रोमियों 12:11 - Garhwali

¹¹ अर तुम लोग मेनत करण मा अळकसि नि बणा, बल्किन मा आत्मिक खुशी से भरपूर रा, अर प्रभु की सेवा कना रा।

गढवली नयो नियम

¹¹ भौत परिश्रम कैरा अर आलसी नि बणा पूरा उत्साह का दगड़ी पिता परमेश्वर की सेवा करदी रावा।

रोमियों 12:11 ပူးပေါင်းရင်းမြစ်များ

मत्ती 24:12

अर दुनियां मा बुरै इथगा जादा ह्‍वे जालि, कि भौत सा लोगु को प्यार एक-दुसरा खुणि ठण्डु पोड़ि जालु।

मत्ती 25:26

तब वे मालिक न वेतैं जबाब दिनी, ‘हे दुष्‍ट अर अळकसि नौकर, जब त्वेतै पता छौ, कि मि उख लवै करदु जख मिन बूति नि च, अर जख मिन बीज नि छिलारी उख बटि बटोल्दु छौं,

खास चेलों 18:25

अर येतैं प्रभु का बाटे की पूरि शिक्षा अच्छे तरौं से दिये गै छै। अर यू यीशु का बारा मा मन लगै के सही-सही सुणान्दु अर सिखौन्दु छौ। मगर येतैं यूहन्‍ना का द्‍वारा दिये जाण वळा बपतिस्मा का बारा मा ही पता छौ।

खास चेलों 20:19

अर यहूदी लोगु की जाळसाजि का द्‍वारा मितैं भौत दुख मिली, अर मिन रुवे-रुवे के अपणा दिन कटिनी, मगर फिर भि मि प्रभु की सेवा कनु रौंऽऽ, अर मिन अपणा सभौ तैं नमर बणै के रखी।

1 कुरिन्थि 7:22

अर अगर जु तू गुलाम छैई, अर जब तिन प्रभु यीशु पर बिस्वास कैरी छौ, त पिता परमेस्वर न तेरा दगड़ा मा इन बरतौ नि कैरी, जन एक गुलाम का दगड़ा मा किये जान्दु। अर अगर तू आजाद छैई, अर प्रभु यीशु मसीह पर बिस्वास करदी, त तू मसीह को गुलाम छैई।

इफिसुस 4:28

इलै सुणा, जु चोरी करदु उ अब से चोरी नि कैरो, बल्किन मा अपणा हाथोंळ भलै का काम कैरो, ताकि जरुरतमन्द लोगु की मदद करणु खुणि वेका पास कुछ हो।

कुलुसी 4:1

हे मालिकों, अपणा-अपणा नौकरों तैं ऊंको हक द्‍या, अर अपणु सभौ ऊंका दगड़ा मा ठिक रखा। अर यू सब कुछ तुम इन समझि के कैरा, कि स्वर्ग मा तुमरो भि एक मालिक च।

1 तीमुथियुस 5:13

अगर इन्दरि विधवाओं की मदद होलि, त वु अळकसि ह्‍वे जालि। इथगा ही ना पर उ बेमतलब मा घौर-घौर घूमी के एक-दुसरे की छुईं ही लगाली। अर जु-जु बात बोन्‍न ठिक नि होनदिन वु सब बात यू बोललि।

इब्रानी 12:28

इलै अब जब हम इन्द्रया राज तैं पौण वळा छां, जु कभि भि हिली नि सकदु, त आ, हम परमेस्वर को धन्यवाद कैरा अर वेकी बातों तैं माणा अर वेको आदर-सम्मान कैरा, अर परमेस्वर की इन सेवा कैरा ज्यां से वु खुश ह्‍वे जौ।

याकूब 5:16

इलै तुम एक-दुसरा का समणि अपणा-अपणा पापों तैं मणिल्या, अर एक-दुसरा खुणि प्रार्थना कैरा, ताकि तुम बिमारियों मा बटि खूब ह्‍वे जा। किलैकि जु मनखि परमेस्वर की नजर मा धरमी च वेकी प्रार्थना का द्‍वारा भौत कुछ ह्‍वे सकदु च।

1 पतरस 1:22

अर अब तुमुन खुद वे सच्‍चा वचन तैं स्वीकार कैरिके अफ तैं शुद्ध कैरियाली। इलै अब तुम लोग अपणा बिस्वासी भै-बैंण का दगड़ा मा दिल से सच्‍चु प्यार कैरा, इन्द्रयो प्यार जैमा कुई कपट नि हो।

1 पतरस 4:8

अर सबसे खास बात या च कि एक-दुसरा का दगड़ा मा प्यार से रा, किलैकि प्यार भौत सा पापों तैं ढकै देन्दु।

दिब्य दरस 2:4

“मगर फिर भि तुमरा खिलाप मा बुलणु खुणि मि मा इन च कि तुम लोग अब मिसे उन्‍नि प्यार नि करद्‍यां जन तुम पैलि करदा छा।