दिब्य दरस 17:9 - Garhwali

⁹ “येतैं समझणु खुणि अकल की जरुरत च, उ सात मुण्ड़ सात पाड़ छिन जौं पर वा जनानि बैठि च।

गढवली नयो नियम

⁹ यु चिन्हों तैं समझणु कु तुम तैं ज्ञान की जरूरत च। जानवर का सात मुंड वे शहर का सात डांडा तैं बतौंदींनि जख या जनन राज्य करदी। उ सात राजाओं तैं भि बतांद।

दिब्य दरस 17:9 ပူးပေါင်းရင်းမြစ်များ

मत्ती 13:11

अर वेन ऊंतैं जबाब दिनी, “तुमतै त परमेस्वर का राज का भेदों तैं बिंगण को ज्ञान दियूं च, मगर ऊं लोगु तैं ना।

मत्ती 24:15

अर यीशु न ऊंकू इन भि बोलि, “परमेस्वर का रैबर्या दानिय्येलळ न अपणी किताब मा एक खण्डर करण वळी खतरनाक अर भौत बुरी चीज का बारा मा लिख्यूं च। अर एक दिन तुम दिखल्या कि वा बुरी चीज परमेस्वर की पवित्र जगा तैं अशुद्ध करली (जु पढणु च उ ईं बात तैं समझि ल्यो)।

दिब्य दरस 13:1

तब मिन समुन्दर मा बटि एक दैंत तैं निकळद देखि, वेका दस सींग अर सात मुण्ड़ छा। अर वेका दसी सींगों पर दस मुकुट छा, अर वेका मुण्ड़ो पर परमेस्वर की बुरै करण वळा शब्द लिख्यां छा।

दिब्य दरस 13:18

इन्दरि हालत मा ज्ञान की जरुरत च अर जु अकलमन्द च, उ वे समुन्दर वळा दैंत की संख्या को हिसाब लगौ, किलैकि या संख्या मनखि की च अर वेकी संख्या को नौ, छह सौ छियासठ च।

दिब्य दरस 17:18

अर जिं जनानि तैं तिन देखि, वांको मतलब वे बड़ा नगर से च जु कि दुष्‍ट च, अर वेको राजा धरती का राजाओं पर सासन करदु।”

दिब्य दरस 17:3

अर जब मि पवित्र आत्मा की ताकत से भरपूर ह्‍वे ग्यों तब उ स्वर्गदूत मितैं एक निर्जन जगा मा लि गै, अर उख मेरी नजर एक जनानि पर पोड़ि ज्वा की लाल रंग का एक दैंत पर बैठि छै। अर वे दैंत का सरील पर वु नौ लिख्यां छा ज्यां से कि परमेस्वर की बेजती होन्दी अर वेका सात मुण्ड़ अर दस सींग छा।

दिब्य दरस 17:7

पर वे स्वर्गदूत न मिकू बोलि, “तू हैरान किलै होणी छैई? मि त्वेतै वीं जनानि का राज का बारा मा बतौलु, अर वे दैंत का राज का बारा मा भि बतौलु जैका सात मुण्ड़ अर दस सींग छिन।