रोमियों 1:13 - Garhwali

¹³ हे मेरा भै-बैंणो, मि इन चान्दु कि तुम लोग ईं बात तैं जाणि ल्या कि मिन भौत बार तुमरा पास औण की योजना बणै, मगर कुई ना कुई बात मितैं हमेसा रोकी देन्दी। अर तुमरा पास औण की मेरी भौत इच्छा च, किलैकि जन मिन भौत सि जगा जैके लोगु तैं पिता परमेस्वर का रैबार तैं बतै अर ऊंन बिस्वास कैरी, ठिक उन्‍नि तुमरा बीच मा भि हो।

गढवली नयो नियम

¹³ अर हे मेरा विश्वासी भयों, मि चांदु कि तुम जणिल्या कि मि बार-बार तुम मा औंण चै, कि जन मिल अन्यजातियों का बीच मा मसीह कु शिष्य बणैंनि, उन ही के तुम मा भि बणौं, पर अब तक यांमा रुकावट ही हवे।

रोमियों 1:13 ပူးပေါင်းရင်းမြစ်များ

यूहन्ना 12:24

अर मि तुम बटि सच्‍चि ही बोन्‍नु, जबरि तक ग्यूँ को बीज माटा मा पोड़ि के मोरि नि जान्दु, तबरि तक उ इखुली ही रौन्दु पर जब उ मोरि जान्दु त भौत सरा फल लान्दु च।

यूहन्ना 15:16

अर तुम न मितैं नि चुणी, बल्किन मिन तुमतै चुणी के ठैरैयालि ताकि तुम जा अर सफल ह्‍वे जा, अर तुमरो सफल होण बणयूं रौ अर जु कुछ भि तुम मेरा नौ से पिता बटि मंगिल्या, उ सब पिता तुमतै द्‍यालु।

यूहन्ना 4:36

अर लवै करण वळो तैं ध्याड़ि मिलणी च। अर लोगु तैं सदनि को जीवन मिलु, वां खुणि ऊ फसल बटोळ्दीन, ताकि बुतण वळा अर लवै करण वळा दुई मिली के खुशी मणै सैका।

खास चेलों 1:15

अर कुछ दिनों का बाद इन ह्‍वे कि, पतरस लगभग एक सौ बीस बिस्वासी लोगु का बीच मा खड़ु ह्‍वेके बोन्‍न लगि गै, “हे मेरा भै-बैंणो, या बात यहूदा इस्करियोती का बारा मा च, जु की यीशु तैं पकड़वौण वळो तैं बाटु दिखौण वळु बणि के ऐ छौ। हाँ, वेकी गिनती हमरा दगड़ा मा किये जान्दी छै, अर उ भि हमरि तरौं सेवा मा सामिल ह्‍वे गै छौ। मगर पवित्र आत्मा न येका बारा मा पैलि ही राजा दाऊद का द्‍वारा भविष्यबाणी करवै छै, अर यू जरुरी छौ कि पवित्रशास्‍त्र की या बात पूरि हो।

खास चेलों 14:27

अर अन्ताकिया नगर मा औण का बाद ऊंन बिस्वासी समुदाय का लोगु तैं इकट्‍ठा कैरी अर ऊंतैं हरेक बात का बारा मा बतै, कि परमेस्वर न ऊंका द्‍वारा महान-महान काम करवैनी, अर ऊंतैं इन भि बतै कि बिस्वास करणु खुणि परमेस्वर न ऊं खुणि बाटु खोलियालि।

खास चेलों 15:12

अर फिर सभा का सब लोग चुपचाप ह्‍वेके बरनबास अर पौलुस की गवै तैं सुनण लगि गैनी, कि परमेस्वर न कनकै दुसरि जाति का लोगु का बीच मा ऊंका द्‍वारा बड़ा-बड़ा काम अर चमत्कार करिनी।

खास चेलों 19:21

अर यों सब बातों का बाद पौलुस न मकिदुनिया अर अखया मुलकों बटि ह्‍वेके यरूशलेम नगर जाण को विचार कैरी, अर वेन अपणा मन मा सोची कि, “वेका बाद त मितैं रोम भि जाण जरुरी च।”

खास चेलों 21:19

तब पौलुस न ऊंतैं सलाम बोलि, अर ऊं सब कामों का बारा मा बतै, जु परमेस्वर न वेका द्‍वारा ऊं लोगु का बीच मा करिनी जु यहूदी जाति का नि छा।

खास चेलों 28:14

अर उख हमतै बिस्वासी भै-बैंणा मिलिनी, अर ऊंन हम बटि बिन्ती कैरी कि सात दिनों तक इखि रा, अर हम उखि रयां। अर येका बाद हम रोम नगर कू चलि ग्यां।

रोमियों 1:12

अर जब मि तुम लोगु का बीच मा रौलु, त वे बगत हम आपस मा एक-दुसरा तैं बिस्वास मा और जादा बढौला।

रोमियों 11:25

हे मेरा भै-बैंणो, मि नि चान्दु कि तुम खुद तैं अपणी नजर मा भौत समझदार समझा। पर जबरि तक पिता परमेस्वर की मनसा पूरि नि ह्‍वे जौ, कि उ अपणा चुण्यां लोगु तैं अपणा पास लेके अऽ, वेका बाद ही इस्राएली लोग का निठुर मन टूटी जाला, तब ऊ यीशु मसीह की बातों को पालन करला।

रोमियों 7:1

हे मेरा भै-बैंणो, क्या तुम नि जणद्‍यां, कि नियम-कानून एक मनखि पर तब तक अधिकार रखदिन, जब तक उ ज्यून्दु च? (अर या बात मि तुमतै इलै बतौणु छौं, किलैकि तुम नियम-कानून तैं भौत अच्छे से जणद्‍यां)।

1 कुरिन्थि 1:10

हे मेरा भै-बैंणो, अब मि तुम से प्रभु यीशु मसीह को नौ लेके बिन्ती करदु, कि तुम सब एकमत ह्‍वेके रा, अर तुमरा बीच मा फूट नि पोड़ो, बल्किन मा तुम सब एक मन ह्‍वेके रा, अर तुम सभ्यों को एक ही मकसद हो।

1 कुरिन्थि 10:1

हे मेरा भै-बैंणो, मि नि चान्दु कि तुम ईं बात तैं बिसरी जा, कि पिता परमेस्वर न हमरा यहूदी लोगु का पितरों तैं मिस्र देस बटि आजादी दिलै। अर वे बगत मा ऊ बादळ का छैल का तौळ चलिनी, अर लाल समुन्दर का बीचों-बीच चलि के दुसरा छाला पर पौंछयै गैनी। अर इन बुले जै सकदु, कि येका द्‍वारा ऊंको बपतिस्मा ह्‍वे अर वु मूसा रैबर्या का चेला बणि गैनी।

1 कुरिन्थि 12:1

अब हे मेरा भै-बैंणो, मि चान्दु छौं कि तुम परमेस्वर की पवित्र आत्मा का द्‍वारा मिलण वळा दान-बरदानों का बारा मा जणदा ही छा।

1 कुरिन्थि 14:20

हे मेरा भै-बैंणो, तुम अपणी सोच तैं छुटा बच्‍चों की तरौं नि बणा, बल्किन मा समझदार बणा। अर अगर जु तुम बच्‍चों की तरौं ही बणण चन्द्‍यां, त बुरै खुणि बणा। अर या बात मि इलै बोन्‍नु छौं, किलैकि बच्‍चा कै की बुरै का बारा मा नि सोचदिन। अर जख तक पिता परमेस्वर की खासियत का बारा मा बात च, त तुम लोग स्यांणा लोगु की तरौं सोच रखा।

1 कुरिन्थि 14:26

इलै हे मेरा भै-बैंणो, तुमतै क्या-क्या कन चयेणु उ अब मि तुमतै बतौन्दु, जब तुम परमेस्वर की भक्‍ति करणु खुणि एक जगा इकट्‍ठा होनद्‍यां, त पवित्र आत्मा का द्‍वारा तुम मा बटि कई लोग पिता परमेस्वर का भजन गन्दिन, अर कुछ शिक्षा देन्दिन। अर अगर कै मनखि पर कुछ परगट किये गै, त उ वीं बात का बारा मा बतौन्दु। अर कुछ लोग पवित्र आत्मा का द्‍वारा अलग-अलग भाषा मा बात करदिन, त कुछ वीं भाषा को मतलब आम बोल-चाल मा बतौन्दिन। अर यू सब कुछ पिता परमेस्वर का द्‍वारा किये जान्दु, ताकि एक-दुसरे की तरक्‍की हो अर सब लोग आत्मिक रुप से मजबूत होन्दी जा।

1 कुरिन्थि 9:2

अर अगर दुसरा लोग ईं बात तैं स्वीकार नि करदिन, कि मि भि प्रभु यीशु को एक खास चेला छौं त कुई बात नि च, मगर हे मेरा दगड़्यों, तुम ईं बात तैं स्वीकार कैरा किलैकि जब मिन तुमतै शुभ समाचार सुणै, त तुमुन बिस्वास कैरी इलै तुम ईं बात का सबूत छाँ कि मि वेको खास चेला छौं।

2 कुरिन्थि 1:8

हे मेरा भै-बैंणो, हम इन चन्द्‍यां कि तुम ईं बात से अणजाण नि रा, कि हमुन आसिया मुलक मा कन-कन दुख-तकलीफ झिलनी। हाँ, हमुन इथगा दुख-तकलीफ झिलनी कि ऊंतैं सौण हमरि ताकत से भैर छौ, इख तक कि हमुन उम्मीद भि छोड़याली छै, कि अब हम ज्यून्दा भि रौला कि ना।

2 कुरिन्थि 2:14

अर सबसे पैलि मि पिता परमेस्वर को धन्यवाद करदु जु कि एक नेता की तरौं हमेसा हमरा अगनै-अगनै चलदु, अर वेन हम सभ्यों तैं यू मौका दिनी कि हम वेका पिछनै-पिछनै चला। अर जन इतर कि खुशबु सब जगा फैली जान्दी, ठिक उन्‍नि पिता परमेस्वर हमतै अपणा सच्‍चा ज्ञान का द्‍वारा शुभ समाचार तैं फैलाण मा मदद करदु।

गलातियों 3:15

हे मेरा भै-बैंणो, मि तुमतै एक उदारण देके बिंगाण चाणु छौं, जब कै मनखि का द्‍वारा कुई करार किये जान्दु, त कुई भि वे करार तैं टाळि नि सकदु, अर ना ही वे करार मा कुई बात जोड़ी सकदु अर ना ही कम कैरी सकदु।

गलातियों 6:18

मेरा भै-बैंणो, हमरा प्रभु यीशु मसीह की किरपा तुमरि आत्मा का दगड़ा मा बणि रौ। आमीन।

फिलिप्पी 1:22

अर अगर मि ज्यून्द रौन्दु त मि अपणा कामों का द्‍वारा जादा से जादा फैदा लेके ऐ सकदु, अर अगर मितैं यों दुईयों मा बटि कै एक तैं चुनण होलु, त मितैं नि पता की मि क्या जि चुणु।

फिलिप्पी 4:17

अर मेरु मकसद इन नि छौ कि मि सेवा का काम मा तुम बटि मदद ल्यूं, मगर मि त सिरफ इथगा ही चान्दु कि येका बदला मा तुमरा जीवनों मा परमेस्वर तुमतै इनाम द्‍यो।

कुलुसी 1:10

ताकि तुमरो चाल-चलन हरेक बात मा प्रभु तैं खुश करण वळु हो। अर हरेक किसम का भलै का काम अच्छा फलों की तरौं छिन, इलै तुम ऊंतैं अपणा जीवनों मा लेके आ, अर परमेस्वर का ज्ञान मा और भि जादा बढदी जा।

कुलुसी 1:6

अर अब यू ही शुभ समाचार पूरि दुनियां मा खूब फैलणु च, अर यू ठिक उन्‍नि फैलणु च जन कि यू पैलि बार तुमरा बीच मा फैली छौ। हाँ, ठिक उन्‍नि जब तुमुन सच्‍चै से पिता परमेस्वर की किरपा का बारा मा सुणी, अर वेका बारा मा समझि भि छौ।

1 थिस्सलुनीकी 2:18

अर हमुन खुद इन चै छौ कि ऐके तुम बटि मिला, इख तक कि मि पौलुस न भि भौत कोसिस कैरी कि ऐके तुम से मिलु। अर या कोसिस मिन एक बार ना, बल्किन मा बार-बार कैरी मगर शैतान रुकावट डलणु रै।

1 थिस्सलुनीकी 4:13

हे मेरा भै-बैंणो, हम इन चन्द्‍यां, कि मुरयां लोगु को क्या जि होलु येका बारा मा तुम जाणा, ताकि तुम बिस्वास नि करण वळा लोगु का जन शोक नि कैरा जौं लोगु का पास कुई भि आस नि च।

2 थिस्सलुनीकी 2:7

अर वेन पाप का पुत्र तैं तब तक रोकी के रख्युं च, जब तक की उ वेका बाटा बटि हटये नि जौ। अर या बात सच्‍चि भि च, कि शैतान लुकि-छिपी के लोगु का बीच मा काम कनु च, ताकि लोग परमेस्वर का नियम-कानूनों तैं अपणा जीवनों मा स्वीकार नि कैरी सैका।