दिब्य दरस 21:27 - Garhwali

²⁷ अर कुई भि अशुद्ध चीज, अर ना ही कुई इन्द्रयो मनखि जु कि इन्द्रया काम करदु हो ज्यां से की घिण अऽ, या झूठ्‍ठ बुल्दु हो इन्द्रया लोग वेमा कभि दाखिल नि ह्‍वे सकला। मगर जौं को नौ जीवन की किताब मा लिख्यां छिन उई लोग वेमा दाखिल होला, अर या किताब यीशु मसीह की च जु कि मेम्‍ना की तरौं बलिदान ह्‍वे गै।

गढवली नयो नियम

²⁷ पर कुछ भि दुष्ट वे शहर मा प्रवेश नि करलो। कुई भि जु तुच्छ काम करद या जु झूठ बुल्द उख प्रवेश नि करलो। उख भस उ ही लोग प्रवेश कैर सकदींनि जैको नौं चिनखा की जीवन की किताब (चाम्रपत्र) मा लिख्युं च, इख उ किताब च जौं मा ऊं लुखुं का नौं छिनी जौं मा अनन्त जीवन च।

दिब्य दरस 21:27 ပူးပေါင်းရင်းမြစ်များ

मत्ती 13:41

अर वे बगत मनखि को पुत्र अपणा स्वर्गदूतों तैं भेजलु, अर वु वेका राज मा आला अर जु लोग दुसरा लोगु खुणि पाप करण की वजा बणदिन, अर ऊ सब लोग भि जु कि बुरा काम करदिन, स्वर्गदूत ऊं सब लोगु तैं इकट्‍ठा करला,

मरकुस 7:2

अर ऊंन देखि कि यीशु का कुछ चेला बगैर हाथ धुयां याने कि अशुद्ध हाथोंळ खाणुक खाणा छिन, अर या बात ऊंका रीति-रिवाज का खिलाप मा च।

लूका 10:20

पर फिर भि ईं बात से आनन्द नि मणा, कि खबेस भि तुमरा समणि हार माणी जनदिन। मगर ईं बात को आनन्द मणा, कि तुमरा नौ स्वर्ग मा लिख्यां छिन।”

इफिसुस 5:5

किलैकि तुम ईं बात का बारा मा भौत अच्छे से जणद्‍यां, कि गळत सम्बन्ध रखण, अर पवित्र जीवन नि जीण, लालच, यू सब मूरत पूजा करण का बराबर च, अर इन्द्रया लोगु की यीशु मसीह अर पिता परमेस्वर का राज मा कुई जगा नि च।

फिलिप्पी 4:3

हे मेरा सच्‍चा दगड़्या, मि त्वेसे बिन्ती करदु कि तू ऊं दुई बैंणो की मदद कैर, किलैकि ऊं दुईयों न शुभ समाचार तैं फैलाण मा मेरी पूरि मदद कैरी। अर ऊंन क्लेमेंस अर मेरा दगड़ा मा काम करण वळा दुसरा भैयों का दगड़ा भि बड़ी मेनत कैरी, जौं का नौ जीवन की किताब मा लिख्यां छिन।

1 तीमुथियुस 1:10

अर जु लोग दुसरो का दगड़ा मा सरील का गळत सम्बन्ध रखदिन, जन कि एक बैख दुसरा बैख का दगड़ा मा अर ठिक उन्‍नि एक जनानि दुसरि जनानि का दगड़ा मा सरील का सम्बन्ध रखदी हो, अर जु गुलाम लोगु तैं बिकौण को काम करदिन, झूठ्‍ठ बुल्दिन अर झूठ्‍ठी कसम खनदिन, अर जु लोग सच्‍चा उपदेस का विरोध मा जाळसाजि बणौन्दिन, इन्द्रया लोगु खुणि परमेस्वर का रैबर्या मूसा का द्‍वारा नियम-कानून दियूं च।

इब्रानी 12:14

अब तुम सब लोगु का दगड़ा मा मेल-जोल बणै के रखा अर पवित्र ह्‍वे जा, किलैकि वु लोग ही प्रभु तैं देख सकदिन जु पवित्र छिन।

2 पतरस 3:13

मगर हम परमेस्वर का करार का मुताबिक एक नया आसमान अर एक नई धरती को इंतजार मा छां, जख उई लोग राला जु कि परमेस्वर की नजर मा धरमी छिन।

दिब्य दरस 13:8

अर धरती पर रौण वळा सब लोग वे दैंत पूजा करला, मगर जौं लोगु का नौ दुनियां की शुरुवात से पैलि जीवन की किताब मा लिख्यां छिन वु लोग वे दैंत की पूजा नि करला। अर या किताब बलिदान होयां मेम्‍ने की च जु कि यीशु मसीह च।

दिब्य दरस 20:12

तब मिन राजगद्‍दी का समणि छुटा-बड़ा सब मुरयां लोगु तैं खड़ु होयुं देखि, अर किताब खुलै गैनी अर वेका बाद एक और किताब खुलै गै ज्वा कि जीवन की किताब च। अर यों किताबों मा लिखी बातों का मुताबिक ही, सब मुरयां लोगु को न्याय ऊंका कामों का मुताबिक किये गै।

दिब्य दरस 20:15

अर जै-जै को नौ जीवन की किताब मा लिख्यूं नि मिली, ऊ भि वीं आग का कुण्ड मा डळै गैनी।

दिब्य दरस 21:8

मगर डऽरपोक अर जु बिस्वास नि करदिन, अर अशुद्ध अर जु घिण वळा काम करदिन, अर कत्ल करण वळा, अर गळत सम्बन्ध बणौण वळा छिन, अर जु लोग जादु-टोंणा अर मूरत पूजा करदिन, अर सब झूठ्‍ठ बोन्‍न वळा लोगु को हिस्सा वीं आग मा होलु, ज्वा की गंधक से जगणी रौन्दी। अर या ही दुसरि मौत च।”

दिब्य दरस 3:5

जु जीत हासिल करलु वेतैं पैरणु खुणि इन्‍नि सफेद कपड़ा दिये जाला, अर मि वेको नौ जीवन की किताब मा बटि नि मिठौलु, मगर मि अपणा पिता अर वेका स्वर्गदूतों का समणि वेका नौ तैं स्वीकार करलु।