दिब्य दरस 4:4 - Garhwali

⁴ अर वीं राजगद्‍दी का चौतरफि चौबीस राजगद्‍दीयां और भि छै। अर यों राजगद्‍दियों पर मिन चौबीस अध्यक्षों तैं बैठयूं देखि, जौं का सफेद कपड़ा पैरयां छा अर ऊंका मुण्ड़ो पर सोना का मुकुट रख्यां छा।

गढवली नयो नियम

⁴ चौबीस सिंहासन वे तैं घेरी के छा; अर यूं सिंहासनों पर चौबीस दाना-सयाणा सफेद कपड़ा पैरी के बैठयां छा, अर ऊंका मुंड पर सोना का मुकुट छा।

दिब्य दरस 4:4 ပူးပေါင်းရင်းမြစ်များ

मत्ती 19:28

यीशु न ऊंकू बोलि, “मि तुम बटि सच्‍चि बोन्‍नु छौं, कि जब परमेस्वर नयू राज्य बणालु, वे बगत मनखि को पुत्र जु कि अपणा आदर-सम्मान की राजगद्‍दी पर बैठलु, अर तुम जु मेरा पिछनै चलणा छाँ, वे बगत पर तुम बारह राजगद्‍दियों पर बैठि के इस्राएल का बारह गोत्रों को न्याय करिल्या।

लूका 22:30

ताकि तुम मेरा राज्य मा मेरा भोज तैं खा-प्या, अर राजगद्‍दियों पर बैठि के इस्राएल का बारह गोत्रों को न्याय कैरा।”

2 तीमुथियुस 4:8

अर अब जीत को इनाम मि खुणि रख्युं च, अर वु इनाम परमेस्वर की नजर मा धरमी जीवन जीण वळो तैं मिलदु, जु कि स्वर्ग मा च। अर जब हमरु धरमी प्रभु न्याय करणु खुणि आलु, त उ मितैं इनाम का तौर पर जीत को मुकुट द्‍यालु अर सिरफ मितैं ही ना, बल्किन मा ऊं लोगु तैं भि द्‍यालु जु वेका इंतजार बड़ी आस लगै के कना छिन।

दिब्य दरस 11:16

अर चौबीस अध्यक्षों न जु की परमेस्वर का समणि अपणी-अपणी राजगद्‍दियों पर बैठयां छा, ऊंन भ्वीं मा पोड़ि के परमेस्वर की भक्‍ति कैरी।

दिब्य दरस 14:3

अर वु राजगद्‍दी का समणि, अर चार ज्यून्द पराणों अर अध्यक्षों का समणि एक नयू गीत गाणा छा। अर एक लाख चवालीस हजार लोग का अलावा कुई भि वे गीत तैं नि सिखी सकदु, अर यू वु लोग छिन जौं तैं यीशु न अपणु बलिदान देके खरीदयाली।

दिब्य दरस 19:14

अर स्वर्ग की सेना वेका पिछनै-पिछनै चमकिला सफेद मखमल का कपड़ा पैरि के अर सफेद घोड़ो पर सवार ह्‍वेके औणी च।

दिब्य दरस 19:4

तब मिन देखि, कि स्वर्ग मा पिता परमेस्वर राजगद्‍दी पर बैठयूं च, अर चौबीस अध्यक्षों न अर चार ज्यून्दा पराणों न भ्वीं मा पोड़ि के वेकी भक्‍ति कैरिके बोलि, “आमीन, हाल्‍लेलूय्याह।”

दिब्य दरस 2:10

अर सुणा, जु दुख-तकलीफ तुम पर औणिन ऊं बातों से नि डौऽरा, किलैकि शैतान तुम मा बटि कुछ लोगु तैं जेलखाना मा डलवै द्‍यालु, ताकि तुम पूरि तरौं से परखै जा। अर दस दिनों तक तुमतै भौत पीड़ा दिये जालि, मगर अपणी आखिरी सांस तक तुम भरोसेमन्द बणयां रयां, अर मि तुमतै जीवन को मुकुट द्‍यूलु।

दिब्य दरस 20:4

तब मिन राजगद्‍दी देखि अर ऊं लोग की आत्माओं तैं भि देखि जु कि राजगद्‍दी पर बैठयां छा, जौं का मुण्ड़ यीशु की गवै देण अर परमेस्वर का वचन तैं बतौण की वजै से कटै गै छौ। अर यू वु आत्मा छिन जौं तैं परमेस्वर न न्याय करण को अधिकार दिनी। अर यों न नऽ त दैंत की, अर ना ही वेकी मूरत की पूजा कैरी, अर ना ही अपणा माथा या हाथ पर वेकी मोर लगवै, वु सब ज्यून्दा ह्‍वे गैनी, अर ऊंन राजा बणि के मसीह का दगड़ा मा एक हजार साल तक राज कैरी।

दिब्य दरस 3:18

इलै मि तुमतै इन सला देन्दु कि तुम मि बटि वु सोना खरीदी ल्या जैतैं आग मा तपै के शुद्ध कर्युं च, ताकि तुम सेठ बणि जा अर सफेद कपड़ा भि ले ल्या, ताकि वेतैं पैरि के तुम नंगि नि दिख्या अर तुमतै सरम नि अऽ। अर अपणी आंख्यों मा लगौणु खुणि सुरमा ले ल्या, ताकि तुम दिखण लगि जा।

दिब्य दरस 4:10

तब ऊ चौबीस अध्यक्ष राजगद्‍दी पर बैठण वळा का समणि भ्वीं मा पोड़ि के वेकी भक्‍ति करदिन, जु कि हमेसा-हमेसा तक ज्यून्द च। अर अपणा-अपणा मुकुट तैं निकळि के वेकी राजगद्‍दी का समणि रखदिन अर इन बुल्दिन कि,

दिब्य दरस 4:6

अर वीं राजगद्‍दी का समणि काँच का जन एक समुन्दर छौ। अर राजगद्‍दी का चौतरफि चार ज्यून्दा पराण जौं का अगनै-पिछनै आंखा ही आंखा छा।

दिब्य दरस 5:11

तब मिन भौत स्वर्गदूतों की आवाज सुणी, जौं तैं गिणै नि जै सकदु, लाखों अर करोड़ो स्वर्गदूत। यू स्वर्गदूत राजगद्‍दी का अर चार ज्यून्दा पराणों, अर ऊं अध्यक्षों का चौतरफि खड़ा होयां छा।

दिब्य दरस 5:14

तब ऊं चार ज्यून्दा पराणों न इन बोलि, “आमीन” अर ऊ अध्यक्षों न भ्वीं मा पोड़ि के ऊं दुईयों की भक्‍ति कैरी।

दिब्य दरस 5:6

अर मिन वीं राजगद्‍दी अर ऊं चार ज्यून्दा पराणों अर ऊं अध्यक्षों का बीच मा एक मेम्‍ना तैं देखि, अर उ इन दिखैणु छौ जन कि वेतैं बलिदान कर्युं हो। वेका सात सींग अर सात आंखा छा अर जु की परमेस्वर की सात आत्मा छिन जौं तैं धरती पर भेजि गै।

दिब्य दरस 5:8

अर जब वेन वु ले, त चार ज्यून्द पराण अर चौबीस अध्यक्ष मेम्‍ना का समणि भ्वीं मा पोड़ि गैनी। अर हर अध्यक्ष का हाथ मा बीणा अर सोना का कटोरा छा, जु कि धूबत्ती से भोर्यां छा जैको मतलब बिस्वासी लोगु की प्रार्थना से च।

दिब्य दरस 6:11

अर ऊंमा बटि हरेक तैं एक सफेद चोळा दिये गै। अर ऊंतैं कुछ देर तक रुकणु कू बुलै गै, जब तक कि ऊंका ही जन दुसरा बिस्वासी भैयों अर सेवकों की गिनती पूरि नि ह्‍वे जौ, जौं की हत्या ऊंकी ही तरौं किये गै।

दिब्य दरस 7:11

अर राजगद्‍दी का चौतरफि सब स्वर्गदूत, अध्यक्ष अर चरी पराण खड़ा होयां छा, अर ऊंन राजगद्‍दी का समणि भ्वीं मा पोड़ि के पिता परमेस्वर की भक्‍ति कैरिके बोलि कि,

दिब्य दरस 7:9

अर येका बाद मिन भौत सा लोगु तैं देखि, जौं तैं गिणै नि जै सकदु। अर वु अलग-अलग देसों, गोत्रों अर जातियों का छा जु कि अलग-अलग भाषा बुल्दिन। अर ऊंका सफेद कपड़ा पैरयां छा अर अपणा हाथों मा खजूर का फौंकों तैं लेके राजगद्‍दी अर मेम्‍ना का समणि खड़ा होयां छा,

दिब्य दरस 9:7

अर टिड़ियों को रुप लड़ै खुणि तयार कियां घोड़ो की तरौं छौ। अर ऊंका मुण्ड़ो मा सोना का मुकुटो की तरौं कुछ छौ, अर ऊंका मुख आदमियों की तरौं छा।