दिब्य दरस 7:4 - Garhwali

⁴ अर जौं पर मोर लगये गै मिन अपणा कन्दूड़ो न ऊंकी गिनती सुणी ऊंकी गिनती एक लाख चवालीस हजार छै। अर ऊ इस्राएल का हरेक गोत्र मा बटि छा।

गढवली नयो नियम

⁴ जब स्वर्गदूतों ल निशान लगांण पूरो कैर दींनि, त कैल मि तैं बतै कि उ लोग जौका माथा पर स्वर्गदूतों ल पिता परमेश्वर की मुहर बट्टी निशान लगै, ऊंकी संख्या एक लाख चवालीस हजार छै, यु लोग इस्राएल का सैरा बारह गोत्रों मा बट्टी छा।

दिब्य दरस 7:4 ပူးပေါင်းရင်းမြစ်များ

मत्ती 19:28

यीशु न ऊंकू बोलि, “मि तुम बटि सच्‍चि बोन्‍नु छौं, कि जब परमेस्वर नयू राज्य बणालु, वे बगत मनखि को पुत्र जु कि अपणा आदर-सम्मान की राजगद्‍दी पर बैठलु, अर तुम जु मेरा पिछनै चलणा छाँ, वे बगत पर तुम बारह राजगद्‍दियों पर बैठि के इस्राएल का बारह गोत्रों को न्याय करिल्या।

लूका 14:22

तब नौकर न वेकू बोलि, ‘साब, जन तुमुन बोलि छौ ठिक उन्‍नि किये गै, पर इख त अभि भि जगा खालि च।’

लूका 22:30

ताकि तुम मेरा राज्य मा मेरा भोज तैं खा-प्या, अर राजगद्‍दियों पर बैठि के इस्राएल का बारह गोत्रों को न्याय कैरा।”

खास चेलों 26:7

अर हमरा बारह गोत्रों का लोग वे करार तैं पूरु होण की आस मा लग्यां छिन, अर आज भि वु दिन-रात परमेस्वर की भक्‍ति अपणा पूरा मनळ कना छिन। अर महाराज, आज वा ही आस मेरी भि रखी च अर वांका बानो ही यहूदी लोग मि पर इळजाम लगौणा छिन।

रोमियों 9:27

अर जन यशायाह रैबर्या न इस्राएल लोगु का बारा मा चिल्‍लै-चिल्‍लै के बोलि छौ, “अब चै इस्राएली लोगु की गिनती समुन्दर का बळा का बराबर भि किलै नि ह्‍वे जौ, मगर ऊंमा बटि कुछ ही लोगु तैं बचयै जाण।

याकूब 1:1

हे मेरा भै-बैंणो, मि परमेस्वर अर प्रभु यीशु मसीह को सेवक याकूब छौं। अर पूरि दुनियां मा तितर-बितर होयां इस्राएल का बारह गोत्र का बिस्वासी लोगु खुणि या चिठ्‍ठी लिखणु छौं। तुम सभ्यों कू मेरु सलाम।

दिब्य दरस 14:1

अर मिन देखि कि यीशु जु कि मेम्‍ना च यरूशलेम नगर का सिय्योन ढौंडा मा खड़ु होयुं च। अर वेका दगड़ा मा एक लाख चवालीस हजार लोग खड़ा होयां छिन, जौं का माथा पर यीशु अर वेका पिता को नौ लिख्यूं च।

दिब्य दरस 14:3

अर वु राजगद्‍दी का समणि, अर चार ज्यून्द पराणों अर अध्यक्षों का समणि एक नयू गीत गाणा छा। अर एक लाख चवालीस हजार लोग का अलावा कुई भि वे गीत तैं नि सिखी सकदु, अर यू वु लोग छिन जौं तैं यीशु न अपणु बलिदान देके खरीदयाली।

दिब्य दरस 7:5

यहूदा का गोत्र मा बटि बारह हजार पर मोर लगि, अर उन्‍नि रूबेन का गोत्र बटि बारह हजार पर, अर गाद का गोत्र बटि बारह हजार पर मोर लगि।

दिब्य दरस 9:16

अर ऊं घुड़सवार सैनिको की गिनती बीस करोड़ छै, अर या गिनती मिन खुद सुणी।