दिब्य दरस 19:6 - Garhwali

⁶ फिर मिन बड़ी भीड़ की आवाज सुणी, ज्वा की तेज लैरों का जन अर बादळों की गगड़ाट की तरौं छै अर ऊंन बोलि, “हाल्‍लेलूय्याह, हमरु प्रभु परमेस्वर न जु की सर्वसक्‍तिमान च वेन राज करण शुरु कैरियाली।

गढवली नयो नियम

⁶ फिर मिल जु सूंणि व भौत बड़ी संख्या लुखुं का चिल्लांण का जन लगद छै। यु एक बड़ा झरना की आवाज का जन जोरदार छो अर बादल का गिगडांण का जन छो। ऊंल बोलि, “परमेश्वर की स्तुति हो! सर्वशक्तिमान पिता परमेश्वर हमारो राजा च।”

दिब्य दरस 19:6 ပူးပေါင်းရင်းမြစ်များ

मत्ती 6:13

अर शैतान की बातों का द्‍वारा हम भकलै नि जा, बल्किन मा हमतै बुरै से बचै के रखा। [किलैकि तुमरो राज अर तुमरि ताकत, अर तुमरो आदर-सम्मान सदनि तक होन्दी रौ। आमीन।]

दिब्य दरस 1:15

अर वेका खुटा इन चमकणा छा जन की भट्‍टी मा पक्यूं पीतळ। अर वेकी आवाज भौत पाणि की छमछयाटों की तरौं छै।

दिब्य दरस 1:8

सर्वसक्‍तिमान प्रभु परमेस्वर इन बुल्दु कि, “मि ही पैलु अर आखिरी छौं।” सभ्यों को मालिक मि ही छौं मि पैलि बटि छौ, आज भि छौं अर मि ही जल्द औण वळु छौं।

दिब्य दरस 12:10

तब मिन स्वर्ग मा एक ऊँची आवाज तैं इन ऐलान करद सुणी, “सुणा, अब हमरा परमेस्वर की तरफा बटि मिलण वळु छुटकारा, अधिकार अर राज की स्थापना ह्‍वे गै, अर वेका मसीह को राज कन को अधिकार परगट ह्‍वे गै, किलैकि हमरा बिस्वासी भै-बैंणो पर दोष लगौण वळा तैं मूड़ी ढुळै गै, अर यू वु छौ जैन पिता परमेस्वर का समणि रै के ऊं पर दिन-रात दोष लगौण को काम कैरी।

दिब्य दरस 14:2

अर फिर मिन स्वर्ग बटि एक आवाज सुणी। अर ईं आवाज मा भौत जादा पाणि को छमछयाट अर बादळों को गगड़ट छौ अर मिन कुछ इन आवाज सुणी ज्वा कि इन छै, जन कि बीणा बजौण वळा अपणी-अपणी बीणा बजौणा हो।

दिब्य दरस 19:1

येका बाद मिन स्वर्ग मा एक बड़ी भीड़ की सि आवाज सुणी, अर लोग ऊँची आवाज मा इन बोन्‍ना छा कि, “हाल्‍लेलूय्याह, आदर-सम्मान, ताकत अर बचौण वळु हमरु परमेस्वर ही च,

दिब्य दरस 19:4

तब मिन देखि, कि स्वर्ग मा पिता परमेस्वर राजगद्‍दी पर बैठयूं च, अर चौबीस अध्यक्षों न अर चार ज्यून्दा पराणों न भ्वीं मा पोड़ि के वेकी भक्‍ति कैरिके बोलि, “आमीन, हाल्‍लेलूय्याह।”

दिब्य दरस 21:22

मिन वे नगर मा कुई मन्दिर नि देखि, किलैकि सर्वसक्‍तिमान प्रभु परमेस्वर, अर यीशु ही वेको मन्दिर च।

दिब्य दरस 4:5

अर वीं राजगद्‍दी बटि बिजलियाँ निकळणी छै, अर बड़ी गगड़ाट की आवाज औणी छै। अर वीं राजगद्‍दी का समणि आग की सात मसाल जगणी छै, जु कि परमेस्वर की सात आत्मा छिन।

दिब्य दरस 6:1

फिर मिन देखि कि वे मेम्‍ना न सात मोरो मा बटि एक मोर तैं खोली, अर मिन चार पराणों मा बटि एक तैं बादळों की गगड़ट की तरौं ऊँची आवाज मा इन बुल्द सुणी, “अऽ।”

दिब्य दरस 8:5

तब स्वर्गदूत न धूपदेणु वळु कटोरा ले अर वेमा वेदी की आग भोरी, अर धरती की तरफा ढोळि दिनी। तब बादळों मा गगड़ट की तेज आवाज औण लगि गै, अर बिजली चमकी, अर भ्वींचळु ऐ।