दिब्य दरस 6:6 - Garhwali

⁶ अर मिन चार ज्यून्दा पराणों का बीच मा इन आवाज सुणी, “इन्द्रयो अकाळ भेजि द्‍या कि सब कुछ मैंगु ह्‍वे जौ, अर एक किलो अनाज की कीमत एक दिन की ध्याड़ि का बराबर, अर तीन किलो जौ कि कीमत एक दिन की ध्याड़ि का बराबर हो, मगर जैतून अर अंगूरों का बगिचो तैं नुकसान नि पौंछै।”

गढवली नयो नियम

⁶ मिल सूंणि कि ऊं चार ज्यून्दा प्राणियों का बीच बट्टी कुई बुल्णु छो जु एक आदिम का जन छो, “भविष्य मा धरती पर अकाल होलो अर इलै एक दिन की मजदूरी भस एक किलो चौंल, या भस तीन किलो ग्यूं खरीदण कु ही पूरो होलो। पर जैतून का तेल अर दाखमधु की कीमत नि बदलली।”

दिब्य दरस 6:6 ပူးပေါင်းရင်းမြစ်များ

मत्ती 24:7

किलैकि यू होण से पैलि एक देस दुसरा देस पर अर एक राज्य दुसरा राज्य का खिलाप मा खड़ा होला, अर भौत सि जगों पर अकाळ पोड़ला, अर भ्वींचळा भि आला।

दिब्य दरस 4:6

अर वीं राजगद्‍दी का समणि काँच का जन एक समुन्दर छौ। अर राजगद्‍दी का चौतरफि चार ज्यून्दा पराण जौं का अगनै-पिछनै आंखा ही आंखा छा।

दिब्य दरस 4:8

अर चरी पराणों का छह-छह फाँकुड़ छा, अर ऊंका चौतरफि अर ऊंका भितर भि आंखा ही आंखा छा। अर वु बिन रुक्यां दिन-रात इन बुल्दिन कि, “पवित्र, पवित्र, पवित्र, सर्वसक्‍तिमान प्रभु परमेस्वर, जु छौ जु आज भि च अर जु औण वळु च।”

दिब्य दरस 7:3

“जबरि तक हम अपणा परमेस्वर का सेवकों का माथा पर मोर नि लगै द्‍या, तब तक डाळों अर धरती पर या समुन्दर मा कुई भि नुकसान नि पौंछ्यां।”

दिब्य दरस 9:4

अर ऊंकू इन बुले गै कि ऊ नऽ त धरती की घास तैं, ना ही कैं हरीं चीज तैं अर ना ही कैं डाळी-बोटी तैं नुकसान पौंछा, पर ऊं लोगु तैं ही नुकसान पौंछा, जौं का माथा पर परमेस्वर की मोर नि च।