दिब्य दरस 21:1 - Garhwali

¹ तब मिन एक नयू स्वर्ग अर एक नयी धरती देखि, अर पैलु आसमान अर पैलि धरती गैब ह्‍वे गै छै, अर समुन्दर भि नि रै।

गढवली नयो नियम

¹ फिर मिल नया आसमान अर नई धरती तैं देखि, किलैकि पुरणो स्वर्ग अर धरती अब नि छै अर अब समुद्र भि नि छो।

दिब्य दरस 21:1 ပူးပေါင်းရင်းမြစ်များ

रोमियों 8:21

कि अब वा भि विणास कि गुलामी से आजाद ह्‍वेके छुटकारु पालि, अर पिता परमेस्वर की तरफा बटि वेकी औलादों तैं मिलण वळा आदर-सम्मान मा धरती भि सामिल ह्‍वेके बदलि जालि।

2 पतरस 3:10

मगर प्रभु को वु दिन एक चोर का जन अचानक से ऐ जालु, अर वे दिन आसमान बड़ी आवाज कैरिके नास ह्‍वे जालु। अर सब चीज बड़ी खतरनाक गरमी से गैळ जालि, धरती अर जु कुछ भि वेमा च वु सब कुछ खतम ह्‍वे जालु।

2 पतरस 3:13

मगर हम परमेस्वर का करार का मुताबिक एक नया आसमान अर एक नई धरती को इंतजार मा छां, जख उई लोग राला जु कि परमेस्वर की नजर मा धरमी छिन।

दिब्य दरस 13:1

तब मिन समुन्दर मा बटि एक दैंत तैं निकळद देखि, वेका दस सींग अर सात मुण्ड़ छा। अर वेका दसी सींगों पर दस मुकुट छा, अर वेका मुण्ड़ो पर परमेस्वर की बुरै करण वळा शब्द लिख्यां छा।

दिब्य दरस 20:11

तब मिन सफेद रंग की एक बड़ी राजगद्‍दी देखि, और परमेस्वर वेमा बैठयूं छौ। अर वेका होण से धरती अर आसमान भागी गैनी अर ऊंतैं कखि जगा नि मिली।

दिब्य दरस 21:5

तब जु राजगद्‍दी पर बैठयूं छौ वेन बोलि, “देख, मि सब कुछ नयू बणौणु छौं।” अर वेन फिर मिकू बोलि, “लिख ले, किलैकि यू वचन भरोसा का लैख अर सच्‍चा छिन।”

दिब्य दरस 6:14

अर आसमान इन सरकी गै जन कि दस्तावेज तैं गोळ लपेटदिन, हरेक पाड़, अर टापू अपणी-अपणी जगा बटि हटि गैनी।