दिब्य दरस 20:11 - Garhwali

¹¹ तब मिन सफेद रंग की एक बड़ी राजगद्‍दी देखि, और परमेस्वर वेमा बैठयूं छौ। अर वेका होण से धरती अर आसमान भागी गैनी अर ऊंतैं कखि जगा नि मिली।

गढवली नयो नियम

¹¹ फिर मिल एक सफेद सिंहासन देखि जै पर पिता परमेश्वर विराजमान छो। पर उख जख पिता परमेश्वर विराजमान छो, उख धरती अर आसमान सब गायब हवे गै, अर कैल भि वे तैं फिर नि देखि।

दिब्य दरस 20:11 ပူးပေါင်းရင်းမြစ်များ

मत्ती 11:22

पर मि तुमतै बतै देन्दु, कि न्याय का दिन सूर अर सैदा नगर का लोगु की दसा से भि जादा खतरनाक तुमरि होलि।

मत्ती 24:35

आसमान अर धरती को नास ह्‍वे जालु, मगर मेरी बुलिं बात कभि नि टळळि।”

मत्ती 25:31

अर यीशु न ऊंकू बोलि, “जब मनखि को पुत्र अपणी पूरि सामर्थ का दगड़ा मा आलु अर सब स्वर्गदूत वेका दगड़ा होला। तब उ बड़ा आदर-सम्मान की राजगद्‍दी पर बैठलु,

रोमियों 2:5

मगर तुम लोग त अपणा निठुर अर ढीट मन का कारण वेका खतरनाक दिन खुणि, याने कि जै दिन मा परमेस्वर को सच्‍चु न्याय परगट होलु, तुम वेका गुस्सा तैं अपणा खिलाप मा और भि जादा बढौणा छाँ।

2 पतरस 3:7

मगर परमेस्वर का वे ही वचन का द्‍वारा आज को यू आसमान अर या धरती आग का द्‍वारा भसम करणु खुणि रखै गै, अर न्याय का दिन तक याने कि भक्‍ति नि करण वळा लोगु का नास होण तक यू इन्‍नि रखै जाला।

दिब्य दरस 12:8

मगर ऊ हारी गैनी, अर फिर स्वर्ग मा ऊं खुणि कुई जगा नि रै।

दिब्य दरस 16:20

अर सब टापू डुबी गैनी, अर पाड़ो को पता तक नि चलि।

दिब्य दरस 19:11

फिर मिन स्वर्ग तैं खुल्यूं देखि, अर एक सफेद घोड़ा छौ अर जु वेमा सवार च वेकू भरोसेमन्द अर सच्‍चु बुले जान्दु। अर वेको न्याय सच्‍चु च अर वेको युद्ध करण को तरीके सही च।

दिब्य दरस 20:2

अर वेन खुंखार रागस तैं एक हजार साल तक संगुळों मा बान्धि के रखी। अर यू खुंखार रागस उ च जैकू पुरणु गुरौ, दुसरो पर दोष लगौण वळु, जैकू शैतान बुले जान्दु।

दिब्य दरस 21:1

तब मिन एक नयू स्वर्ग अर एक नयी धरती देखि, अर पैलु आसमान अर पैलि धरती गैब ह्‍वे गै छै, अर समुन्दर भि नि रै।

दिब्य दरस 21:5

तब जु राजगद्‍दी पर बैठयूं छौ वेन बोलि, “देख, मि सब कुछ नयू बणौणु छौं।” अर वेन फिर मिकू बोलि, “लिख ले, किलैकि यू वचन भरोसा का लैख अर सच्‍चा छिन।”

दिब्य दरस 4:2

अर मि तुरन्त पवित्र आत्मा से भरपूर ह्‍वे ग्यों, अर मिन देखि कि स्वर्ग मा एक राजगद्‍दी रखी च अर वे पर कुई बैठयूं च।

दिब्य दरस 6:14

अर आसमान इन सरकी गै जन कि दस्तावेज तैं गोळ लपेटदिन, हरेक पाड़, अर टापू अपणी-अपणी जगा बटि हटि गैनी।