दिब्य दरस 8:12 - Garhwali

¹² अर जब चौथा स्वर्गदूत न बिगुला बजै, तब सूरज, चाँद अर गैंणो का तीन हिस्सों मदि एक हिस्सा को नास ह्‍वे गै अर ऊंन उज्याळु देण बन्द कैर दिनी। अर इनकै सूरज न दिन मा चार घन्टा उज्याळु देण बन्द कैरी, अर ठिक उन्‍नि रात मा चाँद अर तारों न भि चार घन्टा उज्याळु देण बन्द कैर दिनी।

गढवली नयो नियम

¹² चौथा स्वर्गदूत ल तुरै फूंकी, अर सूरज की एक तिहाई, अर जून की एक तिहाई अर गैणों की एक तिहाई पर कुछ टकरै अर नाश हवे गै कि ऊंको एक तिहाई भाग अंधेरो हवे गै, ज्यांका कारण दिन का एक तिहाई बगत तक सूरज ल अपड़ो प्रकाश नि द्ये, अर जून अर गैणा रात का एक तिहाई बगत तक नि चमकीनि।

दिब्य दरस 8:12 ပူးပေါင်းရင်းမြစ်များ

मत्ती 24:29

अर यीशु न चेलों कू इन भि बोलि, “यों सब मुसीबतों का तुरन्त बाद सूरज अन्धेरु ह्‍वे जालु, अर चाँद भि अपणु उज्याळु देण बन्द कैरी दयालु, अर गैंणा आसमान बटि धरती मा पोड़ि जाला, अर आसमान की सब शक्‍तियाँ इनै-उनै ह्‍वे जालि।

मत्ती 27:45

अर दुफरे की बारह बजी बटि लेके तीन बजी तक पूरा देस मा अन्धेरु होयुं रै।

मरकुस 13:24

अर यीशु न चेलों कू इन भि बोलि, “ऊं दिनों मा ये संकट का तुरन्त बाद सूरज अन्धेरु ह्‍वे जालु, अर चाँद भि अपणु उज्याळु देण बन्द कैरी दयालु,

मरकुस 15:33

दुफरा का बारह बजी बटि लेके तीन बजी तक पूरा देस मा अन्धेरु होयुं रै।

लूका 21:25

“अर तुमतै सूरज, चाँद अर गैंणो मा चिन्‍न दिख्याला, अर धरती पर देस-देस का लोगु पर संकट आलु, इख तक की वु समुन्दर की लैरों की आवाजळ भि घबरै जाला।

खास चेलों 2:20

अर प्रभु का वे महान अर अदभुत दिन का औण से पैलि, सूरज काळु अर चाँद ल्वे जन लाल ह्‍वे जालु,

2 कुरिन्थि 4:4

अर इन वु इलै बुल्दिन किलैकि ईं दुनियां मा शैतान न बिस्वास नि करण वळा लोगु का दिमाग तैं बन्द कैरियाली। अर वु ऊंतैं शुभ समाचार की महानता तैं स्वीकार करण से रुकदु, किलैकि उ नि चान्दु कि लोग इन जाणा कि यीशु मसीह कथगा महान च अर पिता परमेस्वर को ही रुप च।

दिब्य दरस 12:4

अर वेन अपणी पूंच से आसमान का गैंणो का तीन हिस्सों मदि एक हिस्सा तैं खैंची के धरती पर ढोळि दिनी। तब उ खुंखार रागस वीं जनानि का समणि खड़ु ह्‍वे गै, ज्वा कि बच्‍चा तैं जनम देण वळी छै, ताकि जब बच्‍चा को जनम हो, त उ वेतैं निगळी द्‍यो।

दिब्य दरस 16:10

तब पांचु स्वर्गदूत न अपणु कटोरा वे दैंत की राजगद्‍दी पर अखणै दिनी, अर वेका राज्य पर अन्धेरु ह्‍वे गै, अर पीड़ा की वजै से लोग अपणी-अपणी जीब चबौण लगि गैनी।

दिब्य दरस 6:12

अर जब मिन मेम्‍ना तैं छटुं मोर खुलद देखि, त एक बड़ु भ्वींचळु ऐ अर सूरज इन काळु पोड़ि गै जन की काळु टाट हो, अर चाँद इन ह्‍वे गै जन की, ल्वे।

दिब्य दरस 9:15

तब चरी स्वर्गदूतों तैं आजाद किये गै, जौं तैं वे दिन, वे बगत अर वे मैना अर वे साल खुणि तयार कर्युं च, ताकि वु मनखियों का तीन हिस्सा मा बटि एक हिस्सा तैं मारी द्‍या।

दिब्य दरस 9:18

अर यों तीन विपदाओं की वजै से मनखि जाति का तीन हिस्सा मदि एक हिस्सा को नास ह्‍वे गै। अर यू सब कुछ ऊंका गिच्‍चों बटि निकळण वळी आग, धुंवा अर गंधक की वजै से ह्‍वे।