रोमियों 11:16 - Garhwali

¹⁶ अर अब मि तुमतै उदारण देके बतौन्दु, कि जब फसल को पैलु हिस्सा परमेस्वर तैं अरपण मा चड़ये जान्दु, त पूरि फसल पवित्र ठैरैईं जान्दी। ठिक उन्‍नि कै डाळा का जलुड़ा पवित्र छिन, त पूरु डाळु पवित्र ठैरि जान्दु।

गढवली नयो नियम

¹⁶ जब हम रुट्टि बनांणु कु आटो उलदयां, त हम परमेश्वर तैं दींणु कु मुठी भर आटो लींदयां अर उ पवित्र हवे जांद। जु उ एक मुठी पिता परमेश्वर कु पवित्र च, त यांको मतलब च की पूरो आटो भि वेकु पवित्र च; अर जब जौड़ो पवित्र ठैरी, त फौंकी भि इन ही होली।

रोमियों 11:16 ပူးပေါင်းရင်းမြစ်များ

रोमियों 11:17

अर जन जैतून डाळा से कुछ फौंका तोड़ि के अलग किये जनदिन, ठिक उन्‍नि कुछ इस्राएली लोग भि छिन जौन यीशु मसीह पर बिस्वास नि कैरी अर इन कैरिके वु पिता परमेस्वर का लोगु से अलग ह्‍वे गैनी। अर जन लोग कै दुसरा डाळा पर कलम लगौन्दिन ठिक उन्‍नि पिता परमेस्वर न तुम लोगु तैं अपणा इस्राएली लोगु का दगड़ा मा मिलै, ताकि तुम लोगु तैं भि वु आसीस मिली सैको जैको करार वेन इस्राएली लोगु का पितरों का दगड़ा मा कैरी छौ।

रोमियों 8:23

अर या धरती ही ना, बल्किन मा हम बिस्वासी लोग भि जौं तैं वेन पैलि अपणु पवित्र आत्मा दिनी, हम भि ईं धरती का जन पीड़ा अर परेसानियों मा रै के वेको इंतजार कना छां, कि परमेस्वर की औलाद होण का नाता आखिर कब उ हम पर लग्यां इळजामो अर पापों से छुटकारु द्‍यालु?

1 कुरिन्थि 7:14

अर इन इलै करण चयेणु, किलैकि हे मेरा बैंण तू जु यीशु मसीह पर बिस्वास करदी, तेरी वजै से तेरु पति पवित्र होलु। अर ठिक उन्‍नि हे मेरा भै तू जु प्रभु पर बिस्वास करदी, तेरी वजै से तेरी घरवळी पवित्र होलि। अर अगर ज्वा या बात सच्‍च नि होन्दी, त तुमरा बच्‍चा अशुद्ध होन्दा, मगर तुमरा बच्‍चा त पवित्र छिन।

याकूब 1:18

अर वेन अपणी इच्छा का मुताबिक सच्‍चा वचन का द्‍वारा हमतै नयू जनम देई, ताकि जु कुछ भि वेन बणै ऊं सभ्यों मा बटि हम पैलु इनाम बणि जा।

दिब्य दरस 14:4

अर यू ऊ लोग छिन जु अणविवाक ही रैनी अर यों न खुद तैं जनानियों का दगड़ा मा अशुद्ध नि कैरी। किलैकि यीशु जु कि मेम्‍ना च अर जख-जख वु जान्दु यू वेका पिछनै-पिछनै चलदिन, इलै परमेस्वर की सेवा खुणि यों लोगु तैं धरती का सब लोगु मदि सबसे पैलि चुणी के खरीदे गै।