दिब्य दरस 22:5 - Garhwali

⁵ फिर उख कभि भि रात नि होलि अर ना ही ऊंतैं सूरज या द्‍यू का उज्याळा की जरुरत होलि, किलैकि प्रभु परमेस्वर खुद ऊंको उज्याळु होलु, अर ऊ हमेसा-हमेसा तक राज करला।

गढवली नयो नियम

⁵ अर फिर कभी रात नि होली, अर जु लोग उख रौन्दींनि, ऊं तैं अपड़ा रस्ता मा उज्यलो कनु कु दिवड़ै की कुई जरूरत नि च। न ही ऊं तैं उज्यलो दींण कु सूरज की जरूरत च। किलैकि पिता परमेश्वर ही च जु लुखुं तैं उज्यलो दींद। अर यु लोग जु उख रौदींनि उ हमेशा कु राज्य करदींनि।

दिब्य दरस 22:5 ပူးပေါင်းရင်းမြစ်များ

मत्ती 19:28

यीशु न ऊंकू बोलि, “मि तुम बटि सच्‍चि बोन्‍नु छौं, कि जब परमेस्वर नयू राज्य बणालु, वे बगत मनखि को पुत्र जु कि अपणा आदर-सम्मान की राजगद्‍दी पर बैठलु, अर तुम जु मेरा पिछनै चलणा छाँ, वे बगत पर तुम बारह राजगद्‍दियों पर बैठि के इस्राएल का बारह गोत्रों को न्याय करिल्या।

मत्ती 25:34

तब राजा अपणा दैंणी तरफा वळो कू बोललु, ‘मेरा पिता बटि आसीस पौण वळो, आ, अर वे राज्य का अधिकारी ह्‍वे जा, जु दुनियां की शुरुवात बटि तुम खुणि तयार कैरिके रख्युं च।

मत्ती 25:46

तब अधरमी लोगु तैं सदनि को दण्ड मिललु, मगर धरमी लोग सदनि का जीवन मा जाला।”

रोमियों 5:17

अर या बात सच्‍च च कि एक मनखि का अपराध का द्‍वारा मौत सब लोगु पर राज करण लगि गै। मगर वु लोग जु पिता परमेस्वर की भरपूर किरपा से वेका समणि सच्‍चु होण का दान तैं अपणा जीवन मा स्वीकार करदिन, ऊ लोग यीशु मसीह का द्‍वारा जीवन तैं पाला, अर वेका द्‍वारा राज भि करला।

2 तीमुथियुस 2:12

अर अगर जु हम यीशु मसीह का दगड़ा मा सबर रखी के दुख उठाणा रौला, त वेका दगड़ा मा राज भि करुला। अर अगर जु हम वेतैं स्वीकार नि करुला, त उ भि हमतै स्वीकार नि करलु।

दिब्य दरस 11:15

अर जब सातवां स्वर्गदूत न बिगुला बजै, त स्वर्ग बटि तेज आवाज ऐ अर वींन इन बोलि कि, “दुनियां पर राज करण को अधिकार अब हमरा परमेस्वर अर वेका मसीह को ह्‍वे गै। अर उ हमेसा-हमेसा तक राज करला।”

दिब्य दरस 18:23

अर ना ही त्वेमा फिर कभि द्‍यू को उज्याळु चमकळु, अर ना ही त्वेमा ब्यौला अर ब्यौलि की आवाज सुण्यालि। अर यू सब इलै होलु किलैकि तेरा दगड़ा मा व्यापार करण वळा धरती का परधान छा, अर तेरा जादु का द्‍वारा सब जाति का लोगु तैं भरमै गै छौ।

दिब्य दरस 20:4

तब मिन राजगद्‍दी देखि अर ऊं लोग की आत्माओं तैं भि देखि जु कि राजगद्‍दी पर बैठयां छा, जौं का मुण्ड़ यीशु की गवै देण अर परमेस्वर का वचन तैं बतौण की वजै से कटै गै छौ। अर यू वु आत्मा छिन जौं तैं परमेस्वर न न्याय करण को अधिकार दिनी। अर यों न नऽ त दैंत की, अर ना ही वेकी मूरत की पूजा कैरी, अर ना ही अपणा माथा या हाथ पर वेकी मोर लगवै, वु सब ज्यून्दा ह्‍वे गैनी, अर ऊंन राजा बणि के मसीह का दगड़ा मा एक हजार साल तक राज कैरी।

दिब्य दरस 21:11

जु कि परमेस्वर की दिब्य चमक से चमकणु छौ। वेकी चमक भौत मैंगा हीरा की तरौं, अर सूर्यकान्त मणि की तरौं चमकीली छै।

दिब्य दरस 3:21

“जु जीत हासिल करलु, वेतैं मि अफ दगड़ा राजगद्‍दी पर बिठौलु, ठिक जन मिन जीत हासिल कैरी अर मेरा पिता न मितैं अपणी राजगद्‍दी पर बैठे।