दिब्य दरस 8:11 - Garhwali

¹¹ अर ये गैंणो को नौ धतुरो च, अर येकी बजै से पाणि का तीन हिस्सों मदि एक हिस्सा कड़ु ह्‍वे गै, अर पाणि कड़ु होण की वजै से भौत सा लोग मोरि गैनी।

गढवली नयो नियम

¹¹ वे गैणों को नौं “कड़ो” च, यांका बाद भि सभि पांणी जख पोड़ी, कड़ो हवे गै, अर भौत लोग मोरि गैनी किलैकि पांणी कड़ो हवे गै छो, अर भौत सा मनिख वे पांणी का कड़ो हवे जांणा का कारण मोरि गैनी।

दिब्य दरस 8:11 ပူးပေါင်းရင်းမြစ်များ

इब्रानी 12:15

अर बिस्वासी समुदाय मा तुम एक-दुसरा पर ध्यान द्‍या, ताकि तुम लोगु मा बटि कुई भि परमेस्वर कि किरपा पौण से दूर नि ह्‍वे जौ, अर ईं बात पर भि ध्यान द्‍या कि तुम लोगु मा कुई फूट पैदा नि हो, किलैकि इन्दरि बात दिक्‍कत करदी, अर भौत सा लोगु तैं बिगाड़ि देन्दी।

दिब्य दरस 12:4

अर वेन अपणी पूंच से आसमान का गैंणो का तीन हिस्सों मदि एक हिस्सा तैं खैंची के धरती पर ढोळि दिनी। तब उ खुंखार रागस वीं जनानि का समणि खड़ु ह्‍वे गै, ज्वा कि बच्‍चा तैं जनम देण वळी छै, ताकि जब बच्‍चा को जनम हो, त उ वेतैं निगळी द्‍यो।

दिब्य दरस 8:7

अर जब पैला स्वर्गदूत न बिगुला बजै, तब ल्वे मिल्यूं ढांडो अर आग पैदा ह्‍वे, जु की धरती पर ढुळै गै। अर इन होण से जमीन का तीन हिस्सों मदि एक हिस्सा फुकै गै, अर इन्‍नि डाळों को एक हिस्सा फुकै गै, अर पूरि हरीं घास भि फुकै गै।

दिब्य दरस 9:15

तब चरी स्वर्गदूतों तैं आजाद किये गै, जौं तैं वे दिन, वे बगत अर वे मैना अर वे साल खुणि तयार कर्युं च, ताकि वु मनखियों का तीन हिस्सा मा बटि एक हिस्सा तैं मारी द्‍या।

दिब्य दरस 9:18

अर यों तीन विपदाओं की वजै से मनखि जाति का तीन हिस्सा मदि एक हिस्सा को नास ह्‍वे गै। अर यू सब कुछ ऊंका गिच्‍चों बटि निकळण वळी आग, धुंवा अर गंधक की वजै से ह्‍वे।