दिब्य दरस 7:17 - Garhwali

¹⁷ किलैकि मेम्‍ना जु की राजगद्‍दी का बीच मा च, उ ऊंको चरवाह होलु, अर ऊंतैं जीवन का छोया का पास लेके जालु। अर पिता परमेस्वर ऊंका आंख्यों बटि सब आंसुओं तैं फुंजी द्‍यालु।”

गढवली नयो नियम

¹⁷ किलैकि चिनखो जु सिंहासन का बीच मा च, उ ऊंकी देखभाल करलो, उन ही जन एक चरवाहा अपड़ा ढिबरो की देखभाल करद; अर उ, ऊं तैं ताजा पांणी पींणु कु लिजालो जु लुखुं तैं जीवन दान दींद, अर पिता परमेश्वर ऊंकी आँखों बट्टी सभि आँसूओं तैं फूंजी दयालो।”

दिब्य दरस 7:17 ပူးပေါင်းရင်းမြစ်များ

मत्ती 2:6

“हे यहूदिया मुलक का बैतलहम गौं, तू जु सबसे छुटो छैई, पर सुण, यहूदिया मुलक का सब नगरों मा बटि तू सबसे खास छैई। किलैकि त्वेमा बटि एक बड़ु सासक निकळळु, जु की मेरी परजा इस्राएल का लोगु की देख-रेख करलु।”

मत्ती 5:4

“धन्य छिन ऊ, जु शोक मा छिन, किलैकि ऊंतैं शान्ति दिये जालि।

यूहन्ना 10:11

“अच्छु चरवाह मि छौं। अर अच्छु चरवाह अपणा भेड़ों का बानो अपणी जान भि दे देन्दु।

यूहन्ना 10:14

“अच्छु चरवाह मि छौं। अर जन पिता मितैं जणदु, अर मि पिता तैं जणदु, ठिक उन्‍नि मि भि अपणी भेड़ों तैं जणदु छौ, अर मेरी भेड़ भि मितैं जणदी छिन।

यूहन्ना 4:10

अर यीशु न वींकू बोलि, “अगर तुम परमेस्वर का बरदान तैं जणदा, अर यू भि जणदा की उ कु च, जु तुम बटि बोन्‍नु च, ‘मितैं पाणि पिलै द्‍या।’ त तुम वे बटि मंगदा, अर उ तुमतै जीवन देण वळु पाणि देन्दु।”

यूहन्ना 4:11

तब जनानि न वेकू बोलि कि, “श्रीमान, तुमरा पास त पाणि निकळणु खुणि कुई भाँडु भि नि च, अर कुआँ गैरु च, त फिर जीवन देण वळु वु पाणि तुमरा पास कख बटि ऐ?

यूहन्ना 4:14

पर जु कुई भि मेरा दियां पाणि मा बटि प्यालु, वेतैं फिर सदनि तक तिस नि लगली, किलैकि जु पाणि मि वेतैं द्‍यूलु, उ वेमा बटि सदनि तक उछ्लण-कुदण वळु जीवन को एक छोया जन बणि जालु।”

खास चेलों 20:28

इलै अपणी अर अपणा बिस्वासी समुदाय की देख-रेख ढंगल कैरा, किलैकि पवित्र आत्मा न तुमतै यां खुणि ही ठैर्युं च, ताकि तुम परमेस्वर का समुदाय की देख-रेख अच्छे से कैरी सैका, जै समुदाय तैं प्रभु न अपणु बलिदान देके खरीदयाली।

1 पतरस 5:2

जु दल पिता परमेस्वर न तुमरा हाथों मा सौप्युं च, वेकी देख-रेख अच्छी तरौं से कैरा। अर दल की देख-रेख कैं मजबूरी मा ना, बल्किन मा पिता परमेस्वर की मनसा का मुताबिक कैरा। अर सेवा को यू काम तुम कै लालच खुणि ना, बल्किन मा मन लगै के कैरा।

दिब्य दरस 14:4

अर यू ऊ लोग छिन जु अणविवाक ही रैनी अर यों न खुद तैं जनानियों का दगड़ा मा अशुद्ध नि कैरी। किलैकि यीशु जु कि मेम्‍ना च अर जख-जख वु जान्दु यू वेका पिछनै-पिछनै चलदिन, इलै परमेस्वर की सेवा खुणि यों लोगु तैं धरती का सब लोगु मदि सबसे पैलि चुणी के खरीदे गै।

दिब्य दरस 21:22

मिन वे नगर मा कुई मन्दिर नि देखि, किलैकि सर्वसक्‍तिमान प्रभु परमेस्वर, अर यीशु ही वेको मन्दिर च।

दिब्य दरस 21:23

वे नगर तैं उज्याळु देणु खुणि सूरज अर चाँद की जरुरत नि च, किलैकि परमेस्वर को तेज वेतैं उज्याळु देन्दु, अर यीशु वेको द्‍यू च।

दिब्य दरस 21:4

अर परमेस्वर ऊंका आंख्यों का सब आंसुओं तैं फुंजी द्‍यालु, फिर नऽ त मौत रैलि, ना शोक, नऽ रुंण-धुण अर ना ही कुई पीड़ा, किलैकि जु बात पैलि छै अब वु सब खतम ह्‍वे जालि।”

दिब्य दरस 21:6

अर वेन मिकू इन भि बोलि, “यू सब बात पूरि ह्‍वे गैनी, मि ही पैलु अर आखिरी छौं, शुरुवात अर आखिरी मि ही छौं। जैतैं तीस लगीं हो वेतैं मि जीवन देण वळा पाणि का छोया मा बटि मुफत मा पिलौलु।

दिब्य दरस 22:1

अर वेका बाद वे स्वर्गदूत न मितैं जीवन देण वळी गाड दिखै, ज्वा की साफ काँच की तरौं छै, अर या गाड परमेस्वर अर यीशु की राजगद्‍दी बटि निकळि के बुगणी छै।

दिब्य दरस 4:11

“हे हमरा प्रभु, अर हमरा परमेस्वर, तुमरि ही बडै हो, अर पूरु आदर-सम्मान तुमतै ही मिलु, अर तुमरि ताकत की तारीफ हो, किलैकि तुमुन ही सब चीजों तैं बणै, अर तुमरि मनसा से ही यू सब बणि अर यों सब चीजों को बजूद च।”

दिब्य दरस 5:6

अर मिन वीं राजगद्‍दी अर ऊं चार ज्यून्दा पराणों अर ऊं अध्यक्षों का बीच मा एक मेम्‍ना तैं देखि, अर उ इन दिखैणु छौ जन कि वेतैं बलिदान कर्युं हो। वेका सात सींग अर सात आंखा छा अर जु की परमेस्वर की सात आत्मा छिन जौं तैं धरती पर भेजि गै।