दिब्य दरस 17:4 - Garhwali

⁴ अर वीं जनानि न बैंगनि अर लाल रंग को कपड़ा पैरयां छौ, अर वा सोना अर भौत मैंगा हीरा अर मोतियों से सजीं छै। अर वींका हाथ मा सोनो को एक कटोरा छौ, जु की वींका दगड़ा मा गळत सम्बन्ध बणौण वळी अशुद्ध चीजों से भोरयूं छौ।

गढवली नयो नियम

⁴ य जनन बैंगनी अर लाल कपड़ा पैरी के छै। वीं ल अपड़ा देह तैं सोना का गौंणों, कीमती ढुंगो अर मंहगा मोतियों बट्टी सज्यूं छो। अपड़ा दैंणा हथों मा वीं को दाखमधु भुरयां एक सोना को प्याला पकड़यूं छो, जु वीं का तुच्छ अर गंदा यौन कामों तैं बतांद।

दिब्य दरस 17:4 ပူးပေါင်းရင်းမြစ်များ

दिब्य दरस 14:8

अर पैला स्वर्गदूत का बाद एक-दुसरो स्वर्गदूत उड्‍द दिखै अर वेन इन बोलि कि, “पतन ह्‍वे गै, पतन ह्‍वे गै, बड़ा नगर बेबीलोन को पतन ह्‍वे गै, सब देसों का लोगु न वींका गळत सम्बन्ध बणौण वळी दारु पीयाली, ताकि सब लोगु तैं वीं की लत लगि जौ, अर वींका दगड़ा मा सरील का गळत सम्बन्ध बणौण का कामों तैं पूरु कैरा।”

दिब्य दरस 18:12

वु माल जैमा सोना, चान्दी, हीरा अर मोति अर अच्छु मखमल, बैंगनि कपड़ा, रेशमी अर लाल रंग का कपड़ा छिन। अर हरेक किसम का खुशबुदार लखड़ा, हाथीयों का दांत, इख तक की सबसे मैंगा लखड़ा, अर पीतळ, लोखर अर संगमरमर बटि बणि हरेक चीज छिन,

दिब्य दरस 18:16

“‘हे बड़ा नगर, त्वे पर हाय च, तू जु मखमल, बैंगनि अर लाल रंग का कपड़ा पैरदी, अर सोना, मोति अर मणियों का द्‍वारा भौत अच्छे से सजीं छैई,

दिब्य दरस 19:2

किलैकि वेको न्याय सच्‍चु अर सही च, अर वेन वीं बड़ी वेश्या तैं दण्ड दियाली, जिं न गळत सम्बन्ध बणौण से धरती तैं भ्रष्‍ट कैरी दिनी, अर परमेस्वर का भौत सा सेवकों तैं जान से मार दिनी, इलै परमेस्वर न वीं बटि अपणा सेवकों का ल्वे को बदला लिनी।”

दिब्य दरस 21:21

अर बारह गेट बारह मोतियों का बणयां छा, हरेक गेट एक-एक मोति को बणयूं छौ। अर नगर की सड़क साफ काँच की तरौं शुद्ध सोना की बणि छै।

दिब्य दरस 9:21

अर इन्‍नि और भि छा जौन हत्या, जादु-टोंणा, अर गळत सम्बन्ध रखिनी, चोरी कैरी मगर अपणा कामों से पस्ताप नि कैरी।