दिब्य दरस 20:5 - Garhwali

^5-6 अर मुरदो मा बटि ज्यून्द होण को यू ही पैलु बगत च, अर यू लोग धन्य अर पवित्र छिन किलैकि यों पर दुसरि मौत को कुई अधिकार नि च। अर यू लोग पिता परमेस्वर अर यीशु मसीह का पुरोहित होला, अर एक हजार साल तक वेका दगड़ा मा राज करला। अर जब तक की एक हजार साल पूरा नि ह्‍वे गैनी, तब तक दुसरा मुरयां लोग ज्यून्दा नि ह्‍वेनि।

गढवली नयो नियम

^5-6 यु लोग मुर्दों मा बट्टी ज्यूंदा किये जांण मा सबसे पैला छा, अर उ विशेष रूप से धन्य अर पवित्र छिनी। दुसरी मौत को ऊं पर कुई अधिकार नि च। उ पिता परमेश्वर का अर मसीह का याजक होला अर ऊं दगड़ी एक हजार साल तक राज्य करला। यूं एक हजार साल बट्टी पैली कै दुसरा मुरयां लुखुं तैं ज्यून्दों नि किये जालो।

दिब्य दरस 20:5 ပူးပေါင်းရင်းမြစ်များ

लूका 14:14

तब त्वेतै परमेस्वर की तरफा बटि आसीस मिलेली, किलैकि ऊंका पास त्वेतै वापिस लौटाणु कू कुछ भि नि च। मगर मुरदो मा बटि ज्यून्द होण का दिन पर जब धरमी लोग ज्यून्दा होला, तब त्वेतै वेको फल मिली जालु।”

रोमियों 11:15

अर जब पिता परमेस्वर इस्राएली लोगु से दूर ह्‍वे गै, त वेन दुनियां का और लोगु का दगड़ा मा मेल-जोल कैरी। अर जब पिता परमेस्वर इस्राएली लोगु तैं स्वीकार करलु, त उई ऊंतैं मुरदो मा बटि ज्यून्द करण का बाद जीवन दान भि द्‍यालु।

फिलिप्पी 3:11

ताकि मि भि कनि ना कनकै मुरदो मा बटि ज्यून्द होण को भागी ह्‍वे जौं।

1 थिस्सलुनीकी 4:16

किलैकि जब एक बड़ी आवाज का साथ एक आज्ञा दिये जालि, अर परमेस्वर का परधान स्वर्गदूत को शब्द सुण्यालु, अर परमेस्वर का बिगुले की आवाज सुण्यालि, तब यीशु मसीह स्वर्ग बटि आलु अर जु लोग वे पर बिस्वास कैरिके मोरि गैनी, ऊ पैलि ज्यून्दा ह्‍वे जाला।

दिब्य दरस 11:11

मगर सढ़े तीन दिन का बाद परमेस्वर न ऊंका सरील मा जीवन की सांस फूकी दिनी, अर ऊ अपणा खुटों पर खड़ा ह्‍वे गैनी। तब जु लोग ऊंतैं दिखण छा ऊं सभ्यों पर बड़ु खौफ ऐ गै।

दिब्य दरस 11:15

अर जब सातवां स्वर्गदूत न बिगुला बजै, त स्वर्ग बटि तेज आवाज ऐ अर वींन इन बोलि कि, “दुनियां पर राज करण को अधिकार अब हमरा परमेस्वर अर वेका मसीह को ह्‍वे गै। अर उ हमेसा-हमेसा तक राज करला।”