दिब्य दरस 22:2 - Garhwali

² अर या गाड वे नगर का बाटा का बीचों-बीच बुगणी छै। अर गाड का दुई छालों पर जीवन का डाळा लग्यां छा, जौं पर बारामास बारह किसम का फल लगदिन। अर यों डाळों का पत्ता देस मा रौण वळा लोगु का रोग दूर करणु खुणि छिन, अर ऊंका फल जीवन देणु खुणि छिन।

गढवली नयो नियम

² गाड वे शहर की सड़क का बीचों-बीच बुगदी, अर पांणी का कै भि छाला पर जीवन दींणवला डालों तैं देखै जा सकद। अर हर मैना यु अलग-अलग किस्म का फलों तैं दींदिनि अर येका पत्ता इन दवै कु काम करदींनि जु धरती का जातियों का लुखुं तैं ठिक कैर सकदींनि।

दिब्य दरस 22:2 ပူးပေါင်းရင်းမြစ်များ

लूका 4:18

“प्रभु की आत्मा मि मा च, किलैकि वेन गरीबों तैं शुभ समाचार सुनाणु कू मितैं चुण्यूं च। अर बन्धियों तैं छुटकारा का बारा मा, अर अन्धों तैं फिर से दिखण का बारा मा परचार करणु खुणि, अर सतयां लोगु तैं छुटकारा देणु खुणि वेन मितैं भेजि च।

1 पतरस 2:24

अर यीशु न हमरा सब पापों तैं अपणा सरील मा ले अर क्रूस कि मौत तैं सै, ताकि हम अपणा पापों खुणि मोरि जां, अर परमेस्वर की नजर मा अच्छा कामों खुणि जीवन ज्या। अर वेका मार खाण से ही तुम खूब होयां।

दिब्य दरस 2:7

“कन्दूड़ खोली के सुणी ल्या अर ईं बात तैं समझा कि पवित्र आत्मा बिस्वासी समुदाय का लोगु खुणि क्या च बोन्‍नु, जु जीत हासिल करलु, मि वेतैं जीवन देण वळा डाळा को फल खाणु कू द्‍यूलु, जु कि स्वर्ग मा परमेस्वर का पास च।”

दिब्य दरस 21:21

अर बारह गेट बारह मोतियों का बणयां छा, हरेक गेट एक-एक मोति को बणयूं छौ। अर नगर की सड़क साफ काँच की तरौं शुद्ध सोना की बणि छै।

दिब्य दरस 21:24

अर सब जाति का लोग वे नगर का उज्याळा मा चलला अर धरती का राजा अपणी धन-दौलत मा बटि वेमा लेके आला।

दिब्य दरस 22:1

अर वेका बाद वे स्वर्गदूत न मितैं जीवन देण वळी गाड दिखै, ज्वा की साफ काँच की तरौं छै, अर या गाड परमेस्वर अर यीशु की राजगद्‍दी बटि निकळि के बुगणी छै।

दिब्य दरस 22:14

धन्य छिन ऊ, जौन अपणा कपड़ा धुईन, अब ऊंका पास जीवन का डाळा को फल खाणु को अर गेट से नया यरूशलेम नगर मा दाखिल होण को अधिकार च।

दिब्य दरस 22:19

अर ठिक इन्‍नि अगर कुई भविष्यबाणियों की ईं किताब मा बटि कुछ हटालु, त परमेस्वर वेतैं सदनि को जीवन देण वळा डाळा मा बटि नि खाण द्‍यालु, अर ना ही अपणा पवित्र नगर मा दाखिल होण द्‍यालु।