दिब्य दरस 22:18 - Garhwali

¹⁸ अर मि ईं किताब मा लिखी भविष्यबाणियों तैं सुनण वळा हरेक तैं इन चितै देन्दु कि अगर कुई यां मा कुछ भि जुड़दु, त यां मा लिखी पीड़ा परमेस्वर वे पर डललु।

गढवली नयो नियम

¹⁸ मि यूहन्ना, हर वे आदिम तैं चितांणु छो जु ईं किताब की भविष्यवाणी की बातों तैं सुणद जु अभि हूंणी छिनी अर भविष्य मा होली, जु ईं किताब मा लिख्युं छिनी जु कुई भि यु संदेश मा कुछ भि बढांद, त परमेश्वर ऊंको दण्ड तैं बढ़ै दयालो। परमेश्वर ऊं विपत्तियों बट्टी वे तैं मरलो ज्यांको जिक्र मिल ईं किताब (चाम्रपत्र) मा कैरी।

दिब्य दरस 22:18 ပူးပေါင်းရင်းမြစ်များ

मत्ती 15:13

वेन जबाब दिनी, “हरेक उ पौधा जु स्वर्ग मा रौण वळा मेरा पिता न नि लगै, वेतैं उखाड़ दिये जालु।

इफिसुस 4:17

इलै प्रभु का नौ से मि तुमतै हुकम देके बुल्दु, कि तुम ईं दुनियां का लोगु का जन नि बणा, जु की अपणा मनों तैं बेमतलब की बातों पर लगौन्दिन, अर वेका मुताबिक चलदिन।

1 थिस्सलुनीकी 4:6

इलै तुम मा बटि कुई भि कै बिस्वासी भै या बैंण तैं, अपणी बातों मा फंसै के गळत सम्बन्ध रखण को पाप नि कैरो। किलैकि हमुन तुमतै पैलि ही चितैयाली छौ, कि जु कुई भि इन पाप करदु उ प्रभु बटि दण्ड पालु।

दिब्य दरस 1:3

धन्य च उ जु ईं भविष्यबाणी का वचनों तैं पढदु, अर धन्य छिन वु लोग भि जु यों वचनों तैं सुणदिन, अर या मा लिखीं बातों को पालन करदिन, किलैकि यू सब बात पूरि होण वळी छिन।

दिब्य दरस 15:1

फिर मिन स्वर्ग मा एक और बड़ु अदभुत चिन्‍न देखि की सात स्वर्गदूत छा, जौं का पास सात विपदा छै। अर यू आखिरी विपदा छै, अर येका दगड़ा-दगड़ि परमेस्वर को परकोप पूरु ह्‍वे जान्दु।

दिब्य दरस 15:6

अर सात स्वर्गदूत जौं का पास सात विपदा छै मन्दिर बटि भैर ऐनी। अर ऊंन मखमल का साफ अर चमकिला कपड़ा पैरयां छा, अर ऊंकी छति पर सोना का पठुगा बन्धयां छा।

दिब्य दरस 19:20

तब दैंत पकड़ै गै, अर वेका दगड़ा-दगड़ि झूठ्‍ठु रैबर्या भि पकड़ै गै जु की दैंत का द्‍वारा चमत्कार दिखै के लोगु तैं भरमै देन्दु छौ। अर यू वु लोग छा जु कि मूरत की पूजा करदा छा अर ऊं पर दैंत की मोर लगीं छै, तब यों दुईयों तैं ज्यून्द ही वीं आग की झील मा डळै गै, ज्वा कि गंधक से जगणी रौन्दी।

दिब्य दरस 20:10

तब शैतान तैं जैन ऊं लोगु तैं भरमै छौ परमेस्वर का द्‍वारा वीं आग अर गंधक का कुण्ड मा डळै गै, जख दैंत अर झूठ्‍ठा रैबर्या तैं डळै गै छौ। अर उख ऊ दिन-रात हमेसा-हमेसा खुणि पीड़ा मा तड़पणा राला।

दिब्य दरस 20:15

अर जै-जै को नौ जीवन की किताब मा लिख्यूं नि मिली, ऊ भि वीं आग का कुण्ड मा डळै गैनी।

दिब्य दरस 22:10

तब वेन मिकू बोलि, “ईं किताब मा लिखीं भविष्यबाणी की बातों तैं नि छिपौ, किलैकि ऊंको पूरु होण को बगत नजदीक ऐ गै।

दिब्य दरस 22:16

“मि यीशु छौं, अर यू सब बात तुमतै बतौणु खुणि मिन अपणु स्वर्गदूत भेजि, ताकि बिस्वासी समुदाय का लोगु को भलु हो। मि राजा दाऊद का वंश मदि छौं, अर सुबेर को चमकण वळु गैंणो भि मि ही छौं जु कि एक नया दिन को चिन्‍न च।”

दिब्य दरस 22:7

“तब यीशु न मिकू बोलि कि, ‘देखा, मि जल्द औण वळु छौं। धन्य च उ, जु ईं किताब मा लिखी भविष्यबाणी का वचनों तैं मणदु च।’”

दिब्य दरस 22:9

मगर वे स्वर्गदूत न मिकू बोलि, “यूहन्‍ना इन नि कैर, किलैकि मि भि तेरी तरौं एक सेवक छौं। अर ठिक उन्‍नि दुसरा बिस्वासी भै-बैंणो अर जु लोग रैबर्या छिन ऊंकी ही तरौं छौं जु कि ईं किताब मा लिखीं बातों का मुताबिक चलदिन, इलै केवल परमेस्वर की ही भक्‍ति कैर।”

दिब्य दरस 3:14

यीशु न मिकू इन भि बोलि कि, “लौदीकिया नगर मा रौण वळा बिस्वासी समुदाय का दूत खुणि इन लिख कि: “यीशु जु कि आमीन अर वफादार अर सच्‍चु गवा च, अर जैका द्‍वारा पिता परमेस्वर न सब कुछ बणै उ इन बुल्दु कि: