दिब्य दरस 22:15 - Garhwali

¹⁵ मगर नीच काम करण वळा, जादु-टोंणा करण वळा अर गळत सम्बन्ध रखण वळा, हत्या अर मूरत की पूजा करण वळा, अर झूठ्‍ठ बुलण वळा सब नगर से भैर ही राला।

गढवली नयो नियम

¹⁵ पर उ जु बुरा काम करदींनि, टूणा, व्यभिचारी, हत्यारा, मूर्ति पुजण वला, हर एक झूठ तैं चांण वला अर उ जु झूठ बुल्दींनि, उ कभी भि शहर मा प्रवेश नि कैर सकदींनि।

दिब्य दरस 22:15 ပူးပေါင်းရင်းမြစ်များ

मत्ती 7:6

“अर जु चीज पवित्र छिन, ऊंतैं कुकरों तैं नि द्‍या, अर ना ही अपणा मोति सुंगरों का अगनै डाला, कखि इन नि हो की वु ऊंतैं अपणा खुटों का तौळ दबै द्‍या, अर पिछनै मुड़ि के तुमतै फाड़ी द्‍या अर टुकड़ा-टुकड़ा कैरी द्‍या।”

मत्ती 8:12

मगर जु लोग राज का असली हकदार छा ऊंतैं भैर अन्धेरा मा डळै जालु। अर उख त सिरफ रुंण अर दांतों तैं कड़गिटाण होलु।

यूहन्ना 8:46

तुम मा बटि इन कु च जु मितैं पापि ठैरै सकदु? मि जु सच्‍च बोन्‍नु छौं, त तुम मेरु बिस्वास किलै नि करद्‍यां?

खास चेलों 8:11

अर येन भौत दिनों बटि लोगु तैं अपणा जादु-टोंणा का द्‍वारा ताजुब मा डलयुं छौ, इलै सब लोग वेतैं भौत मणदा छा।

फिलिप्पी 3:2

अर बुरा काम करण वळा ऊं लोगु बटि बचि के रा, जु कि खतरनाक कुकरों का जन छिन, किलैकि वु लोग इन बुल्दिन कि तुमतै खतना का रिवाज तैं पूरु करौण चयेणु।

कुलुसी 3:6

अर यों ही बातों की वजै से पिता परमेस्वर को परकोप लोगु पर पोड़दु।

1 तीमुथियुस 1:10

अर जु लोग दुसरो का दगड़ा मा सरील का गळत सम्बन्ध रखदिन, जन कि एक बैख दुसरा बैख का दगड़ा मा अर ठिक उन्‍नि एक जनानि दुसरि जनानि का दगड़ा मा सरील का सम्बन्ध रखदी हो, अर जु गुलाम लोगु तैं बिकौण को काम करदिन, झूठ्‍ठ बुल्दिन अर झूठ्‍ठी कसम खनदिन, अर जु लोग सच्‍चा उपदेस का विरोध मा जाळसाजि बणौन्दिन, इन्द्रया लोगु खुणि परमेस्वर का रैबर्या मूसा का द्‍वारा नियम-कानून दियूं च।

दिब्य दरस 18:23

अर ना ही त्वेमा फिर कभि द्‍यू को उज्याळु चमकळु, अर ना ही त्वेमा ब्यौला अर ब्यौलि की आवाज सुण्यालि। अर यू सब इलै होलु किलैकि तेरा दगड़ा मा व्यापार करण वळा धरती का परधान छा, अर तेरा जादु का द्‍वारा सब जाति का लोगु तैं भरमै गै छौ।

दिब्य दरस 21:27

अर कुई भि अशुद्ध चीज, अर ना ही कुई इन्द्रयो मनखि जु कि इन्द्रया काम करदु हो ज्यां से की घिण अऽ, या झूठ्‍ठ बुल्दु हो इन्द्रया लोग वेमा कभि दाखिल नि ह्‍वे सकला। मगर जौं को नौ जीवन की किताब मा लिख्यां छिन उई लोग वेमा दाखिल होला, अर या किताब यीशु मसीह की च जु कि मेम्‍ना की तरौं बलिदान ह्‍वे गै।

दिब्य दरस 21:8

मगर डऽरपोक अर जु बिस्वास नि करदिन, अर अशुद्ध अर जु घिण वळा काम करदिन, अर कत्ल करण वळा, अर गळत सम्बन्ध बणौण वळा छिन, अर जु लोग जादु-टोंणा अर मूरत पूजा करदिन, अर सब झूठ्‍ठ बोन्‍न वळा लोगु को हिस्सा वीं आग मा होलु, ज्वा की गंधक से जगणी रौन्दी। अर या ही दुसरि मौत च।”