मि तिसलु छौ, त तुमुन मेरी तीस बुझै, अर मि तुम खुणि अणजाण छौ, पर फिर भि तुमुन मितैं अपणा घौर मा जगा दिनी।

खास चेलों 10:4

अर वेन स्वर्गदूत की तरफा ध्यान से देखि अर डौऽरी गै अर बोलि, “यू क्या च श्रीमान,” स्वर्गदूत न वेकू बोलि, “परमेस्वर न तेरी प्रार्थनाओं तैं, अर जु दान-दकछिणा तू देन्दी छैई वु सब परमेस्वर का समणि गै अर वेन वु सब अरपण का रुप मा स्वीकार कैरियाली।

खास चेलों 4:35

अर खास चेला वीं रकम तैं जरुरतमन्द लोगु तैं ऊंकी जरुरत का मुताबिक ऊंमा बांटि देन्दा छा।

रोमियों 12:8

अर जु उपदेस देण वळु च, उ उपदेस देण मा लग्यूं रौ। अर जु मनखि दान देण वळु च, उ खुशी से दान द्‍यो, अर जु लोग सच्‍चै को बाटु पर चलौण वळा छिन वु अपणी पूरि मेनत से ये काम तैं कैरा। अर दया करण वळु मनखि, मन की खुशी से दया कैरो।

1 कुरिन्थि 16:15

हे मेरा दगड़्यों, तुम लोग स्तिफनास भै का घौर मा रौण वळा लोगु का बारा मा त जणदा छाँ, ऊ लोग अखया मुलक का पैला बिस्वासी लोग छिन। अर पिता परमेस्वर का लोगु की सेवा करणु खुणि वु हमेसा तयार रौनदिन।

2 कुरिन्थि 9:1

अर मि तुमतै वे दान का बारा मा लिखण चाणु छौं, जैकी तयारी तुम लोग दुसरा बिस्वासी लोगु की मदद खुणि कना छाँ। अर येका बारा मा मि तुम खुणि कुछ जादा लिखण जरुरी नि समझदु।

2 कुरिन्थि 9:12

हे मेरा भै-बैंणो, तुम ईं बात तैं याद रखा कि जौं बिस्वासी लोगु की मदद खुणि यू दान जमा किये जाणु च, वेका बदला मा वु लोग तुम खुणि अर तुमरा ये काम खुणि पिता परमेस्वर को धन्यवाद करला।

गलातियों 6:10

इलै जब भि हमतै भलै करण को मौका मिलणु च, त हमतै सभ्यों का दगड़ा मा भलै करण चयेणी। अर खास कैरिके हमतै ऊंकी भि मदद करण चयेणी, जु की यीशु मसीह पर बिस्वास करण की वजै से आज हमरा दगड़ा मा मिली गैनी।

1 तीमुथियुस 3:2

इलै एक अध्यक्ष इन जीवन ज्यो कि कुई भि वे पर दोष नि लगै सैको, अर वेकी एक ही घरवळी हो अर उ अपणा सरील तैं अपणा काबू मा रखण वळो हो, अर उ लोगु का दगड़ा मा अच्छु बरतौ कैरो। अर लोग वेको आदर-सम्मान कैरा, अर उ एक अच्छु जीवन ज्यो, अर उ मैमानदारी निभौण मा भि खूब हो, अर अच्छी शिक्षा देण वळो भि हो।

तीतुस 1:8

पर उ त मैमानों की सेवा-भगत करण वळु, अर भलै तैं पसन्द करण वळु, सबर रखण वळु, ठिक न्याय करण वळु हो, अर खुद पर वस रखण वळु, अर पवित्र हो।

तीतुस 3:14

अर सब बिस्वासी लोग भलै का काम करण सीखा, ताकि ऊ एक-दुसरे की भौत सि जरुरतों तैं पूरु कैरी सैका, तब ऊंका जीवन का द्‍वारा दुसरा लोगु तैं फैदा मिललु।

फिलेमोन 1:7

हे मेरा दगड़्या, तेरा प्यार का सभौ तैं देखि के मितैं बड़ी तसली अर खुशी मिलदी। किलैकि तेरा द्‍वारा बिस्वासी लोगु का मन भौत खुश ह्‍वेनि।

इब्रानी 13:16

अर भलै करण अर दुसरो की मदद करण नि बिसरा, किलैकि यू भि एक बलिदान का जन च, ज्यां से कि परमेस्वर खुश होन्दु।

इब्रानी 13:2

अर अणजाण लोगु की भि सेवा-भगत करण नि बिसरयां, किलैकि तुमतै पता होण चयेणु कि सेवा-भगत का खातिर कुछ लोगु न बिना जणयां ही स्वर्गदूतों को भि बड़ु आदर-सम्मान कैरी।

इब्रानी 6:10

अर जै तरीके से तुमुन परमेस्वर का लोगु की सेवा कैरी अर अभि भि कना छाँ, वां से इन साबित होन्दु कि तुम पिता परमेस्वर से कथगा प्यार करद्‍यां, अर उ यों बातों तैं नि बिसरलु, किलैकि उ कै का दगड़ा मा अन्यो नि करदु।

1 पतरस 4:9

अर बिना कचर-कचर कर्यां, एक-दुसरा की मैमानदारी कैरा।

1 यूहन्ना 3:17

अगर कै मा गुजर-बसर करणु खुणि सब कुछ च। अर उ इन देखो कि कै दुसरो भै या बैंण मा कुछ कमी च, अर वेका बाद भि उ दया नि कैरो, त ईं बात तैं जाणि ल्या कि इन्द्रया मनखि मा परमेस्वर को प्यार नि च।

3 यूहन्ना 1:5

हे मेरा प्यारा भै गयुस, तू भै-बैंणो की भलै खुणि भौत कुछ कनि छैई, अर ठिक उन्‍नि तू अणजाण लोगु खुणि भि कनि छैई, अर या ही बात तेरी वफादारी को सबूत च।