दिब्य दरस 20:12 - Garhwali

¹² तब मिन राजगद्‍दी का समणि छुटा-बड़ा सब मुरयां लोगु तैं खड़ु होयुं देखि, अर किताब खुलै गैनी अर वेका बाद एक और किताब खुलै गै ज्वा कि जीवन की किताब च। अर यों किताबों मा लिखी बातों का मुताबिक ही, सब मुरयां लोगु को न्याय ऊंका कामों का मुताबिक किये गै।

गढवली नयो नियम

^12-13 अर मिल मुरयां लुखुं तैं वे सिंहासन का संमणी खड़ा दिखिनि, मतलब कि जु जरूरी च। उ लोग जु समुद्र मा डूबी कै मोरि गैनी, अर कब्रों म का सभि मुरयां लोग, अर उ सभि लोग जु मोरि के अधोलोक मा छा, उ सभि वे सिंहासन का संमणी खड़ा हवीनि। उ किताब (चाम्रपत्र) खुलै गै जै मा ऊं लुखुं को नौं लिख्यां छा जै मा उ जीवन छो जैको कुई अंत नि च। उ किताब भि खुलै गै जै मा लुखुं ल जु-जु कैरी छो उ लिखै गै छो, अर हर एक ल जु कुछ कैरी छो वेका अनुसार ऊंको जांच के न्याय किये गै, जु वीं किताब मा लिख्युं छो।

दिब्य दरस 20:12 ပူးပေါင်းရင်းမြစ်များ

मत्ती 11:22

पर मि तुमतै बतै देन्दु, कि न्याय का दिन सूर अर सैदा नगर का लोगु की दसा से भि जादा खतरनाक तुमरि होलि।

मत्ती 16:27

किलैकि मनखि को पुत्र अपणा स्वर्गदूतों का दगड़ा अर अपणा पिता की सामर्थ मा वापस औण वळु च, अर वे बगत ‘उ हरेक मनखि तैं वेका कामों का मुताबिक बदला मा ऊंतैं द्‍यालु।’

लूका 10:20

पर फिर भि ईं बात से आनन्द नि मणा, कि खबेस भि तुमरा समणि हार माणी जनदिन। मगर ईं बात को आनन्द मणा, कि तुमरा नौ स्वर्ग मा लिख्यां छिन।”

खास चेलों 24:15

अर मि भि परमेस्वर पर अपणी आस रखदु, जन कि यू लोग खुद भि रखदिन, कि धरमी अर अधरमी लोग मुरदो मा बटि ज्यून्दा होला।

रोमियों 2:6

अर पिता परमेस्वर हरेक मनखि बटि वेका कामों का मुताबिक हिसाब-किताब ल्यालु।

1 कुरिन्थि 4:5

इलै जबरि तक न्याय को बगत नि ऐ जान्दु, तबरि तक कै का दगड़ा मा कुई गळत काम नि कैरा। अर जब हमरु प्रभु यीशु आलु, त उई ईं बात को न्याय करलु, अर लोगु तैं ऊंका भला-बुरा कामों का बारा मा बतालु, जु ऊंन लुकि-छिपी के करिनी। अर उ इन भि बतालु, कि ऊंका मनों मा क्या च। तब पिता परमेस्वर ऊं लोगु की तारीफ करलु, जु वेका काम खुणि वफादार छिन।

2 कुरिन्थि 5:10

किलैकि हम मा बटि हरेक तैं मसीह का न्याय आसन का समणि हाजिरा होण पोड़लु, ताकि हर मनखि जैन ये सरील मा रै के जन-जन काम कैरी होला, ऊंतैं ऊंका कामों का मुताबिक बदला दिये जौ अब चै वु अच्छा हो या बुरा।

फिलिप्पी 4:3

हे मेरा सच्‍चा दगड़्या, मि त्वेसे बिन्ती करदु कि तू ऊं दुई बैंणो की मदद कैर, किलैकि ऊं दुईयों न शुभ समाचार तैं फैलाण मा मेरी पूरि मदद कैरी। अर ऊंन क्लेमेंस अर मेरा दगड़ा मा काम करण वळा दुसरा भैयों का दगड़ा भि बड़ी मेनत कैरी, जौं का नौ जीवन की किताब मा लिख्यां छिन।

दिब्य दरस 11:18

अर जब देस-देस का लोग तुम से गुस्सा ह्‍वेनि, त तुमरो परकोप ऊं पर भड़की गै। अर अब वु बगत ऐ गै जब तुम मुरयां लोगु को न्याय करिल्या, अर अब तुमरा सेवकों, रैबर्यों, अर सब पवित्र लोगु, अर जथगा भि लोग तुमरा नौ पर सरदा रखदिन ऊं सब सेवकों तैं इनाम दिये जालु, चै वु छुटा हो या बड़ा, मगर जौं लोगु न धरती तैं बरबाद कैरी तुम ऊंतैं खतम कैरी दिल्या।”

दिब्य दरस 13:8

अर धरती पर रौण वळा सब लोग वे दैंत पूजा करला, मगर जौं लोगु का नौ दुनियां की शुरुवात से पैलि जीवन की किताब मा लिख्यां छिन वु लोग वे दैंत की पूजा नि करला। अर या किताब बलिदान होयां मेम्‍ने की च जु कि यीशु मसीह च।

दिब्य दरस 17:8

अर जु दैंत तिन देखि, पैलि उ ज्यून्द छौ पर अब वु मोरि गै, मगर उ फिर से ज्यून्द ह्‍वेके अधलोक बटि निकळि के आलु, अर वेको नास फिर से ह्‍वे जालु। अर धरती पर रौण वळा जौं लोगु का नौ दुनियां की शुरुवात बटि जीवन की किताब मा नि लिख्यां छिन, वु सब लोग वे दैंत का दगड़ा मा जु कुछ भि ह्‍वे देखि के बड़ु ताजुब करला।

दिब्य दरस 19:5

फिर राजगद्‍दी बटि एक आवाज ऐ, “हे हमरा परमेस्वर का सेवकों, तुम जु की वे पर अपणी सरदा बणै के रखद्‍यां, अब चै तुम खास छाँ या साधारण, तुम सब परमेस्वर की तारीफ कैरा।”

दिब्य दरस 2:23

मि वींका बच्‍चों तैं महामारी भेजि के मरलु, ज्यां से कि बिस्वासी समुदाय का सब लोग जाणि जाला कि मि उई छौं जु कि मनखियों का मन अर दिल की बातों तैं जणदु च, अर मि हरेक तैं वेका कामों का हिसाब से द्‍यूलु।

दिब्य दरस 20:11

तब मिन सफेद रंग की एक बड़ी राजगद्‍दी देखि, और परमेस्वर वेमा बैठयूं छौ। अर वेका होण से धरती अर आसमान भागी गैनी अर ऊंतैं कखि जगा नि मिली।

दिब्य दरस 20:13

अर समुन्दर न अपणा मुरदो तैं खड़ु कैरी दिनी, अर जु अधलोक मा छा अर जु कबरुन्द रखै गैनी, ऊंन भि अपणा मुरदो तैं खड़ु कैरी दिनी, अर हरेक मनखि को न्याय ऊंका कामों का मुताबिक किये गै।

दिब्य दरस 20:15

अर जै-जै को नौ जीवन की किताब मा लिख्यूं नि मिली, ऊ भि वीं आग का कुण्ड मा डळै गैनी।

दिब्य दरस 21:27

अर कुई भि अशुद्ध चीज, अर ना ही कुई इन्द्रयो मनखि जु कि इन्द्रया काम करदु हो ज्यां से की घिण अऽ, या झूठ्‍ठ बुल्दु हो इन्द्रया लोग वेमा कभि दाखिल नि ह्‍वे सकला। मगर जौं को नौ जीवन की किताब मा लिख्यां छिन उई लोग वेमा दाखिल होला, अर या किताब यीशु मसीह की च जु कि मेम्‍ना की तरौं बलिदान ह्‍वे गै।

दिब्य दरस 22:12

तब यीशु न मिकू बोलि, “देख मि जल्द ही औण वळु छौं, अर हरेक मनखि तैं वेका कामों का मुताबिक बदला मा दिये जालु।

दिब्य दरस 3:5

जु जीत हासिल करलु वेतैं पैरणु खुणि इन्‍नि सफेद कपड़ा दिये जाला, अर मि वेको नौ जीवन की किताब मा बटि नि मिठौलु, मगर मि अपणा पिता अर वेका स्वर्गदूतों का समणि वेका नौ तैं स्वीकार करलु।