दिब्य दरस 2:24 - Garhwali

²⁴ “मगर तुम लोगु मा बटि कुछ लोग इन छिन जु कि इजेबेल की शिक्षा का मुताबिक नि चलदिन। अर तुम लोग शैतान की छिपी बातों का बारा मा भि नि जणद्‍यां। अर मि तुम लोग पर जादा भार नि डललु।

गढवली नयो नियम

²⁴ पर थुआतीरा शहर मा तुम बकि लुखुं ल वीं झूठी शिक्षा कु अनुसरण नि कैरी। तुम ल वेमा भाग नि ले जै मा वेका चेला “शैतान की गहरी बात बुल्दींनि।” मि तुम बट्टी बुल्दो कि मि तुम पर कुई हैंकी जरूरी आज्ञा तैं नि थुपलू, सिवाय यांका कि जब तक मि नि औंदु तब तक मि पर मजबूत हवे के विश्वास कना रा।

दिब्य दरस 2:24 ပူးပေါင်းရင်းမြစ်များ

खास चेलों 15:28

किलैकि या बात पवित्र आत्मा अर हमतै अच्छी लगि, कि जु कुछ भि खास बात छिन ऊंका अलावा हम लोग तुम पर जादा नियम-कानूनों को भार नि डाला।

खास चेलों 16:14

अर ऊंमा बटि लुदिया नौ की एक जनानि छै अर वा थुआतीरा नगर की छै, वा परमेस्वर की भक्‍त छै अर बैंगनि रंग का कपड़ों को व्यापार करण वळी छै। अर प्रभु न वींका मन तैं खोली दिनी, ताकि वा पौलुस की शिक्षा तैं ध्यान से सुणी सैको।

1 कुरिन्थि 2:10

अर पिता परमेस्वर न तयार करीं बातों तैं हम पर पवित्र आत्मा का द्‍वारा परगट कैरी, किलैकि वेको पवित्र आत्मा सब बातों की छानबीन करदु, इख तक कि परमेस्वर का सब गैरा राजों को भि।

2 कुरिन्थि 11:3

मगर मितैं ईं बात की बड़ी चिन्ता च कि जन शैतान न गुरौ का द्‍वारा बड़ी चालाकी से हवा तैं अपणा छल मा फंसै दिनी, ठिक उन्‍नि कखि इन नि हो कि झूठ्‍ठा लोग अपणी गळत शिक्षा का द्‍वारा तुमरा पवित्र जीवन तैं जु कि यीशु मसीह का दगड़ा मा च वेतैं बिगाड़ि नि द्‍या।

2 कुरिन्थि 2:11

अर यू सब मिन इलै कैरी ताकि शैतान हम मा बटि कै को भि फैदा नि उठे सैको, किलैकि हम अच्छी तरौं से जणद्‍यां कि उ अपणी चालाकी द्‍वारा हम खुणि समस्या खड़ि करदु।

याकूब 3:15

अर यू सब करण को ज्ञान परमेस्वर की तरफा बटि नि औन्दु, बल्किन मा दुनियां को च। अर उ आत्मिक नि च बल्किन मा शैतान को ज्ञान च।

दिब्य दरस 1:11

“जु कुछ त्वेतै दिख्यौणु च, वेतैं किताब मा लिखी के सात नगरों का बिस्वासी समुदाय का लोगु का पास भेज दे, याने कि इफिसुस, स्मुरना, पिरगमुन, थुआतीरा, सरदीस, फिलदिलफिया, अर लौदीकिया नगरों का बिस्वासी समुदाय का लोगु का पास।”

दिब्य दरस 12:9

अर खुंखार रागस अर वेका दूतों तैं धक्‍का मारी के धरती पर ढुळै गै। अर यू वु च जु दुनियां का लोगु का दगड़ा मा छल-कपट करदु, भौत पुरणु गुरौ, दुसरो पर दोष लगौण वळु, जैकू शैतान बुले जान्दु।

दिब्य दरस 13:14

अर उ धरती का लोगु तैं भरमौणु रै, किलैकि ये दैंत का पास समुन्दर वळा दैंत की तरौं चमत्कार करण को अधिकार दिये गै। अर ये दैंत न धरती का लोगु तैं समुन्दर वळा दैंत की मूरत बणौणु कू बोलि, हाँ वे ही दैंत की जैका मुण्ड़ पर तलवार से एक इन्दरि चोट लगि छै कि वेकी बचण की उम्मीद नि छै, मगर वेको उ घौ खूब ह्‍वे गै छौ।

दिब्य दरस 2:13

“मि जणदु छौं, कि तुम वे नगर मा रौन्द्‍यां जख शैतान की राजगद्‍दी च, मगर फिर भि तुमरो भरोसा मि पर बणयूं रै। अर जब लोगु न मेरा भरोसामन्द गवा अन्तिपास तैं तुमरा नगर मा जान से मर दिनी, तब भि तुमरो बिस्वास मि पर बणयूं रै।

दिब्य दरस 2:18

अर येका बाद यीशु न मिकू इन बोलि कि, “थुआतीरा नगर मा रौण वळा बिस्वासी समुदाय का दूत खुणि इन लिख कि: “यीशु जु कि परमेस्वर को पुत्र च अर जैका आंखा आग की झौऽळ की तरौं छिन अर वेका खुटा पीतळे की तरौं चमकदार छिन उ इन बुल्दु कि:

दिब्य दरस 2:9

“मि तुमरा कष्‍ट अर कंगाली का बारा मा जणदु छौं (पर मेरी नजर मा तुम सेठ छाँ), अर जु लोग खुद तैं यहूदी मणदिन (पर ऊ छैई नि छिन, ऊ त शैतान की पूजा करदिन), ऊ तुमरि बदनामी करदिन यू भि मि जणदु छौं।