रोमियों 11:17 - Garhwali

¹⁷ अर जन जैतून डाळा से कुछ फौंका तोड़ि के अलग किये जनदिन, ठिक उन्‍नि कुछ इस्राएली लोग भि छिन जौन यीशु मसीह पर बिस्वास नि कैरी अर इन कैरिके वु पिता परमेस्वर का लोगु से अलग ह्‍वे गैनी। अर जन लोग कै दुसरा डाळा पर कलम लगौन्दिन ठिक उन्‍नि पिता परमेस्वर न तुम लोगु तैं अपणा इस्राएली लोगु का दगड़ा मा मिलै, ताकि तुम लोगु तैं भि वु आसीस मिली सैको जैको करार वेन इस्राएली लोगु का पितरों का दगड़ा मा कैरी छौ।

गढवली नयो नियम

¹⁷ इस्राएल का लोग एक अच्छा जैतून डाला का फौंका का जन छिनी अर पिता अब्राहम, इसहाक अर याकूब वे डाला का जौड़ा का जन छिनी। अन्यजाति जंगली जैतून का डाला का फौंका जन च अर तुम यहूदियों बट्टी वे जन फैदा प्राप्त करदयां जन की जंगली जैतून का डाला का फौंका अच्छा जैतून का डाला बट्टी फैदा प्राप्त करदींनि।

रोमियों 11:17 ပူးပေါင်းရင်းမြစ်များ

मत्ती 21:43

“इलै मि तुमतै बतै देन्दु, कि परमेस्वर को राज तुम बटि लुछे जालु, अर इन्द्रया लोगु तैं दिये जालु, जु कि वेका मुताबिक आज्ञा को पालन करला।

यूहन्ना 15:1

तब यीशु न चेलों खुणि एक उदारण देके बोलि, “अंगूरों की सच्‍चि बेल मि ही छौं, अर मेरु पिता माली च।

यूहन्ना 15:2

अर ज्वा फौंकि मि मा च अर अगर वीं पर फल नि लगदिन त वींतैं उ काटी देन्दु, अर ज्वा फळदि च वींतैं उ छाँटदु च, ताकि वे पर और भि जादा फल लगा।

यूहन्ना 15:6

अर जु कुई मि मा बणयूं नि रालु, त वेतैं फौंकि की तरौं काटी के फुंन ढुळै जालु। तब उ सूखि जान्दु, अर लोग वेतैं बटोळि के आग मा डालि देन्दिन अर ऊ फुके जनदिन।

खास चेलों 2:39

किलैकि पवित्र आत्मा देण को यू करार तुम खुणि, अर तुमरि औलादों खुणि अर ऊं सभ्यों खुणि च जु दूर-दूर रौणा छिन। अर यू करार ऊं लोगु खुणि भि च, जौं तैं हमरु प्रभु परमेस्वर अपणा पास बुलान्दु।”

रोमियों 11:24

अर जंगळि फौंका होण का नाता तुम जैतून डाळा मा लगये ग्यां, जु कि वेका सभौ से अलग च। अर तुम जु इस्राएली लोग नि छा, तुम ऊं फौंकों का जन छा, जौं तैं जंगळि डाळों बटि निकळि के जैतून का अच्छा डाळा पर लगये गै। पर यहूदी लोग ऊं फौंकों का जन छा, जु कि जैतून का अच्छा डाळा बटि निकळ्यां छिन। अर या बात पक्‍की च कि वु लोग अपणा अच्छा डाळा बटि फिर से जुड़ी जैल्या।

गलातियों 2:15

“अर हम दुईया का दुई जनमजात यहूदी छां, अर एक बगत इन छौ जब हम ऊं लोगु तैं पापि मणदा छा, जु कि यहूदी जाति का नि छिन।

इफिसुस 3:6

अर या को मतलब यू च कि, शुभ समाचार का द्‍वारा यहूदी लोग अर वु लोग भि जु यहूदी जाति का नि छिन, वीं विरासत का हकदार ह्‍वे जा। अर यीशु मसीह का सरील मा सभ्या का सभि एक बदन ह्‍वेके कियां करार का साझी बणा।

कुलुसी 2:13

अर तुम त अपणा-अपणा पापों की वजै से मुरयां लोगु का जन छा, अर तुमुन खतना का रिवाज तैं पूरु नि कैरी, मगर फिर भि पिता परमेस्वर न तुमतै यीशु मसीह का दगड़ा मा नयू जनम देई, अर तुमरा सब पापों तैं माफ कैरी।

दिब्य दरस 11:4

यू दुई गवा जैतून का दुई डाळा अर दुई दीपदान का जन छिन, जु पूरि धरती पर राज करण वळा प्रभु का समणि खड़ा रौनदिन।