दिब्य दरस 3:18 - Garhwali

¹⁸ इलै मि तुमतै इन सला देन्दु कि तुम मि बटि वु सोना खरीदी ल्या जैतैं आग मा तपै के शुद्ध कर्युं च, ताकि तुम सेठ बणि जा अर सफेद कपड़ा भि ले ल्या, ताकि वेतैं पैरि के तुम नंगि नि दिख्या अर तुमतै सरम नि अऽ। अर अपणी आंख्यों मा लगौणु खुणि सुरमा ले ल्या, ताकि तुम दिखण लगि जा।

गढवली नयो नियम

¹⁸ इलै, मि त्वे तैं आग बट्टी शुद्ध करयां सोना तैं मि बट्टी खरीदण की सलाह दींदु कि तू हकीकत मा धनवान बण साक। त्वे तैं अपड़ा पैनणु कु अपड़ा सफेद कपड़ा भि मि बट्टी खरीदण चयणा छिनी कि तू लुखुं का द्वारा नंगो दिख्योणै की शर्मिंदगी ल बच साक। त्वे तैं अपड़ी आँखों मा डलणु कु थोड़ा काजल भि मि बट्टी खरीदण चयणु च, कि तू देख साक।

दिब्य दरस 3:18 ပူးပေါင်းရင်းမြစ်များ

मत्ती 13:44

अर यीशु न ऊंकू इन भि बोलि, “परमेस्वर को राज कै पुंगड़ा मा छिप्यां एक खजाना का जन च, जु कि कै मनखि तैं मिली अर वेन वेतैं फिर उखि छिपै दिनी। तब वेतैं इथगा बड़ी खुशी ह्‍वे कि वेन अपणु सब कुछ बेचि दिनी, अर वे पुंगड़ा तैं खरीदी दिनी।”

मत्ती 25:9

पर समझदार कुंवारियों न ऊंकू बोलि, ‘अगर जु हम तुमतै यू तेल दे द्‍यूला, तब नऽ त ये तेल न हम कू पूरु होण अर ना ही तुमकु, इलै तुम तेल बिकौण वळो मा जा अर खरीदी के ले ल्या।’

लूका 12:21

तब यीशु न ऊंतैं बतै कि, “इन्‍नि वु मनखि भि च जु अफु खुणि इकट्‍ठा करदु, पर वु मनखि परमेस्वर की नजर मा सेठ नि च।”

2 कुरिन्थि 5:3

अर जब हम वे सरील तैं पै द्‍यूला, तब हमतै स्वर्ग वळा घौर से कुई भि अलग नि कैरी सकलु।

2 कुरिन्थि 8:9

अर तुम हमरा प्रभु यीशु मसीह की महान किरपा का बारा मा जणदा ही छाँ, कि स्वर्ग मा वेका पास सब कुछ छौ मगर हम मनखियों तैं फैदा पौछाण का खातिर उ गरीब बणि गै, ताकि हम वेका द्‍वारा हर बात मा सेठ बणि जा।

याकूब 2:5

हे मेरा प्यारा भै-बैंणो, सुणा, दुनियां का लोगु की नजर मा जु गरीब छिन, ऊंतैं परमेस्वर न चुणी। ताकि ऊ बिस्वास मा भरपूर ह्‍वे जा, अर परमेस्वर बटि प्यार करण वळो तैं जै राज को हकदार होणो को करार वेन कैरी, वेका हकदार वु बणि जा।

1 पतरस 1:7

अर जन सोना तैं परखणु खुणि आग की जरुरत होन्दी ताकि उ खरु बणौ, ठिक उन्‍नि तुमरा जीवनों मा अजमैस इलै औन्दी, ताकि तुम बिस्वास मा परखै जा अर खरा निकळि सैका। पर हे मेरा दगड़्यों, मि तुमतै बतै देन्दु, कि तुमरो बिस्वास त खतम ह्‍वे जाण वळा सोना से भि भौत जादा कीमती च। इलै जब तुम अजमैसों मा बटि निकळि के मजबूत होनद्‍यां, त यीशु मसीह का औण का बगत मा तुमतै पूरि तारीफ, बडै अर पूरु आदर जरुर मिललु।

दिब्य दरस 16:15

तब मिन यीशु तैं इन बुल्द सुणी कि, “सुणा, मि अचानक एक चोर की तरौं औणु छौं, धन्य च उ जु चौकस रौन्दु, अर अपणा कपड़ों की हिफाजत करदु, अर वेतैं इनै-उनै नंगि नि घूमण पोड़लु, अर ना ही उ सरम मैसूस करलु।”

दिब्य दरस 19:8

अर ब्यौलि तैं यू अधिकार दिये गै कि वा चमकदार, साफ अर अच्छु मखमल पैरि के खुद तैं सजौ।” (अर मखमल पैनण को मतलब इन च कि परमेस्वर अपणा लोगु का भलै का कामों से खुश च)।

दिब्य दरस 2:9

“मि तुमरा कष्‍ट अर कंगाली का बारा मा जणदु छौं (पर मेरी नजर मा तुम सेठ छाँ), अर जु लोग खुद तैं यहूदी मणदिन (पर ऊ छैई नि छिन, ऊ त शैतान की पूजा करदिन), ऊ तुमरि बदनामी करदिन यू भि मि जणदु छौं।

दिब्य दरस 3:17

किलैकि तुम बुल्द्‍यां कि, मि सेठ छौं अर अपणी कोसिस से मिन भौत दौलत हासिल कैरियाली, अर अब मितैं कैं भि चीज कि जरुरत नि च, मगर तुम इन नि जणद्‍यां कि तुम लाचार, अर बदकिस्मत छाँ अर भौत गरीब, अन्धु अर नंगा छाँ।

दिब्य दरस 4:4

अर वीं राजगद्‍दी का चौतरफि चौबीस राजगद्‍दीयां और भि छै। अर यों राजगद्‍दियों पर मिन चौबीस अध्यक्षों तैं बैठयूं देखि, जौं का सफेद कपड़ा पैरयां छा अर ऊंका मुण्ड़ो पर सोना का मुकुट रख्यां छा।

दिब्य दरस 7:13

तब एक अध्यक्ष मा बटि एक न मिसे पूछी, “यू सफेद कपड़ा पैरयां लोग कु छिन, अर इख कख बटि ऐनी?”