दिब्य दरस 7:2 - Garhwali

² तब मिन एक और स्वर्गदूत तैं पूरब दिसा बटि औन्द देखि, अर वेमा ज्यून्दा परमेस्वर की मोर छै। अर जौं चार स्वर्गदूतों तैं धरती अर समुन्दर मा नुकसान पौंछण को अधिकार दिये गै छौ, वेन ऊंकू ऊँची आवाज मा बोलि कि,

दिब्य दरस 7:2 ပူးပေါင်းရင်းမြစ်များ

मत्ती 16:16

तब शमौन पतरस न जबाब देई, “गुरुजी, ज्यून्दा परमेस्वर का पुत्र मसीह तुम ही छाँ।”

मत्ती 26:63

पर यीशु चुप रै। तब महा पुरोहित न वेकू बोलि, “मि त्वेतै ज्यून्दा परमेस्वर की कसम देन्दु, हमतै बतौ कि क्या तू परमेस्वर को पुत्र मसीह छैई।”

यूहन्ना 6:27

तुम नास होण वळा खाणु खुणि ना, बल्किन मा वे खाणुक खुणि मेनत कैरा जु कि सदनि का जीवन तक रौन्दु। अर उ खाणुक मनखि को पुत्र ही तुमतै द्‍यालु, किलैकि यू देणु खुणि पिता परमेस्वर न वेतैं यू अधिकार दियूं च।”

2 कुरिन्थि 1:22

अर वेन इन दिखौणु खुणि कि हम वेका छां, अपणा पवित्र आत्मा का दान तैं बयना का रुप मा हमरा मनों मा देई, ताकि इन साबित हो कि वेको करार जरुर पूरु होलु।

इफिसुस 1:13

अर जब तुमुन शुभ समाचार का द्‍वारा सच्‍चै का वचन तैं सुणी, कि परमेस्वर यीशु मसीह का द्‍वारा ही बचौन्दु तब तुमुन यीशु मसीह पर बिस्वास कैरी। अर जब तुम वेका पास ऐ ग्यां, त वेन अपणी छाप का रुप मा तुमतै पवित्र आत्मा दिनी, जैको करार वेन पैलि ही कैरियाली छौ।

इफिसुस 4:30

अर परमेस्वर की पवित्र आत्मा तैं अपणा चाल-चलन से दुख नि द्‍या, किलैकि पवित्र आत्मा देके परमेस्वर न तुम पर अपणी मोर लगईं च, ताकि छुटकारा का दिन पर तुमतै छुडयै जौ।

1 थिस्सलुनीकी 1:9

किलैकि वु सब लोग ईं बात तैं खुद ही बतौन्दिन, कि जब हम तुमरा इख ऐ छा, त तुमुन हमरु कथगा अच्छु तरीके से स्वागत कैरी छौ। अर इन भि कि कनकै तुमुन मूरत की भक्‍ति करण छोड़ि दिनी, अर ज्यून्दा अर सच्‍चा परमेस्वर की भक्‍ति करण लगि ग्यां।

2 तीमुथियुस 2:19

तभि भि जु लोग परमेस्वर पर बिस्वास करदिन, वु परमेस्वर का द्‍वारा बणयां घौर की मजबूत बुनियाद का जन छिन। अर ऊंका बिस्वास को नास कभि नि होलु, बल्किन मा वु घौर की मजबूत बुनियाद का जन सदनि टिक्यां राला। इलै परमेस्वर का वचन मा इन लिख्यूं च कि, “जु प्रभु का लोग छिन, ऊंतैं उ पछ्याणदु च,” अर जु इन बुल्दा छिन कि, “हम त परमेस्वर का छां, वु लोग बुरै बटि दूर रा।”

इब्रानी 12:22

हे मेरा भै-बैंणो, तुम कै इन्दरि जगा पर नि अयां छाँ, बल्किन मा सिय्योन नौ का ढौंडा का पास, ज्यून्द परमेस्वर का नगर याने की स्वर्गीय यरूशलेम का पास अयां छाँ, अर उख इथगा स्वर्गदूत छिन जौं की कुई गिनती नि च, अर वु सब उख आनन्द मणौन्दिन।

दिब्य दरस 1:3

धन्य च उ जु ईं भविष्यबाणी का वचनों तैं पढदु, अर धन्य छिन वु लोग भि जु यों वचनों तैं सुणदिन, अर या मा लिखीं बातों को पालन करदिन, किलैकि यू सब बात पूरि होण वळी छिन।

दिब्य दरस 10:1

अर येका बाद मिन स्वर्ग बटि एक और ताकतबर स्वर्गदूत तैं उतरद देखि, जैन बादळों तैं कपड़ों की तरौं पैरयूं छौ, अर वेका मुण्ड़ मा मेघधनुष छौ। अर वेको मुख सूरज की तरौं, अर वेका खुटा आग का खम्बों की तरौं छा।

दिब्य दरस 10:4

अर जब सात आवाज ह्‍वे गैनी, त मि लिखण वळु छौ, मगर मिन स्वर्ग बटि एक आवाज सुणी जैन मिकू बोलि, “सात आवाजों मा जु बुले गै, ऊंतैं लिख ना बल्किन मा छिपै के रख।”

दिब्य दरस 16:12

तब छटुं स्वर्गदूत न अपणा कटोरा तैं फरात नौ की बड़ी गाड मा अखणै दिनी, अर वेको पाणि सूखि गै, ताकि पूरब दिसा का राजाओं का सिपै ऐ सैका।

दिब्य दरस 5:2

फिर मिन एक ताकतबर स्वर्गदूत तैं ऊँची आवाज मा इन बुल्दु सुणी कि, “कु च उ, जु यों मोरों तैं खोली सकदु, अर ये लपेट्यां दस्तावेज तैं खोली सकदु च?”

दिब्य दरस 8:3

फिर एक और स्वर्गदूत ऐ अर उ पिता परमेस्वर की राजगद्‍दी का पास ज्वा वेदी छै, उ वींका समणि खड़ु ह्‍वे गै, अर धूपदेणु खुणि वेका हाथों मा सोनो को एक कटोरा छौ। तब वेतैं भौत सारी धूबत्ती दिये गैनी ताकि वु परमेस्वर का सब लोगु की प्रार्थनाओं तैं भेंट का रुप मा चड़ौ।

दिब्य दरस 9:14

अर ईं आवाज न छटुं स्वर्गदूत कू इन बोलि कि, “ऊं चार स्वर्गदूतों का बन्धनों तैं खोली दे, जु फरात गाड का नजदीक बन्धयां छिन।”

दिब्य दरस 9:4

अर ऊंकू इन बुले गै कि ऊ नऽ त धरती की घास तैं, ना ही कैं हरीं चीज तैं अर ना ही कैं डाळी-बोटी तैं नुकसान पौंछा, पर ऊं लोगु तैं ही नुकसान पौंछा, जौं का माथा पर परमेस्वर की मोर नि च।