दिब्य दरस 22:11 - Garhwali

¹¹ अर जु अन्यो करदु, वु भले ही अन्यो कनु रौ, अर जैको चाल-चलन ठिक नि च वु भले ही गन्दा काम करण मा लग्यूं रौ, मगर जु मनखि परमेस्वर की नजर मा धरमी च उ भलै का काम करण पर लग्यूं रौ, अर जु पवित्र च उ पवित्र बणयूं रौ।”

गढवली नयो नियम

¹¹ “जु कुई भि बुरा अर घिनौना काम तैं करद, ऊं तैं बुरा अर घिनौना कामों तैं कन द्या इन कै ही जु कुई भि अच्छा अर पवित्र काम करद, ऊं तैं ऊंका अच्छा अर पवित्र कामों तैं कन द्या।”

दिब्य दरस 22:11 ပူးပေါင်းရင်းမြစ်များ

मत्ती 15:14

अरे, ऊंतैं जाण द्‍या। ऊ खुद त अन्धा छिन, अर दुसरो तैं बाटु बतौन्दिन। अगर एक अन्धु दुसरा अन्धा तैं बाटु दिखालु, त दुईया का दुई खडोळुन्द पोड़ि जाला।”

मत्ती 21:19

अर वेकी नजर बाटा का किनरा एक तिमला का डाळा पर पोड़ि अर उ वेका नजदीक गै, मगर वेतैं पत्तों का अलावा वे पर एक भि तिमलु नि मिली। तब यीशु न वे डाळा कू बोलि, “आज का बाद त्वे पर कभि फल नि लगा।” अर देखा, वु डाळु तुरन्त सूखि गै।

मत्ती 25:10

अर जब वु तेल लेणु कू जाणा ही छा, कि तबरि ब्यौला ऐ गै। अर सुणा, जु कुंवारियाँ तयार छै, ऊ ब्यौला का दगड़ा ब्यौ मा चलि गैनी, अर द्‍वार बन्द किये गै।

मत्ती 5:45

अर इन कैरिके तुम स्वर्ग मा रौण वळा अपणा पिता परमेस्वर की औलाद ह्‍वेल्या, किलैकि उ अच्छा अर बुरा, दुई किसम का लोगु पर सूरज को उज्याळु चमकान्दु, अर धरमी और अधरमी लोगु खुणि बरखा भि करदु।

मत्ती 5:6

“धन्य छिन ऊ, जु धरमी जीवन जीणु खुणि भूका अर प्यासा छिन, किलैकि ऊंकी तड़प पूरि किये जालि।

यूहन्ना 8:21

तब यीशु न फिर ऊंकू बोलि, “मि त जाणु छौं। अर तुम मितैं खुजैल्या अर अपणा पापों की बिना माफी पयां मोरि जैल्या। अर जख मि जाणु छौं, उख तुम नि ऐ सकद्‍यां।”

इफिसुस 5:27

अर ऊंतैं पूरि सान-सौकत से अपणा समणि खड़ु कैरो, जैमा कुई दाग नि हो, अर ना कुई झुरी अर ना ही कुई बुरै हो, अर उ पवित्र अर बेदाग हो।

कुलुसी 1:22

मगर यीशु मसीह न अपणा सरील मा जिं मौत तैं सै, वेका द्‍वारा पिता परमेस्वर न तुमरो मेल-जोल अफ दगड़ा मा कैरियाली। अर अब वु तुमतै अपणा समणि पवित्र अर बेदाग, अर बिना गळती को खड़ु होयुं दिखण चाणु च।

2 तीमुथियुस 3:13

पर दुष्‍ट अर धोखा देण वळा बिगड़दी जाला, अर वु दुसरो तैं धोखा द्‍याला अर खुद भि धोखा खाला।

यहूदा 1:24

अर पिता परमेस्वर ही च, जु कि उतेडु़ लगण पर तुमरि हिफाजत कैरी सकदु, अर अपणा आदर-सम्मान मा तुमतै अपणा समणि बेदाग अर बड़ा आनन्द से खड़ु भि कैरी सकदु।

दिब्य दरस 16:21

अर आसमान बटि एक-एक दुण बराबर ढांडो लोगु पर पोड़ि, अर ईं विपदा की वजै से लोगु न परमेस्वर की बेजती कैरी, किलैकि या विपदा मनखियों का सौण से भैर छै।

दिब्य दरस 22:3

फिर उख कै पर भि असगार नि लग्यूं होलु, अर ये नगर मा परमेस्वर अर यीशु की राजगद्‍दी होलि, अर परमेस्वर का सेवक वेकी भक्‍ति करला।