दिब्य दरस 6:13 - Garhwali

¹³ अर आसमान का गैंणा धरती मा पोड़ि गैनी, जन कि तेज बथौं चलण पर काचा तिमला डाळा बटि भ्वीं मा पोड़ि जनदिन।

गढवली नयो नियम

¹³ अर गैणा आसमान बट्टी धरती पर इन पुड़िनी जन बेडु का डाला बट्टी काचा फल पुडदींनि, जब बड़ो भारी बथौं चलद।

दिब्य दरस 6:13 ပူးပေါင်းရင်းမြစ်များ

मत्ती 24:29

अर यीशु न चेलों कू इन भि बोलि, “यों सब मुसीबतों का तुरन्त बाद सूरज अन्धेरु ह्‍वे जालु, अर चाँद भि अपणु उज्याळु देण बन्द कैरी दयालु, अर गैंणा आसमान बटि धरती मा पोड़ि जाला, अर आसमान की सब शक्‍तियाँ इनै-उनै ह्‍वे जालि।

मरकुस 13:25

अर आसमान का गैंणा मूड़ी पोड़ि जाला, अर जु कुछ भि आसमान मा च वु सब कुछ इनै-उनै ह्‍वे जालु।

लूका 21:25

“अर तुमतै सूरज, चाँद अर गैंणो मा चिन्‍न दिख्याला, अर धरती पर देस-देस का लोगु पर संकट आलु, इख तक की वु समुन्दर की लैरों की आवाजळ भि घबरै जाला।

दिब्य दरस 9:1

अर जब पांचु स्वर्गदूत न बिगुला बजै, त मिन एक गैंणो देखि जु की स्वर्ग बटि धरती पर पोड़ि, अर वेतैं अधलोक की चाबी दिये गै।