दिब्य दरस 21:4 - Garhwali

⁴ अर परमेस्वर ऊंका आंख्यों का सब आंसुओं तैं फुंजी द्‍यालु, फिर नऽ त मौत रैलि, ना शोक, नऽ रुंण-धुण अर ना ही कुई पीड़ा, किलैकि जु बात पैलि छै अब वु सब खतम ह्‍वे जालि।”

गढवली नयो नियम

⁴ अर पिता परमेश्वर ऊंकी आँखों बट्टी सभि आँसूओं तैं फूंजी दयालो; अर कुई भि आदिम कभी भि दुःख महसूस नि करलो या रूलो न, किलैकि पुरणी दुनिया अब अस्तित्व मा नि च।”

दिब्य दरस 21:4 ပူးပေါင်းရင်းမြစ်များ

मत्ती 24:35

आसमान अर धरती को नास ह्‍वे जालु, मगर मेरी बुलिं बात कभि नि टळळि।”

1 कुरिन्थि 15:26

अर सबसे आखिरी मा जै दुसमन को नास किये जाण वा मौत च।

1 कुरिन्थि 7:31

अर जु कुई ईं दुनियां मा अपणु जीवन बसर करणु च वेतैं अपणु पूरु ध्यान दुनियां की चीजों की तरफा ना, बल्किन मा परमेस्वर की सेवा की तरफा लगौण चयेणु, किलैकि ईं दुनियां को नास होण वळु च।

2 कुरिन्थि 5:17

इलै अगर कुई मनखि यीशु मसीह का दगड़ा मा एक ह्‍वेके रौणु च, त यां को मतलब यू च कि वेका सभौ मा सब कुछ नयू च। अर अब वेको जीवन जीण को तरीका पुरणा सभौ का जन नि च, बल्किन मा अब त सब कुछ नयू ही नयू च।

2 कुरिन्थि 6:17

अर परमेस्वर यू भि बुल्दु कि, “ऊंका बीच मा बटि भैर निकळा, अर खुद तैं ऊं से अलग कैरा, अर ऊं सब अशुद्ध चीजों से दूर रा, तब मि तुमतै अपणा पास रखलु।”

इब्रानी 12:27

यां को मतलब इन च कि पूरि दुनियां तैं हिल्ये जालु अर सब कुछ इनै-उनै ह्‍वे जालु अर बस वु चीज ही रै जालि जु कभि हिल्ये नि जै सकदी।

2 पतरस 3:10

मगर प्रभु को वु दिन एक चोर का जन अचानक से ऐ जालु, अर वे दिन आसमान बड़ी आवाज कैरिके नास ह्‍वे जालु। अर सब चीज बड़ी खतरनाक गरमी से गैळ जालि, धरती अर जु कुछ भि वेमा च वु सब कुछ खतम ह्‍वे जालु।

1 यूहन्ना 2:17

दुनियां अर वेकी बुरी इच्छा को नास ह्‍वे जाण, पर जु कुई परमेस्वर की इच्छा का मुताबिक चलदु वेको नास कभि नि होण।

दिब्य दरस 20:13

अर समुन्दर न अपणा मुरदो तैं खड़ु कैरी दिनी, अर जु अधलोक मा छा अर जु कबरुन्द रखै गैनी, ऊंन भि अपणा मुरदो तैं खड़ु कैरी दिनी, अर हरेक मनखि को न्याय ऊंका कामों का मुताबिक किये गै।

दिब्य दरस 20:14

अर येका बाद मौत अर अधलोक तैं भि आग का कुण्ड मा डळै गै अर या ही दुसरि मौत च।

दिब्य दरस 21:1

तब मिन एक नयू स्वर्ग अर एक नयी धरती देखि, अर पैलु आसमान अर पैलि धरती गैब ह्‍वे गै छै, अर समुन्दर भि नि रै।

दिब्य दरस 22:3

फिर उख कै पर भि असगार नि लग्यूं होलु, अर ये नगर मा परमेस्वर अर यीशु की राजगद्‍दी होलि, अर परमेस्वर का सेवक वेकी भक्‍ति करला।

दिब्य दरस 7:17

किलैकि मेम्‍ना जु की राजगद्‍दी का बीच मा च, उ ऊंको चरवाह होलु, अर ऊंतैं जीवन का छोया का पास लेके जालु। अर पिता परमेस्वर ऊंका आंख्यों बटि सब आंसुओं तैं फुंजी द्‍यालु।”