रोमियों 11:2 - Garhwali

² परमेस्वर न अपणी परजा का लोगु तैं नि छोड़ि, किलैकि वु ऊं लोगु तैं पैलि बटि जणदु। अर क्या तुम नि जणद्‍यां, कि पवित्रशास्‍त्र मा एलिय्याह रैबर्या हमतै क्या बतौन्दु, कि कनकै वेन इस्राएली लोगु का खिलाप मा पिता परमेस्वर से बिन्ती कैरी?

गढवली नयो नियम

² परमेश्वर ल अपड़ी वीं प्रजा तैं नि छोड़ी, जै तैं वेल पैली बट्टी ही चुणि; तुम जंणदा छा की परमेश्वर कु वचन मा एलिय्याह की मिसाल मा क्य बुल्दो; कि इस्राएल का लुखुं का विरोध मा पिता परमेश्वर बट्टी शिकैत करदो।

रोमियों 11:2 ပူးပေါင်းရင်းမြစ်များ

मरकुस 12:26

अर अब मि तुमतै मुरदो मा ज्यून्द होण का बारा बतौन्दु, तुमुन मूसा रैबर्या की किताब मा जगदी झाड़ि का दगड़ा मा जु कुछ ह्‍वे, क्या तुमुन वे हिस्सा तैं नि पैढी? जख मा परमेस्वर वेकू बुल्दु कि, “‘मि अब्राहम को परमेस्वर, इसहाक को परमेस्वर अर याकूब को परमेस्वर छौं।’

लूका 4:1

फिर यीशु पवित्र आत्मा बटि भरपूर ह्‍वेके यरदन गाड बटि वापिस ऐ गै, अर पवित्र आत्मा वेतैं चालीस दिनों तक निर्जन जगा कू लि गै।

यूहन्ना 4:11

तब जनानि न वेकू बोलि कि, “श्रीमान, तुमरा पास त पाणि निकळणु खुणि कुई भाँडु भि नि च, अर कुआँ गैरु च, त फिर जीवन देण वळु वु पाणि तुमरा पास कख बटि ऐ?

खास चेलों 13:48

अर या बात सुणी के दुसरि जाति का लोग भौत खुश ह्‍वे गैनी, अर प्रभु का वचन की बडै करण लगि गैनी। अर ऊं मदि जथगा लोगु तैं सदनि का जीवन जीणु खुणि चुणै गै छौ, ऊं सभ्यों न प्रभु यीशु पर बिस्वास कैरी।

खास चेलों 15:18

अर जु परमेस्वर भौत सालों पैलि बटि यों बातों तैं बतौन्दी औणु च, उई परमेस्वर यू सब बात बुल्दु।’

खास चेलों 3:17

“हे मेरा भै-बैंणो, मि जणदु छौं कि तुमुन अर तुमरा अधिकारीयों न यीशु का दगड़ा मा जु कुछ भि कैरी, तुम वीं बात का बारा मा नि जाणि सक्यां कि तुमुन इन किलै कैरी।

खास चेलों 7:40

अर हारुन कू बोलि, ‘हम खुणि द्‍यबतों तैं बणौ, जु हमरा अगनै-अगनै चला, किलैकि मूसा जु कि हमतै मिस्र देस बटि निकाळि के लै, हम नि जणद्‍यां कि वेको क्या ह्‍वे।’

रोमियों 6:16

अर क्या तुम नि जणद्‍यां, जब तुम खुद तैं एक गुलाम की तरौं दुसरो का सुपुर्द कैरी देन्द्‍यां, तब तुम उई काम करद्‍यां, जन तुमरो मालिक चान्दु। अर ठिक उन्‍नि जु मनखि पाप की सेवा करदु वेका बदला मा वे खुणि मौत रखी च, अर जु मनखि पिता परमेस्वर की आज्ञा को पालन करदु वांका बदला मा वे खुणि सदनि को जीवन रख्युं च।

रोमियों 9:23

अर वेन सबर इलै रखी, ताकि उ अपणी बड़ी दया ऊं लोगु तैं दिखै सैको, जौं तैं उ आदर-सम्मान देण वळु च। अर ऊं लोगु तैं वेन यां खुणि ही तयार कैरिके रख्युं च, कि ऊ वेका बड़ा आदर-सम्मान तैं देखि सैका।

रोमियों 9:6

हे मेरा भै-बैंणो, मि तुमतै इन बतौण चान्दु कि भौत सा इस्राएली लोग इन छिन जु कि पिता परमेस्वर का दण्ड से बचि नि सकिनी, त यां को मतलब यू नि च कि पिता परमेस्वर को वचन रद्‍द ह्‍वे गै, किलैकि इस्राएली लोगु का पीढ़ी मा जनम लेण वळा सब लोग सच्‍चा इस्राएली नि छिन।

1 कुरिन्थि 6:2

हे मेरा दगड़्यों, तुम इन किलै करद्‍यां? क्या तुम ईं बात तैं नि जणद्‍यां, कि न्याय का दिन पर पवित्र लोग न दुनियां का लोगु को न्याय करण? इलै जब हम दुनियां का सब लोगु को न्याय करण वळा छां, त क्या तुम लोग इथगा लैख भि नि छाँ, कि छुटी से छुटी बातों को फैसला तुमरा ही बीच मा हो?

1 कुरिन्थि 8:3

पर अगर कुई मनखि पिता परमेस्वर से प्यार करदु, त यां को मतलब यू च कि वे मनखि को पिता का दगड़ा मा भौत अच्छा से जाण-पछ्याण होईं च।

फिलिप्पी 1:22

अर अगर मि ज्यून्द रौन्दु त मि अपणा कामों का द्‍वारा जादा से जादा फैदा लेके ऐ सकदु, अर अगर मितैं यों दुईयों मा बटि कै एक तैं चुनण होलु, त मितैं नि पता की मि क्या जि चुणु।

इब्रानी 1:1

हे मेरा दगड़्यों, जन कि तुम जणदा ही छाँ, कि पुरणा जमना मा पिता परमेस्वर न हमरा पितरों का दगड़ा मा रैबर्यों का द्‍वारा कई बार अलग-अलग तरीका से बात कैरी।

1 पतरस 1:2

पिता परमेस्वर न तुमतै अपणी पैलि बटि बणईं योजना का मुताबिक अपणी औलाद होणु खुणि चुण्यालि छौ। अर वेन अपणु पवित्र आत्मा तुमतै देई, ताकि तुम लोग यीशु मसीह की आज्ञा को पालन कैरी सैका, अर क्रूस पर यीशु मसीह की मौत का बगत जु ल्वे बोगि, वेका द्‍वारा ही वेन तुमतै शुद्ध कैरी। अर मि तुम सभ्यों खुणि इन प्रार्थना करदु, कि वेकी किरपा अर शान्ति तुमतै भरपूरी से मिलदी रौ। आमीन।