रोमियों 1:7 - Garhwali

⁷ हे मेरा भै-बैंणो, या चिठ्‍ठी रोम नगर मा रौण वळा सब बिस्वासी लोगु खुणि च, जु कि हमरा पिता परमेस्वर तैं भौत प्यारा छिन अर वेका द्‍वारा पवित्र होण खुणि चुण्यां छिन। अर हम इन प्रार्थना करद्‍यां कि हमरा पिता परमेस्वर अर प्रभु यीशु मसीह की तरफा बटि तुमतै वेकी किरपा अर शान्ति मिलदी रौ।

गढवली नयो नियम

⁷ या चिट्ठी रोम शहर मा रौंण वला ऊं सभियूं का नौं च जु परमेश्वर का प्रिय छिनी, अर पवित्र लोग हूंणु कु बुलै गैनी हमारा पिता परमेश्वर अर प्रभु यीशु मसीह कि तरपां बट्टी तुम तैं कृपा अर शान्ति मिलदी रौ।

रोमियों 1:7 ပူးပေါင်းရင်းမြစ်များ

मत्ती 5:16

ठिक इन्‍नि तुमरो उज्याळु भि लोगु का समणि चमकण चयेणु, ताकि लोग तुमरा भला कामों तैं देखि के तुमरा पिता परमेस्वर की बडै कैरा, जु की स्वर्ग मा च।”

यूहन्ना 20:17

तब यीशु न वींकू बोलि, “मितैं पकड़ी के ही नि रख। किलैकि मि अभि तक मेरा पिता का पास मथि नि ग्यों। पर तू मेरा भैयों का पास जा अर ऊंतैं बतै दे, कि मि मेरा पिता अर तुमरा पिता, अर मेरा परमेस्वर अर तुमरा परमेस्वर का पास मथि जाणु छौं।”

खास चेलों 15:23

अर ऊंका हाथ ऊंन एक चिठ्‍ठी भेजि जैमा इन लिख्यूं छौ कि: सीरिया मुलक, किलिकिया मुलक, अर अन्ताकिया नगर मा रौण वळा हमरा प्यारा भै-बैंणो, तुम जु दुसरि जातियों मदि छाँ, तुम सब लोगु तैं बिस्वासी समुदाय का लोगु की तरफा बटि अर खास चेलों अर अध्यक्षों की तरफा बटि हमरु, सलाम।

खास चेलों 9:13

पर हनन्याह न प्रभु तैं इन जबाब दिनी, “प्रभु, मिन ये मनखि का बारा मा भौत कुछ सुणयूं च, कि येन यरूशलेम नगर मा तुमरा बिस्वासी लोगु का दगड़ा मा भौत बुरु बरतौ कैरी।

रोमियों 1:6

अर यों जातियों मा बटि तुम भि छाँ, जौं तैं यीशु मसीह न अपणु चेला होणु खुणि बुलयूं च।

रोमियों 5:1

इलै, जब हम बिस्वास करण की वजै से धरमी ठैरैये ग्यां, त चला, अब हम अपणा प्रभु यीशु मसीह का द्‍वारा पिता परमेस्वर का दगड़ा मा मेल-जोल को रिश्ता बणा।

रोमियों 5:5

अर जब हम वे पर अपणी आस बणै के रखद्‍यां, तब हमतै कुई सरम नि औन्दी, किलैकि पिता परमेस्वर न अपणी पवित्र आत्मा का द्‍वारा अपणु प्यार हमरा मनों मा भरपूरी से दियाली।

रोमियों 8:28

अर हम जणदा छां कि जु लोग परमेस्वर से प्यार करदिन, ऊं खुणि सब बात मिलै के भलै ही पैदा करदिन, हाँ, ऊं लोगु खुणि जौं तैं पिता परमेस्वर न अपणी इच्छा का मुताबिक बुलयूं च।

रोमियों 8:39

अर ना ही कुई गैरी जगा, अब चै ईं दुनियां मा कुई भि हो उ हमतै हमरा पिता परमेस्वर का प्यार से, जु की हमरा प्रभु यीशु मसीह का द्‍वारा हम पर परगट ह्‍वे वेसे अलग नि कैरी सकदु।

रोमियों 9:25

अर जन पिता परमेस्वर न बोलि, होशे रैबर्या न वीं बात तैं ठिक उन्‍नि अपणी किताब मा लिखी। अर वा बात इन च कि, “जु लोग मेरी परजा मा सामिल नि छा, अब वु भि मेरी परजा का लोग होला। अर जौं लोगु तैं मि प्यार नि करदु छौं, अब ऊंतैं भि मि प्यार करलु।”

1 कुरिन्थि 1:24

पर जौं लोगु तैं पिता परमेस्वर न बुलै, अब चै वु यहूदी जाति का हो या दुसरि का जाति का सब खुणि यीशु मसीह ही परमेस्वर की ताकत अर परमेस्वर को ज्ञान च।

1 कुरिन्थि 16:23

हमरा प्रभु यीशु मसीह की किरपा तुम पर हमेसा बणि रौ।

2 कुरिन्थि 13:14

अर मि तुम सभ्यों खुणि इन प्रार्थना करदु, कि प्रभु यीशु मसीह की महान किरपा अर परमेस्वर को प्यार अर वेकी पवित्र आत्मा को साथ तुम सभ्यों का दगड़ा मा रौ। आमीन।

गलातियों 6:18

मेरा भै-बैंणो, हमरा प्रभु यीशु मसीह की किरपा तुमरि आत्मा का दगड़ा मा बणि रौ। आमीन।

इफिसुस 1:2

अर मि इन प्रार्थना करदु, कि तुमतै हमरा पिता परमेस्वर अर प्रभु यीशु की तरफा बटि वेकी महान किरपा अर शान्ति मिलदी रौ।

इफिसुस 6:23

अर मि इन प्रार्थना करदु, कि पिता परमेस्वर अर प्रभु यीशु मसीह की तरफा बटि तुमतै शान्ति मिलु। अर तुम सब एक-दुसरा से प्यार करण मा अर बिस्वास मा हरेक दिन बढदी जा।

फिलिप्पी 1:2

अर हम इन प्रार्थना करद्‍यां कि, हमरा पिता परमेस्वर अर प्रभु यीशु मसीह की तरफा बटि वेकी किरपा अर शान्ति तुमतै मिलदी रौ।

फिलिप्पी 4:13

किलैकि जु मितैं ताकत देन्दु वेका द्‍वारा मि सब कुछ कैरी सकदु छौं।

फिलिप्पी 4:20

हमरा पिता परमेस्वर की बडै सदनि तक होणी रौ। आमीन।

फिलिप्पी 4:23

तुम सभ्यों की आत्मा पर प्रभु यीशु मसीह की किरपा बणि रौ। आमीन।

कुलुसी 1:2

कुलुसी नगर मा रौण वळा यीशु मसीह का भक्‍त अर बिस्वासयोग्य लोगु खुणि लिखणु छौं। मि इन प्रार्थना करदु, कि हमरा पिता परमेस्वर की तरफा बटि तुम सभ्यों तैं वेकी किरपा अर शान्ति मिलदी रौ।

कुलुसी 3:12

हे मेरा भै-बैंणो, तुम पिता परमेस्वर का चुण्यां पवित्र अर प्यारा लोग छाँ, इलै अपणा-अपणा मनों मा एक-दुसरा खुणि भली मनसा रखा। अर दया करण, भलै करण, दीन अर नमर बणि के एक-दुसरे की सब बातों तैं सौण वळा भि बणा।

कुलुसी 3:15

अर यीशु मसीह की शान्ति तैं अपणा दिलों मा काम करण द्‍या, किलैकि ईं शान्ति खुणि ही वेन तुमतै बुलै, ताकि सभ्या का सभि एक बदन ह्‍वे जा। अर हरेक बात मा वेको धन्यवाद द्‍या।

1 थिस्सलुनीकी 1:1

हे मेरा भै-बैंणो मि पौलुस छौं, अर मि सिलवानुस अर तीमुथियुस का दगड़ा मा या चिठ्‍ठी लिखणु छौं। अर या चिठ्‍ठी थिस्सलुनीकी नगर मा रौण वळा बिस्वासी समुदाय का लोगु खुणि च, जु की पिता परमेस्वर अर प्रभु यीशु मसीह का लोग छिन। अर हम प्रार्थना करद्‍यां कि, तुम सभ्यों पर परमेस्वर की किरपा अर शान्ति बणि रौ।

1 थिस्सलुनीकी 1:3

किलैकि पिता परमेस्वर पर बिस्वास रखी के जु-जु काम तुमुन करिनी, वु सब हम अपणी प्रार्थनाओं मा याद रखद्‍यां। अर जै प्यार का दगड़ा मा तुमुन मेनत कैरी, अर सबर रखी के तुमुन प्रभु यीशु मसीह पर अपणी ज्वा आस रखी च, वु सब भि हम याद करद्‍यां।

1 थिस्सलुनीकी 1:4

इलै हे मेरा भै-बैंणो, हम जणदा छां कि परमेस्वर तुम बटि प्यार करदु, अर तुम लोगु तैं वेन चुण्यालि,

1 थिस्सलुनीकी 4:7

किलैकि परमेस्वर न हमतै अशुद्ध कामों खुणि ना, बल्किन मा पवित्र होणु खुणि बुलयूं च।

1 थिस्सलुनीकी 5:28

तुम सभ्यों पर हमरा प्रभु यीशु मसीह की किरपा होणी रौ।

2 थिस्सलुनीकी 1:2

हम प्रार्थना करद्‍यां, कि हमरा पिता परमेस्वर अर प्रभु यीशु मसीह बटि तुमतै वेकी किरपा अर शान्ति मिलदी रौ।

2 थिस्सलुनीकी 3:16

अब हम इन प्रार्थना करद्‍यां, कि शान्ति देण वळु प्रभु हरेक बात मा तुमतै शान्ति द्‍यो अर तुमरा दगड़ा मा रौ।

2 थिस्सलुनीकी 3:18

अर हम इन भि प्रार्थना करद्‍यां, कि हमरा प्रभु यीशु मसीह की किरपा तुम सभ्यों पर होणी रौ।

1 तीमुथियुस 6:2

अर जौं गुलामों का मालिक बिस्वासी लोग छिन, त ऊ अपणा मालिकों तैं एक बिस्वासी भै समझि के ऊंतैं कम आदर-सम्मान नि द्‍यो, पर ऊ जादा से जादा वेको काम कैरो। किलैकि ऊंका कामों का द्‍वारा जौं मालिकों को फैदा होणु च, उ परमेस्वर पर बिस्वास करण वळा अर परमेस्वर खुणि प्रिय छिन। अर यों सब बातों तैं दुसरो तैं भि समझौण रौ, अर पालन करण खुणि ऊंतैं हिम्मत भि दे।

2 तीमुथियुस 4:22

मि प्रार्थना करदु, कि प्रभु तेरा दगड़ा मा रौ, अर तुम सभ्यों पर वेकी किरपा होणी रौ।

तीतुस 1:4

अर तीतुस या चिठ्‍ठी मि त्वे खुणि लिखणु छौं, किलैकि हम दुईया का दुई एक ही प्रभु पर बिस्वास करद्‍यां। इलै तू मेरा सच्‍चा नौना का जन छैई। अर मि प्रार्थना करदु कि, पिता परमेस्वर अर हमतै बचौण वळा प्रभु यीशु मसीह की किरपा अर शान्ति त्वेतै मिलु।

फिलेमोन 1:25

हे मेरा भै-बैंणो, मि इन प्रार्थना करदु, कि हमरा प्रभु यीशु मसीह की किरपा तुम सभ्यों पर होणी रौ। आमीन।

फिलेमोन 1:3

अर मि इन प्रार्थना करदु कि तुम सभ्यों तैं परमेस्वर जु कि हमरु पिता च वेकी अर प्रभु यीशु मसीह की तरफा बटि किरपा अर शान्ति मिलदी रौ।

याकूब 1:1

हे मेरा भै-बैंणो, मि परमेस्वर अर प्रभु यीशु मसीह को सेवक याकूब छौं। अर पूरि दुनियां मा तितर-बितर होयां इस्राएल का बारह गोत्र का बिस्वासी लोगु खुणि या चिठ्‍ठी लिखणु छौं। तुम सभ्यों कू मेरु सलाम।

1 पतरस 1:15

इलै जन तुमतै बुलाण वळु परमेस्वर पवित्र च, ठिक उन्‍नि तुम भि पवित्र बणा।

1 यूहन्ना 3:1

सुणा, पिता परमेस्वर न हम बटि भौत जादा प्यार कैरी, ईं वजै से ही आज हम खुणि वेकी औलाद बुले जान्दु अर हम छैई भि छां। अर ईं दुनियां का लोग पिता परमेस्वर तैं नि जणदिन, इलै वु हमतै भि नि पछ्याणदिन।

2 यूहन्ना 1:3

अर पिता परमेस्वर अर वेका पुत्र यीशु मसीह की तरफा बटि, वेकी महान किरपा, दया अर वेकी शान्ति हमतै मिलदी रौ, अर यू सब हमतै वेका प्यार अर वेकी सच्‍चै से मिलु।

दिब्य दरस 2:1

तब यीशु न मिकू बोलि कि, “इफिसुस नगर मा रौण वळा बिस्वासी समुदाय का दूत खुणि इन लिख कि: “यीशु जैका दैंणा हाथ मा सात गैंणा छिन, अर जु सोने की सात दीपदानों का बीच मा चलदु च उ इन बुल्दु कि:

दिब्य दरस 2:12

अर फिर यीशु न मिकू बोलि कि, “पिरगमुन नगर मा रौण वळा बिस्वासी समुदाय का दूत खुणि इन लिख कि: “यीशु वु च जैका पास पैनी तलवार च ज्वा की दुई तरफा बटि भौत पैनी च उ इन बुल्दु कि:

दिब्य दरस 2:18

अर येका बाद यीशु न मिकू इन बोलि कि, “थुआतीरा नगर मा रौण वळा बिस्वासी समुदाय का दूत खुणि इन लिख कि: “यीशु जु कि परमेस्वर को पुत्र च अर जैका आंखा आग की झौऽळ की तरौं छिन अर वेका खुटा पीतळे की तरौं चमकदार छिन उ इन बुल्दु कि:

दिब्य दरस 2:29

“कन्दूड़ खोली के सुणी ल्या अर ईं बात तैं समझा कि पवित्र आत्मा बिस्वासी समुदाय का लोगु खुणि क्या च बोन्‍नु।”

दिब्य दरस 2:8

अर येका बाद यीशु न मिकू इन बोलि कि, “स्मुरना नगर मा रौण वळा बिस्वासी समुदाय का दूत खुणि इन लिख कि: “यीशु जु कि पैलु अर आखिरी च, जु मोरि गै छौ मगर अब ज्यून्दु च उ इन बुल्दु कि:

दिब्य दरस 22:21

प्रभु यीशु की किरपा तुम पर हो। आमीन।

दिब्य दरस 3:14

यीशु न मिकू इन भि बोलि कि, “लौदीकिया नगर मा रौण वळा बिस्वासी समुदाय का दूत खुणि इन लिख कि: “यीशु जु कि आमीन अर वफादार अर सच्‍चु गवा च, अर जैका द्‍वारा पिता परमेस्वर न सब कुछ बणै उ इन बुल्दु कि:

दिब्य दरस 3:22

“कन्दूड़ खोली के सुणी ल्या अर ईं बात तैं समझा कि पवित्र आत्मा बिस्वासी समुदाय का लोगु खुणि क्या च बोन्‍न।”

दिब्य दरस 3:7

अर येका बाद यीशु न मिकू इन भि बोलि कि, “फिलदिलफिया नगर मा रौण वळा बिस्वासी समुदाय का दूत खुणि इन लिख कि: “यीशु पवित्र अर सच्‍चु च, अर वेका पास राजा दाऊद की चाबी च जैतैं वु खुलदु वेतैं कुई बन्द नि कैरी सकदु, अर जब उ बन्द करदु त वेतैं कुई खोली नि सकदु, उ इन बुल्दु कि: