दिब्य दरस 17:18 - Garhwali

¹⁸ अर जिं जनानि तैं तिन देखि, वांको मतलब वे बड़ा नगर से च जु कि दुष्‍ट च, अर वेको राजा धरती का राजाओं पर सासन करदु।”

दिब्य दरस 17:18 ပူးပေါင်းရင်းမြစ်များ

लूका 2:1

अर ऊं दिनों मा रोमी महाराजा औगुस्तुस की तरफा बटि आज्ञा निकळि, कि रोम सरकार का राज मा रौण वळा लोगु की जनगणना किये जौ।

दिब्य दरस 11:8

अर ऊंन दुईयों की लांश यरूशलेम नगर का बीचों-बीच पोड़ि राली, जख ऊंका प्रभु तैं भि क्रूस पर चड़ये गै छौ। अर उखा लोगु को चाल-चलन सदोम नगर की तरौं बुरु, अर वु लोग मिस्र मुलक का लोगु की तरौं बेरहम छिन।

दिब्य दरस 12:4

अर वेन अपणी पूंच से आसमान का गैंणो का तीन हिस्सों मदि एक हिस्सा तैं खैंची के धरती पर ढोळि दिनी। तब उ खुंखार रागस वीं जनानि का समणि खड़ु ह्‍वे गै, ज्वा कि बच्‍चा तैं जनम देण वळी छै, ताकि जब बच्‍चा को जनम हो, त उ वेतैं निगळी द्‍यो।

दिब्य दरस 16:19

ये भ्वींचळा का औण से बड़ा नगर बेबीलोन का तीन हिस्सा ह्‍वे गैनी, अर देसों का नगर माटा मा मिली गैनी। तब परमेस्वर न बेबीलोन नगर तैं याद कैरी, अर अपणा परकोप की दारु वेतैं पिलै।

दिब्य दरस 18:2

अर वेन ऊँची आवाज मा चिल्‍लै के बोलि, “पतन ह्‍वे गै, पतन ह्‍वे गै, वीं वेश्या को पतन ह्‍वे गै जु कि बड़ु नगर बेबीलोन च, वु त खबेसों को घौर, अर हरेक किसम की अशुद्ध अर गन्दा पंछियों को घोल च, अर हरेक अशुद्ध अर घिण औणा वळा जानबर को उड़्यार बणि गै।