दिब्य दरस 21:14 - Garhwali

¹⁴ अर ये नगर की दिवाल बारह बुनियादो पर खड़ि छै, अर ऊं पर यीशु का बारह खास चेलों का नौ लिख्यां छा।

गढवली नयो नियम

¹⁴ ऊंल शहर की दीवार बारह बड़ा-बड़ा ढंगों का मथि बणै छै, अर हर एक ढुंगा पर चिनखा का बारह प्रेरितों मा बट्टी एक-एक को नौं लिख्युं छो।

दिब्य दरस 21:14 ပူးပေါင်းရင်းမြစ်များ

मत्ती 16:18

अर मि त्वेसे बुल्दु, तू पतरस छैई, जैको मतलब चटान च। अर ईं चटान पर मिन अपणु समुदाय खड़ु करण। अर मौत की ताकत वे पर अपणु राज नि कैरी सकलि।

खास चेलों 1:26

अर ऊं लोगु न यों का नौ पर पांसा डलिनी, अर पांसा मत्तियाह का नौ पर निकळिनी। तब मत्तियाह भि ऊं ग्यारा खास चेलों का दगड़ा मा गिणै गै।

गलातियों 2:9

अर जब भै याकूब, कैफा अर यूहन्‍ना जु कि बिस्वासी समुदाय का खम्बा मणै जनदिन, जब वु वीं किरपा का बारा मा जाणि गैनी ज्वा कि मि पर होईं च, तब ऊंन मितैं अर बरनबास भै तैं परमेस्वर की सेवा मा ऊंकी मदद करण वळो का रुप मा स्वीकार कैरी। अर ऊंन हमतै ऊं लोगु का बीच मा सेवा करणु कू भेजि जु यहूदी जाति का नि छिन, अर खुद वु यहूदी लोगु का बीच मा सेवा कना रैनी।

इफिसुस 2:20

तुम लोग एक मन्दिर छाँ। अर जु लोग खास चेला अर परमेस्वर का रैबर्या छिन, वु वेकी बुनियाद छिन। अर ये मन्दिर का कुणों को ढुंगो खुद यीशु मसीह च।

इफिसुस 3:5

अर पैलि जमना का लोगु का बीच मा उ राज ये तरीके से ऊं पर परगट नि किये गै, जन की वेन आज का दिन पवित्र आत्मा का द्‍वारा हम पर परगट कैरी। हम जु कि पवित्र खास चेला अर वेका रैबर्या छां।

इफिसुस 4:11

अर वेन कुछ लोगु तैं खास चेला होण खुणि ठैरै, अर कुछ तैं रैबर्या बणै, अर कुछ लोगु तैं शुभ समाचार सुनौण वळु, अर कुछ लोगु तैं देख-रेख करण वळु, अर कुछ लोगु तैं वेन उपदेस देण वळु ठैरै।

इब्रानी 11:10

अर अब्राहम बिस्वास रखी के एक इन नगर को इंतजार कनु छौ, जु स्वर्ग मा च जैतैं कुई नास नि कैर सकदु, किलैकि वेतैं रचण अर बणाण वळु खुद परमेस्वर छौ।

यहूदा 1:17

पर हे मेरा प्यारा भै-बैंणो, तुम ऊं बातों तैं जरुर याद रखा जौं तैं हमरा प्रभु यीशु मसीह का खास चेलों न पैलि ही बोलियालि छौ।

दिब्य दरस 18:20

अर येका बाद मिन इन सुणी कि, हे स्वर्ग खुशी मणौ। हे परमेस्वर का रैबर्यों, बिस्वासी भै-बैंणो अर वेका खास चेलों खुशी मणा, किलैकि जै नगर का लोगु न तुमतै सतै छौ परमेस्वर न ऊंतैं दण्ड देके तुमरो बदला ऊं से लियाली।

दिब्य दरस 21:13

तीन गेट पूरब दिसा की तरफा, अर तीन गेट उत्तर दिसा की तरफा, तीन गेट दक्छिण दिसा की तरफा छा अर तीन गेट पच्छिम दिसा की तरफा छा।