दिब्य दरस 17:6 - Garhwali

⁶ अर मिन देखि कि वा जनानि बिस्वासी लोगु को अर यीशु की गवै देण वळो को ल्वे पी के नसा मा धुत होईं च। अर यू देखि के मि भौत हैरान ह्‍वे ग्यों।

गढवली नयो नियम

⁶ अर मिल देखि कि व जनन पिता परमेश्वर का पवित्र लुखुं का ल्वे का नशा मा छो, मतलब कि ऊं लुखुं जौं तैं लुखुं ल मारेली छो किलैकि उ यीशु का प्रति विश्वासयोग्य छा। मि भौत भौचक हवे ग्यों।

दिब्य दरस 17:6 ပူးပေါင်းရင်းမြစ်များ

यूहन्ना 2:10

“हरेक मनखि त पैलि अच्छु अंगूरों को रस देन्दु च अर जब लोग पी के छक ह्‍वे जनदिन, तब हलकु वळु देन्दु च। पर तुमुन त अभि तक अंगूरों को अच्छु रस रख्युं च।”

खास चेलों 22:20

अर जब तुमरा गवा स्तिफनुस तैं जान से मरे जाणु छौ, त वे बगत मि भि उखि खड़ु होयुं छौ। अर ऊं लोगु का कपड़ों की देख-रेख कनु छौ, जौन वेकी हत्या कैरी, हाँ, प्रभु वामा मेरु हाथ भि छौ।’

दिब्य दरस 12:11

अर ऊंन प्रभु का रैबार अर मेम्‍ना का ल्वे का द्‍वारा शैतान पर जीत हासिल कैरी, किलैकि ऊंन अपणी जान की भि परवा नि कैरी बल्किन मा मुरणु खुणि भि तयार छा।

दिब्य दरस 13:15

अर ये दैंत तैं इन भि अधिकार दिये गै कि उ समुन्दर वळा दैंत की मूरत मा जान डालि सैको, ताकि वा मूरत बोन्‍न लगि जौ। अर जथगा भि लोग वीं मूरत की पूजा नि करला, ऊं सभ्यों तैं जान से मरे जौ।

दिब्य दरस 13:7

अर वेतैं इन इजाजत दिये गै कि उ बिस्वासी लोगु का दगड़ा मा युद्ध कैरो अर ऊं पर जीत हासिल कैरो, अर हरेक गोत्र, जाति, अर भाषा अर देस-देस का लोगु पर वेतैं अधिकार दिये गै।

दिब्य दरस 16:6

किलैकि ऊंन बिस्वासी लोगु अर तुमरा रैबर्यों को ल्वे बुगै, इलै तुमुन भि ऊंतैं पाणि का बदला मा ल्वे पीणु खुणि दिनी, अर जन ऊंन कैरी उन्‍नि पै।”

दिब्य दरस 2:13

“मि जणदु छौं, कि तुम वे नगर मा रौन्द्‍यां जख शैतान की राजगद्‍दी च, मगर फिर भि तुमरो भरोसा मि पर बणयूं रै। अर जब लोगु न मेरा भरोसामन्द गवा अन्तिपास तैं तुमरा नगर मा जान से मर दिनी, तब भि तुमरो बिस्वास मि पर बणयूं रै।