दिब्य दरस 2:7 - Garhwali

⁷ “कन्दूड़ खोली के सुणी ल्या अर ईं बात तैं समझा कि पवित्र आत्मा बिस्वासी समुदाय का लोगु खुणि क्या च बोन्‍नु, जु जीत हासिल करलु, मि वेतैं जीवन देण वळा डाळा को फल खाणु कू द्‍यूलु, जु कि स्वर्ग मा परमेस्वर का पास च।”

गढवली नयो नियम

⁷ हर कुई जु मेरा संदेश तैं समझण चांद, वे तैं वीं बात तैं ध्यान से सुनण चयणु च जु पवित्र आत्मा मण्डलियों बट्टी बुल्द उ लोग जु दुष्ट शक्तियों तैं हरौदींनि, ऊं तैं मि जीवन दींणवला डाला बट्टी फल खांणै की मंजूरी दयुलु, जु पिता परमेश्वर का स्वर्गीय बगीचा मा च।

दिब्य दरस 2:7 ပူးပေါင်းရင်းမြစ်များ

मत्ती 11:15

जैका पास कन्दूड़ छिन, उ सुणी ल्यो।

मत्ती 13:43

अर धरमी लोग अपणा पिता परमेस्वर का राज मा सूरज का जन चमकला। जैका पास कन्दूड़ छिन, उ सुणी ल्यो।”

मत्ती 13:9

जैका पास कन्दूड़ छिन, उ सुणी ल्यो।”

मरकुस 4:9

तब यीशु न ऊंकू बोलि, “जैका पास सुनणु खुणि कन्दूड़ छिन, उ सुणी ल्यो।”

मरकुस 7:15

इन्दरि कुई भि चीज नि च ज्वा कि भैर बटि मनखि का भितर जौ अर वेतैं अशुद्ध कैरी द्‍यो, मगर जु चीज मनखि का भितर बटि निकळदिन उई वेतैं अशुद्ध करदिन।

मरकुस 7:16

[अगर कै का कन्दूड़ छिन, त वु सुणी ल्यो।”]

लूका 23:43

अर यीशु न वेकू बोलि, “मि त्वे बटि सच्‍च बोन्‍नु छौं, कि आज ही तू मेरा दगड़ा स्वर्ग मा होलि।”

लूका 8:8

मगर कुछ बीज अच्छी जमीन मा पोड़ीनी, अर उगि के सौ गुणा फल लैनि। अर यू बुलण का बाद यीशु न जोर से बोलि, ‘जैका पास कन्दूड़ छिन, उ सुणी ल्यो।’”

यूहन्ना 16:33

अर यों बातों तैं मिन तुम मा इलै बोलि, ताकि मि मा बणयूं रै के तुमतै शान्ति मिलु। ईं दुनियां मा त तुम पर मुसीबतों न औण, पर तुम हिम्मत रखा किलैकि ईं दुनियां तैं मिन जीतयाली।”

1 कुरिन्थि 2:10

अर पिता परमेस्वर न तयार करीं बातों तैं हम पर पवित्र आत्मा का द्‍वारा परगट कैरी, किलैकि वेको पवित्र आत्मा सब बातों की छानबीन करदु, इख तक कि परमेस्वर का सब गैरा राजों को भि।

2 कुरिन्थि 12:4

जब मि स्वर्ग मा उठये ग्यों त उख मिन इन्दरि बातों तैं सुणी जौं को बखान नि किये जै सकदु, अर पिता परमेस्वर न मितैं ऊं बातों तैं बतौण की इजाजत नि दिनी।

1 यूहन्ना 2:13

अर तुम जु ब्वे-बुबा छाँ मि तुम खुणि इलै लिखणु छौं, किलैकि तुम यीशु मसीह तैं जणद्‍यां, जु कि शुरुवात बटि च। अर तुम जु ज्वान छाँ, मि तुम खुणि इलै लिखणु छौं, किलैकि हम जणदा छाँ कि तुमुन शैतान पर जीत हासिल कैरियाली। अर मेरा प्यारा बच्‍चों, मि तुम खुणि इलै लिखणु छौं, किलैकि हम जणदा छां कि तुम पिता परमेस्वर तैं जणदा छाँ।

दिब्य दरस 13:9

कन्दूड़ खोली के सुणी ल्या अर ईं बात तैं समझा कि,

दिब्य दरस 14:13

फिर मिन स्वर्ग बटि एक आवाज सुणी कि, “हे यूहन्‍ना ईं बात तैं लिख ले, ‘धन्य छिन ऊ लोग जु अब प्रभु पर बिस्वास रखी के मुरदिन।’” अर पवित्र आत्मा भि इन बोन्‍नु च कि, “हाँ धन्य छिन वु लोग, जौन धरती पर दुख-तकलीफ तैं सै अर भलै का काम करिनी, इलै अब ऊंतैं स्वर्ग मा इनाम दिये जालु।”

दिब्य दरस 15:2

तब मितैं काँच का जन एक समुन्दर दिखै, अर वु इन लगणु छौ जन कि वेमा आग मिली हो। अर जौं लोगु न वे दैंत, वेकी मूरत, अर वेका नौ की संख्या पर जीत हासिल कैरी छै, मिन ऊं सब लोगु तैं वे काँच का समुन्दर का मथि खड़ु देखि। अर पिता परमेस्वर न हरेक तैं एक-एक बीणा दिनी।

दिब्य दरस 2:11

“कन्दूड़ खोली के सुणी ल्या अर ईं बात तैं समझा कि पवित्र आत्मा बिस्वासी समुदाय का लोगु खुणि क्या च बोन्‍नु, जु जीत हासिल करलु वेतैं दुसरि मौत को दुख नि झिलण पोड़लु।”

दिब्य दरस 2:17

“कन्दूड़ खोली के सुणी ल्या अर ईं बात तैं समझा कि पवित्र आत्मा बिस्वासी समुदाय का लोगु खुणि क्या च बोन्‍नु, जु जीत हासिल करलु, वेतैं मि वु खाणुक द्‍यूलु जु कि सदनि को जीवन देन्दु, अर एक सफेद ढुंगो भि द्‍यूलु जै पर एक नयू नौ लिख्यूं होलु, अर वेका अलावा वे नौ का बारा मा कैतैं भि पता नि होलु।”

दिब्य दरस 21:7

अर जु जीत हासिल करलु वेतैं विरासत मिलेली, अर मि वेको परमेस्वर होलु अर उ मेरु पुत्र होलु।

दिब्य दरस 22:14

धन्य छिन ऊ, जौन अपणा कपड़ा धुईन, अब ऊंका पास जीवन का डाळा को फल खाणु को अर गेट से नया यरूशलेम नगर मा दाखिल होण को अधिकार च।

दिब्य दरस 22:17

पवित्र आत्मा अर ब्यौलि इन बिन्ती करदी, “अऽ” अर सुनण वळा भि बोला, “अऽ” जु तिसळु च, उ “अऽ” अर जु मेरा पास औण चान्दु वु भि “अऽ” अर मुफत मा जीवन को पाणि लेके जौ।

दिब्य दरस 22:2

अर या गाड वे नगर का बाटा का बीचों-बीच बुगणी छै। अर गाड का दुई छालों पर जीवन का डाळा लग्यां छा, जौं पर बारामास बारह किसम का फल लगदिन। अर यों डाळों का पत्ता देस मा रौण वळा लोगु का रोग दूर करणु खुणि छिन, अर ऊंका फल जीवन देणु खुणि छिन।