दिब्य दरस 18:24 - Garhwali

²⁴ हे बेबीलोन, तू वु नगर छैई जैमा परमेस्वर का रैबर्यों, बिस्वासी लोगु अर ऊं सब लोगु को खून बुगये गै, जौं को कत्ल धरती पर किये गै।’”

गढवली नयो नियम

²⁴ पिता परमेश्वर ल बाबेल तैं इलै दण्ड द्ये किलैकि उ शहर पिता परमेश्वर का तरपां बट्टी बुल्ण वलो, अर दुसरा सैरा लुखुं तैं जु पिता परमेश्वर का छिनी अर सैरी दुनिया भर का लुखुं को ल्वे बुगाला अर मारि दयाला की उ भंगारी छा।

दिब्य दरस 18:24 ပူးပေါင်းရင်းမြစ်များ

मत्ती 23:27

“हे शास्‍त्री अर फरीसी दल का लोगु, तुम पर हाय च अर तुम भौत बड़ा ढोंगि छाँ। तुम त चुना पूथिं कबरों का जन छाँ, जु भैर बटि त भौत सुन्दर दिख्योंदिन, पर ऊंका भितर मुरदो का हड़गा अर बन्‍नि-बन्‍नि किसम कि गन्दगी ही भुरीं रौन्दी।

मत्ती 23:35

अर शुरुवात बटि अभि तक जथगा भि धरमी लोगु को ल्वे ईं धरती पर बुगये गै, ऊं सभ्यों की हत्या को दोषी तुम लोगु तैं ठैरैये जालु, याने कि धरमी हाबिल की हत्या से लेके बिरिक्याह का नौना जकरयाह रैबर्या की हत्या तक, जैको ल्वे तुमरा पितरों न मन्दिर की वेदी का समणि कैरी छौ।

खास चेलों 7:52

अर तुमरा पितरों न परमेस्वर का कै रैबर्यों तैं नि सतै? अर जौं रैबर्यों न वे धरमी मनखि का औण का बारा मा पैलि ही बतैयालि छौ ऊंतैं भि ऊं लोगु न जान से मारी दिनी। अर ऊंका मुताबिक तुमुन वे धरमी मनखि तैं बिस्वासघात कैरिके पकड़वै अर वेतैं जान से मरवै के तुम वेका हत्यारा ह्‍वे ग्यां।

1 थिस्सलुनीकी 2:15

अर ऊं यहूदी लोगु न प्रभु यीशु तैं अर पिता परमेस्वर का कुछ रैबर्यों तैं मारी डालि। अर ऊंन हमतै भि भौत सतै च, ऊंन परमेस्वर तैं खुश नि कैरी, बल्किन मा वु त सब मनखियों को विरोध करदिन।

दिब्य दरस 11:7

अर जब वु दुई गवा अपणी गवै देण का काम तैं पूरु कैरी द्‍याला, तब एक दैंत अधलोक बटि भैर निकळ्‍ळु अर ऊं दुई गवाओ का दगड़ा मा युद्ध करलु, अर ऊं पर जीत हासिल कैरिके ऊंतैं जान से मारी द्‍यालु।

दिब्य दरस 16:6

किलैकि ऊंन बिस्वासी लोगु अर तुमरा रैबर्यों को ल्वे बुगै, इलै तुमुन भि ऊंतैं पाणि का बदला मा ल्वे पीणु खुणि दिनी, अर जन ऊंन कैरी उन्‍नि पै।”

दिब्य दरस 17:6

अर मिन देखि कि वा जनानि बिस्वासी लोगु को अर यीशु की गवै देण वळो को ल्वे पी के नसा मा धुत होईं च। अर यू देखि के मि भौत हैरान ह्‍वे ग्यों।

दिब्य दरस 19:2

किलैकि वेको न्याय सच्‍चु अर सही च, अर वेन वीं बड़ी वेश्या तैं दण्ड दियाली, जिं न गळत सम्बन्ध बणौण से धरती तैं भ्रष्‍ट कैरी दिनी, अर परमेस्वर का भौत सा सेवकों तैं जान से मार दिनी, इलै परमेस्वर न वीं बटि अपणा सेवकों का ल्वे को बदला लिनी।”