दिब्य दरस 7:3 - Garhwali

³ “जबरि तक हम अपणा परमेस्वर का सेवकों का माथा पर मोर नि लगै द्‍या, तब तक डाळों अर धरती पर या समुन्दर मा कुई भि नुकसान नि पौंछ्यां।”

गढवली नयो नियम

³ “जब तक हम अपड़ा पिता परमेश्वर का दासों का माथा पर मुहर नि लगै द्यो तब तक धरती अर समुद्र अर डालों तैं नुकसान नि पौंछयां, कि उ, ऊं विपत्तियों बट्टी दुखी नि हो।”

दिब्य दरस 7:3 ပူးပေါင်းရင်းမြစ်များ

मत्ती 24:22

अर अगर पिता परमेस्वर ऊं दिनों की गिनती कम नि करदु, त कुई भि मनखि नि बचदु, मगर चुण्यां लोगु का खातिर ही ऊं दिनों की गिनती कम किये गै।

मत्ती 24:31

अर बिगुले की बड़ी आवाज का दगड़ा मा मनखि को पुत्र अपणा स्वर्गदूतों तैं भेजलु, अर स्वर्गदूत वेका चुण्यां लोगु तैं पूरि दुनियां का हरेक दिसा से इकट्‍ठा करला।”

यूहन्ना 12:26

अगर कुई मेरी सेवा करदु, त उ मेरा पिछनै चलो। अर जख मि रौलु उख मेरु सेवक भि होलु। अर जु कुई मेरी सेवा करदु, वेतैं मेरु पिता आदर-सम्मान द्‍यालु।

यूहन्ना 3:33

अर जैन भि वेकी गवै तैं स्वीकार कैरी, वेन छाप लगै के इन परमाण दियाली की परमेस्वर सच्‍चु च।

रोमियों 6:22

पर अब पिता परमेस्वर न तुमतै पापों से छुटकारु देके अपणु चेला बणैयालि, अर ईं बात को तुमतै यू फैदा च कि अब तुमरो मन पवित्र ह्‍वे गै। अर ना केवल पवित्र मन, बल्किन मा वेका दगड़ा-दगड़ि तुमतै सदनि को जीवन भि द्‍यालु।

दिब्य दरस 13:16

अर वेन सब लोगु तैं अपणा दैंणा हाथ या माथा पर मोर लगौणु खुणि मजबूर कैरी अब चै वु छुटा हो या बड़ा, सेठ हो या गरीब, आजाद हो या गुलाम, सब तैं।

दिब्य दरस 13:17

अर जैमा वु चिन्‍न नि होलु वु कुछ भि लेण-देण नि कैरी सकदु यू चिन्‍न समुन्दर वळा दैंत का नौ, अर वेका नौ की संख्या च।

दिब्य दरस 14:1

अर मिन देखि कि यीशु जु कि मेम्‍ना च यरूशलेम नगर का सिय्योन ढौंडा मा खड़ु होयुं च। अर वेका दगड़ा मा एक लाख चवालीस हजार लोग खड़ा होयां छिन, जौं का माथा पर यीशु अर वेका पिता को नौ लिख्यूं च।

दिब्य दरस 14:9

अर येका बाद एक और स्वर्गदूत उड्‍द दिखै जु कि तिसरु छौ, अर वेन ऊँची आवाज मा इन बोलि कि, “अगर कुई दैंत अर वेकी मूरत की पूजा करदु अर अपणा माथा पर या हाथ पर वेकी मोर लगौन्दु,

दिब्य दरस 19:2

किलैकि वेको न्याय सच्‍चु अर सही च, अर वेन वीं बड़ी वेश्या तैं दण्ड दियाली, जिं न गळत सम्बन्ध बणौण से धरती तैं भ्रष्‍ट कैरी दिनी, अर परमेस्वर का भौत सा सेवकों तैं जान से मार दिनी, इलै परमेस्वर न वीं बटि अपणा सेवकों का ल्वे को बदला लिनी।”

दिब्य दरस 20:4

तब मिन राजगद्‍दी देखि अर ऊं लोग की आत्माओं तैं भि देखि जु कि राजगद्‍दी पर बैठयां छा, जौं का मुण्ड़ यीशु की गवै देण अर परमेस्वर का वचन तैं बतौण की वजै से कटै गै छौ। अर यू वु आत्मा छिन जौं तैं परमेस्वर न न्याय करण को अधिकार दिनी। अर यों न नऽ त दैंत की, अर ना ही वेकी मूरत की पूजा कैरी, अर ना ही अपणा माथा या हाथ पर वेकी मोर लगवै, वु सब ज्यून्दा ह्‍वे गैनी, अर ऊंन राजा बणि के मसीह का दगड़ा मा एक हजार साल तक राज कैरी।

दिब्य दरस 22:4

अर वु परमेस्वर तैं अपणा समणि दिखला अर वेको नौ ऊंका माथा पर लिख्यूं होलु।

दिब्य दरस 6:6

अर मिन चार ज्यून्दा पराणों का बीच मा इन आवाज सुणी, “इन्द्रयो अकाळ भेजि द्‍या कि सब कुछ मैंगु ह्‍वे जौ, अर एक किलो अनाज की कीमत एक दिन की ध्याड़ि का बराबर, अर तीन किलो जौ कि कीमत एक दिन की ध्याड़ि का बराबर हो, मगर जैतून अर अंगूरों का बगिचो तैं नुकसान नि पौंछै।”

दिब्य दरस 7:1

येका बाद मिन धरती का चरी कुणों पर चार स्वर्गदूत खड़ा होयां दिखिनी। अर ऊंन धरती मा चौतरफि दिसा की हवा तैं रोकी के रख्युं छौ, ताकि नऽ त कै डाळा पर, नऽ त धरती पर अर ना ही समुन्दर मा हवा चलु।

दिब्य दरस 7:2

तब मिन एक और स्वर्गदूत तैं पूरब दिसा बटि औन्द देखि, अर वेमा ज्यून्दा परमेस्वर की मोर छै। अर जौं चार स्वर्गदूतों तैं धरती अर समुन्दर मा नुकसान पौंछण को अधिकार दिये गै छौ, वेन ऊंकू ऊँची आवाज मा बोलि कि,

दिब्य दरस 9:4

अर ऊंकू इन बुले गै कि ऊ नऽ त धरती की घास तैं, ना ही कैं हरीं चीज तैं अर ना ही कैं डाळी-बोटी तैं नुकसान पौंछा, पर ऊं लोगु तैं ही नुकसान पौंछा, जौं का माथा पर परमेस्वर की मोर नि च।