दिब्य दरस 8:13 - Garhwali

¹³ तब मिन आसमान मा एक चील तैं उड़ण देखि अर मिन वेतैं ऊँची आवाज मा इन बुल्दु सुणी कि, “धरती पर रौण वळा लोगु, तुम पर हाय च, हाय, किलैकि तीन और स्वर्गदूतों छिन जौन अभि अपणु-अपणु बिगुलो बजौण।”

गढवली नयो नियम

¹³ जब मिल फिर देखि, त मिल एक गरुड़ तैं आसमान मा ऊंचो उड़दि देखि अर ऊँचा शब्द बट्टी यु बुल्द सूंणि, “जब आखिरी तीन स्वर्गदूत ऊं तुरैहियों तैं फूंकदींनि जु ऊं तैं दिये गै, तब दुनिया का सब लुखुं पर आंण वली विपत्तियां भौत भयानक छिनी। धरती का रौंण वलो पर हाय, हाय, हाय!”

दिब्य दरस 8:13 ပူးပေါင်းရင်းမြစ်များ

इब्रानी 1:14

अर, यू सब स्वर्गदूत त सेवा करण वळी आत्मा छिन, जु कि बचयै जाण वळा लोगु की सेवा खुणि भिजे जनदिन।

दिब्य दरस 11:14

अर दुसरि विपदा भि पूरि ह्‍वे गै, अर जल्द तिसरी औण वळी च।

दिब्य दरस 12:12

इलै हे स्वर्ग मा रौण वळा दूतों, खुशी मणा। पर हे धरती अर समुन्दर तुम पर हाय च, किलैकि शैतान बड़ु गुस्सा ह्‍वेके तुमरा पास मूड़ी औणु च, अब वेतैं पता चलि गै कि अब वेको बगत कम ही रै गै।”

दिब्य दरस 14:3

अर वु राजगद्‍दी का समणि, अर चार ज्यून्द पराणों अर अध्यक्षों का समणि एक नयू गीत गाणा छा। अर एक लाख चवालीस हजार लोग का अलावा कुई भि वे गीत तैं नि सिखी सकदु, अर यू वु लोग छिन जौं तैं यीशु न अपणु बलिदान देके खरीदयाली।

दिब्य दरस 14:6

फिर मिन एक और स्वर्गदूत तैं देखि जु की आसमान मा उड़णु छौ, अर वेका पास सदनि तक रौण वळु शुभ समाचार छौ, ताकि धरती पर रौण वळा सब देसों, गोत्रों अर हरेक भाषा अर जाति-जाति का लोग तैं यू शुभ समाचार सुणये जौ।

दिब्य दरस 19:17

अर फिर मिन एक स्वर्गदूत तैं देखि जु की सूरज का बीच खड़ु होयुं छौ, अर वेन ऊँची आवाज मा सब किसम का पंछियों कू बोलि, “इख आ, अर परमेस्वर की बड़ी दावत खुणि जमा ह्‍वे जा,

दिब्य दरस 3:10

किलैकि तुमुन सबर रखी के मेरी बात तैं माणी, इलै अजमैस का वे बगत मा मि भि तुमरि हिफाजत करलु, ज्वा कि धरती का सब लोगु तैं अजमौणु खुणि औण वळी च।

दिब्य दरस 8:2

तब मिन ऊं सात स्वर्गदूतों तैं देखि, जु कि परमेस्वर का समणि खड़ा रौनदिन, अर ऊंतैं सात बिगुला दिये गैनी।

दिब्य दरस 9:1

अर जब पांचु स्वर्गदूत न बिगुला बजै, त मिन एक गैंणो देखि जु की स्वर्ग बटि धरती पर पोड़ि, अर वेतैं अधलोक की चाबी दिये गै।

दिब्य दरस 9:12

पैलि विपदा बीत गै, देखा, येका बाद दुई और विपदा औण वळी छिन।