दिब्य दरस 17:1 - Garhwali

¹ अर येका बाद इन ह्‍वे कि जौं सात स्वर्गदूतों का पास सात कटोरा छा ऊं मदि एक न मेरा पास ऐके बोलि कि, “इख अऽ, मि त्वेतै दिखान्दु कि दुनियां की सबसे बड़ी वेश्या तैं मिलण वळु दण्ड क्या च, ज्वा कि भौत सि गाडो का छाला पर बैठि च।

गढवली नयो नियम

¹ जूं सात स्वर्गदूतों मा उ सात कटोरा छा, ऊंमा बट्टी एक ल ऐ के मि बट्टी यु बोलि, “मि त्वे तैं दिखौलु कि पिता परमेश्वर कन कै वीं बड़ी वेश्या तैं दण्ड दयालो, जु एक इन जगह पर बैठदी, जख बिजां गाड छिनी।

दिब्य दरस 17:1 ပူးပေါင်းရင်းမြစ်များ

लूका 24:32

तब ऊंन आपस मा बोलि, “पूरा बाटा फुंड जब उ हमरा दगड़ा मा बात-चित कनु छौ, अर पवित्रशास्‍त्र मा लिखीं बातों को मतलब हमतै समझौण छौ, त सच्‍चि मा हमरा मन मा या इच्छा होणी छै कि हम येकी और जादा सुणा।”

लूका 9:30

अर देखा, दुई मनखि वेका दगड़ा मा बात करणा छा, जु की मूसा अर एलिय्याह छा।

दिब्य दरस 1:1

ईं किताब मा वु बात लिखी छिन जौं तैं यीशु मसीह न अपणा दिब्य दरसन का द्‍वारा मि पर परगट कैरी। अर यू सब बात वेन पिता परमेस्वर बटि पैनी, ताकि उ अपणा सेवकों पर ऊं घटनाओं का राज तैं परगट कैरो जु कि भौत जल्द पूरि होण वळी छिन। अर यों सब बातों तैं यीशु न अपणा स्वर्गदूत का द्‍वारा मि यूहन्‍ना पर परगट कैरी, मि जु कि यीशु को सेवक छौं।

दिब्य दरस 15:1

फिर मिन स्वर्ग मा एक और बड़ु अदभुत चिन्‍न देखि की सात स्वर्गदूत छा, जौं का पास सात विपदा छै। अर यू आखिरी विपदा छै, अर येका दगड़ा-दगड़ि परमेस्वर को परकोप पूरु ह्‍वे जान्दु।

दिब्य दरस 16:19

ये भ्वींचळा का औण से बड़ा नगर बेबीलोन का तीन हिस्सा ह्‍वे गैनी, अर देसों का नगर माटा मा मिली गैनी। तब परमेस्वर न बेबीलोन नगर तैं याद कैरी, अर अपणा परकोप की दारु वेतैं पिलै।

दिब्य दरस 18:1

अर येका बाद मिन स्वर्ग बटि एक और स्वर्गदूत तैं उतरद देखि जैका पास एक बड़ु अधिकार छौ। अर वेकी चमक से धरती पर उज्याळु ह्‍वे गै।

दिब्य दरस 19:2

किलैकि वेको न्याय सच्‍चु अर सही च, अर वेन वीं बड़ी वेश्या तैं दण्ड दियाली, जिं न गळत सम्बन्ध बणौण से धरती तैं भ्रष्‍ट कैरी दिनी, अर परमेस्वर का भौत सा सेवकों तैं जान से मार दिनी, इलै परमेस्वर न वीं बटि अपणा सेवकों का ल्वे को बदला लिनी।”

दिब्य दरस 19:9

फिर स्वर्गदूत न मिकू बोलि, “लिख ले, धन्य छिन ऊ, जु मेम्‍ना का ब्यौ की दावत मा न्यूत्यां छिन।” अर वेन इन भि बोलि, “यू परमेस्वर का सच्‍चा वचन छिन।”

दिब्य दरस 21:15

अर जु स्वर्गदूत मेरा दगड़ा मा बात कनु छौ, वेमा ये नगर अर वेकी दिवालों अर वेका गेटों तैं नपणु खुणि सोना को एक फीता छौ।

दिब्य दरस 21:9

फिर जौं सात स्वर्गदूतों का पास सात आखिरी विपदा से भोर्यां सात कटोरा छा, ऊं मदि एक न मेरा पास ऐके बोलि, “यूहन्‍ना इख अऽ, मि त्वेतै वा जगा दिखान्दु जख बिस्वासी समुदाय का लोग यीशु से मिलणु खुणि तयार छिन, ठिक उन्‍नि जन एक ब्यौलि अपणा ब्यौला खुणि तयार रौन्दी।”

दिब्य दरस 4:1

यों सब बातों का बाद मिन देखि, कि स्वर्ग मा एक द्‍वार खुल्यूं च अर एक बिगुला का जन आवाज, ज्वा कि मिन पैलि सुणी छै वेन मिकू बोलि, “इख मथि अऽ, मि त्वेतै वु बात दिखौलु जु येका बाद होण वळी छिन, अर वु जरुर पूरि ह्‍वेलि।”